2 Corintios 3:6 - Qullan Arunaka DC

⁶ jupaw machaq arust'äwin luqtiritak yatichapxitu. Uka machaq arust'äwisti janiw mä kamachiru jaysañäkiti, jan ukasti Ajayun luräwiparjam jakañawa. Kamachix jiwañaruw puriyi, ukampis Diosan Ajayupax jakañ churi.

Aymar Bibliia 1986

⁶ Jupasti aca machak arust'äwin jupar sirviñataquejj ch'am churapjjaraquituwa. Uca machak arust'äwisti janiw cuna mä kellkataru jaysañäquiti, jan ucasti Kollan Ajayu catokasina jacañawa. Kellkat leyinacajja jiwañaruquiw api, ucampis Ajayojj jacañwa churaraqui.

Qullan Arunaca

⁶ Jupasti aca machak arust'äwin jupar sirviñataquejj ch'am churapjjaraquituwa. Uca machak arust'äwisti janiw cuna mä kellkataru jaysañäquiti, jan ucasti Kollan Ajayu catokasina jacañawa. Kellkat leyinacajja jiwañaruquiw api, ucampis Ajayojj jacañwa churaraqui.

2 Corintios 3:6 Jak'a apnaqawi uñst'ayäwi

Jeremías 31:31

Tatitux siwa: “Mä uruw purinini kunapachatix nayax Judá markampi, Israel markampi mä machaq arust'äwi lurkä uka uru.

Mateo 13:52

Ukat Jesusax jupanakar säna: —Kunapachatix kamachi yatichirix Diosan qhapaq markapat sum yatxi ukkhaxa, utani jaqjamawa, jupasti imat yänakapatxa, machaq yänaka, mirq'i yänak apsunki ukar uñtatawa —sasa.

Mateo 26:28

akax machaq arust'äwi wilaxawa, ukasti walja jaqinakan juchanakap qhispiyañatak wartatäniwa.

Marcos 14:24

Jesusasti saskakïnwa: —Akax nayan wilaxawa, Diosax uka wilampiw taqi jumanakampix mä arust'äwi luri, uka wila tuqirakiw walja jaqinakax qhispiyatäpxani.

Lucas 22:20

Manq'añ tukuyatatsti, Jesusax yaqha qiru astäna, sarakïnwa: —Aka qirux machaq arust'äwiwa, wilaxampi chimpuntata, ukasti jumanakan askimatakiw wartasi.

Juan 5:21

Kunjämtix Awkix jiwatanakar jakañ churas jaktaykixa, ukhamarakiw Yuqapax khitinakarutix munki ukanakarux jakañ churaraki.

Juan 6:63

Ajayuw jakañ churirixa; janchix janiw kunatakis askïkiti. Kunanaktix nayax jumanakar sapksma ukax ajayun jakañ churir arunakawa.

Romanos 1:5

Jesucristo tuqiw apostolüñatak katuqta, lurañanakap phuqhañataki, ukhamat sapa mayni markanakan jupar iyawsas jaysapxañapataki.

Romanos 3:20

ukampix janiw khitis siskaspati kamachirjamaw phuqhi, ukat Diosax jan juchanjam katuqañapa sasaxa, uka kamachisti jiwasan juchanïtas uñt'asiñasatakikiwa.

Romanos 4:15

Kamachix mutuyäwi apani; kawkhantix kamachix jan utjkixa, janirakiw kamachi p'akintañax utjkiti.

Romanos 4:17

kamisatix Qillqatan siski: “Nayax walja markanakan awkiparuw tukuyäma” sasa. Abrahamax uka Diosaruw iyawsäna, jiwatanakar jakañ churir Diosaru, kunatix jan utjki uk utjayir Diosaru.

Romanos 7:6

Ukampis jichhax jiwasxar munañanïkän uka kamachitakix jiwatäxtanwa, jichhasti Ajayun machaq jakäwimpi Diosar arkañasatak qhispitäxtanwa, janiw nayra kamachix qillqatäkän ukarjamati.

Romanos 8:2

Cristo Jesús tuqi jakañ churir Ajayun munañapax juchan munañapampita, jiwañampit qhispiyistu.

1 Corintios 11:25

Uka pachparakiw manq'añ tukuyasax qiru astäna, ukat sarakïna: “Aka qirux machaq arust'äwiwa, wilaxampi chimpuntata. Sapa kuti umapkät ukkhaxa, nayat amtasisaw lurapxäta” sasa.

1 Corintios 12:28

Diosax iglesian utjañap munäna, nayrïrinxa apostolunaka; payïrinsti profetanaka; kimsïrinsti yatichirinaka; ukxarusti muspharkañ luririnaka, mayninakax usutanakar qullirinaka, yanapasirinaka, sarayirinaka, yaqha arunakat parlirinaka.

1 Corintios 15:45

Qillqatan siwa: “Nayrïr chachax Adanawa, jupax jakkir jaqiw tukuwayi” sasa; ukampis qhipïr Adanasti jakañ churir ajayuw tukuwayi.

1 Corintios 3:10

Nayaw uta lurir jaqïtxa, nayaruw Diosax munasiñapan uta qalltañatak uchitu, ukatsti yaqhaw ukxarux pirqa sayt'ayaski. Ukampis sapa mayniw kunjämtix uka uta pirqa luraski uk amuyasiñapa,

1 Corintios 3:5

May sipansti, ¿khitirak Pablosti? ¿Khitirak Apolosti? Jupanakax irnaqirinakakïpxiwa, jupanak tuqiw jumanakax Tatitur iyawsapxta. Jiwasanakat sapa mayniw kuntix Tatitux luram siski uk luri:

2 Corintios 11:23

¿Jupanakax Criston irnaqiripäpxiti? Nayax jupanakatsa juk'ampïtwa, ukham parlasax inas mä luqhi jaqjam parlsta. Nayax jupanakat sipan juk'ampi irnaqawayta, nayarux jupanakat sipan walja kutiw carcelar jist'antapxitu, nayax jupanakat sipan juk'ampi jawq'jataw uñjasta, walja kutiw jiwayat niy uñjasta.

2 Corintios 3:14

Ukampis jupanakax janiw uk amuyt'añ munapkänti, jichhas kunapachatix nayra arust'äwi qillqat ullart'apki ukkhax, janiw amuyt'apkiti. Jupanakan amuyunakapax mä velompis imt'atäkaspa ukhamawa. Cristokiw jupanakar amuyt'añ yanapt'aspa.

2 Corintios 3:3

Ukax qhanakïskiwa, uka qillqatax jumanakäpxtawa, pachpa Criston qillqantata, nanak tuqi churataraki; uka qillqatax janiw tintampi qillqatäkiti, jan ukasti jakkir Diosan Ajayupampi qillqatawa; uka qillqatax janiw sillp'a qalanakar qillqatäkiti, jan ukasti, jaqinakan chuymanakapar qillqatawa.

2 Corintios 3:7

Moisesan kamachipax mä sillp'a qalanakar qillqsutänwa, qhapaq qhanampi muyuntatänwa, israelita jaqinakas janiw uka qhana laykux Moisesan ajanup uñkatirjamäpkänti, ukampisa, uka qhanax chhaqtawayxakïnwa. Uka jiwañatak juchañchañataki kamachitix qhapaq qhanampi muyuntatächïnxa,

2 Corintios 3:9

Ukampix sañ munta, jiwañatak juchañchatäñatak kamachitix qhapaq qhanampi muyuntatächïnxa, ukatsa juk'ampi k'ajkir kankañampiw jiwasar Diosax aski jaqit katuqkistu ukax yatiyatäni!

Gálatas 3:21

Ukhamasti, ¿janit Moisesan kamachipasti Diosan arsutanakap yäqkpachasti? ¡Janiw kunäkipansa ukhamäkiti! Kamachinakatix wiñay jakañ churasapän ukaxa, kamachir phuqhatas laykuw Diosax katuqistasapäna.

Efesios 2:1

Jumanakax nayrax ñanqha lurañanakana, jucha lurañanakan jakasax

Efesios 2:5

Ukat Cristompi chika jakañ churistu, juchanakasan jiwataskchïyätan ukasa. Jumanakax Diosan khuyapayasiñapat qhispiyasiñ katuqapxtaxa.

Efesios 3:7

Diosan khuyapayasiñapa, munasiñap tuqiw nayax uk yatiyañatak uchatäta, ukham jupax jach'a ch'amap uñacht'ayi.

Deuteronomio 27:26

“ ‘Ñanqhachatäpan aka yatichäwinakar jan yäqirixa, janirak ukhamarjam sarnaqki uka jaqixa.’ Uka arsutarusti taqpach markaw sani: ‘Ukhamäpan’ sasa.

1 Timoteo 4:6

Jumatix iglesiankirinakar akanak yatichätaxa, Jesucriston aski luqtiripäyätawa, iyawsäwi arunakamp ch'amañchata, aski yatichäwir arkatamamp thuruñchata.

2 Timoteo 1:11

Diosaw nayarux apostoluta, yatichirita, uka suma yatiyäwinak qhanañchir khithitu.

Hebreos 12:24

machaq amtäwi arxatir Jesusaru, q'umachatäktan uka wilaparu, ukax Abel chachan wilapat sipan juk'amp yatiyir wilawa.

Hebreos 13:20

Sumankañ churir Diosax, Tatit Jesucristosaruw jiwatanak taypit jaktayawayi, ovejanakan jach'a Awatiriparu, jupax wilapampiw wiñay arust'äwi arsuwayi,

Hebreos 7:22

Ukhamat Jesusax nayrïrit sipan juk'ampi suma arust'äwïtap qhanañchi.

Hebreos 8:13

Kunapachatix mä machaq arust'äwit Diosax parlki ukkhax, nayrïr arust'äwirux mirq'ïxatap qhanañchi; ukasti niy tukusiñampïskiwa.

1 Pedro 3:18

Cristox mä kutikiw juchanakas pampachañatak jiwawayi. Jupax aski jaqïnwa, ukampis juchararanak laykuw t'aqhisiwayi, ukhamat jiwasanakar Diosan ukar irpkatañataki. Jupax janchin jiwawayi; ukampis ajayun jakxañatakiw jaktaniwayi,

1 Juan 1:1

Kunatix qalltatpach utjkäna, kuntix nanakax ist'apkta, kuntix uñjapkarakta ukanakat qillqanipxsma. Nanakaw uñjapxta, amparanakaxampiw llamkt'apxarakta. Ukasti jakañ Aruwa.