2 Corintios 3:6 - Qullan Arunaca

⁶ Jupasti aca machak arust'äwin jupar sirviñataquejj ch'am churapjjaraquituwa. Uca machak arust'äwisti janiw cuna mä kellkataru jaysañäquiti, jan ucasti Kollan Ajayu catokasina jacañawa. Kellkat leyinacajja jiwañaruquiw api, ucampis Ajayojj jacañwa churaraqui.

Aymar Bibliia 1986

⁶ Jupasti aca machak arust'äwin jupar sirviñataquejj ch'am churapjjaraquituwa. Uca machak arust'äwisti janiw cuna mä kellkataru jaysañäquiti, jan ucasti Kollan Ajayu catokasina jacañawa. Kellkat leyinacajja jiwañaruquiw api, ucampis Ajayojj jacañwa churaraqui.

Qullan Arunaka DC

⁶ jupaw machaq arust'äwin luqtiritak yatichapxitu. Uka machaq arust'äwisti janiw mä kamachiru jaysañäkiti, jan ukasti Ajayun luräwiparjam jakañawa. Kamachix jiwañaruw puriyi, ukampis Diosan Ajayupax jakañ churi.

2 Corintios 3:6 Jak'a apnaqawi uñst'ayäwi

Jeremías 31:31

Tatitojj siwa: “Mä uruw puriniraquini cunapachatejj nayajj Judá marcampisa, Israel marcampisa mä suma machaka arust'äwi lurcä uca urojja.

Mateo 13:52

Jesusasti ucjjarojj saraquïnwa: —Cunapachatejj mä ley yatichirejj Diosan reinopata sum yatjje ucajja utan jakjamawa. Jupasti suma imat yänacapatjja yatiwa machak yänacsa, merk'e yänacsa apsuniñjja —sasa.

Mateo 26:28

Acasti nayan wilajjaraquiwa. Ucasti [machak] arust'äwiwa, cawquïritejj wartatäcani walja jakenacar juchanacapata khespiyañataqui.

Marcos 14:24

Jesusasti sascaquïnwa: —Acajj nayan wilajjawa [machak] arsüwi phokhañataqui. Walja jakenac laycuw wartasi.

Lucas 22:20

Copa astasinjja uca pachparac luraraqui, mank'añ tucuyatatjja, saraquiwa: —Aca copajj machak arust'äwiwa wilajj toke, acasti jumanacan asquimataquiw wartasi.

Juan 5:21

Cunjämtejj Awquejj jiwatanacar jactayejja, uqhamarac jacañ churi, Yokapajj qhitinacarutejj munqui ucanacarojj jacañjja churaraquiwa.

Juan 6:63

Ajayuw jacañ churi, janchejj janiw cunataquis asquïquiti. Cunanactï nayajj jumanacar parlapcsma ucajja chekpach ajayun jacañ churir arunacawa.

Romanos 1:5

Uca quipca Jesucristo tokeraquiw Diosajj jiwasanacar suma luraña churistu, sutipan jiwasanacajj arunacap yatiyir sarañasataqui take acapachanquirinacar jupar arquiri tucuyañataqui.

Romanos 3:20

Chekpachansa janiw qhitis uca leyirjam sarnakatap laycojj Diosan nayrakatapanjja catokatäcaniti. Uca leyisti jiwasanacan juchanïtas uñt'ayañataquiquiwa.

Romanos 4:15

Leyejja mutuñacwa apani, ucampis cawquintejj jan leyejj utjqui ucanjja janiraquiw cunas ley contrajj utjquiti.

Romanos 4:17

Dios nayrakatansa, qhitirutejj jupas iyawscaraquïna, cunjämtejj Diosan arunacapajj sisqui ucarjama: “Walja jakenacan awquipäñapataquiw lursma” sasa. Diosajj jiwatanacarojj jacañwa churi, cunanacatejj jan utjquis ucanacarusa utjcaspas uqhamwa utjayi.

Romanos 7:6

Ucampis uca leyin munañaparojj jiwatäjjtanwa, jichhasti khespiyatäjjtanwa Ajayun machak jacañan Diosaru sirviñataquejja, janiw uca merk'e leyejj kellkatäcän ucarjamati.

Romanos 8:2

Ajayun jacañanjja, Cristo Jesús tokew nayarojj juchan munañaparjam sarnakañatjja khespiyitu, uqhamarac jiwañatsa.

1 Corintios 11:25

Mank'a tucutatsti copa astasinjja saraquïnwa: “Aca copajj jichhajj machak arust'äwiwa nayan wilajjampi chimpuntatawa. Sapa cuti umapcäta ucqhajja, nayat amtasisaw lurapjjäta” sasa.

1 Corintios 12:28

Uqhamaraquipï Diosajj iglesiapanjja sapa maynirus lurañapa churejja: Nayrakatajja apostolonaca, ucjjarusti Diosat catokasina arunacap parlirinaca, ucjjarusti yatichirinaca, ucjjarusti milagro luririnaca, usutanacar c'umaraptayirinaca, yanapirinaca, irpirinaca, jan uñt'ata arunaca parlirinaca.

1 Corintios 15:45

Diosan Arunacapasti saraquiwa: “Nayrïri Adán jakejj mä jacquir jakewa tucuwayjje” sasa, ucampis khepa Adanasti jacañ churir ajayuruw tucuraqui.

1 Corintios 3:10

Nayajj uca utanjja mä uta luririmpi uñtatätwa, Diosaraquiw nayarojj uca utan kalltapjja uchayitu, ucjjarusti yakhanacaraquiw perkjja perkascaraqui. Ucampis sapa mayniw amuyasiñapa cunjämsa uca uta perkasqui ucjja.

1 Corintios 3:5

¿Qhitiraqui Pablosti? ¿Qhitiraqui Apolosti? Diosan sirviripaquïpjjewa, jumanacajj jupanac tokracwa Tatitur iyawsapjjtajja. Sapa maynis nanacarojj cuntï Diosajj: “Luram” sapquitu ucacracwa lurapjjta.

2 Corintios 11:23

¿Criston sirvirinacapäpjjeti? Nayajj jupanacatsa juc'ampïtwa. Acanac parlasajj inas mä lokhe jakjama parlsta. Jupanacat sipansa juc'ampwa irnaktjja, uqhamarac jupanacat sipansa juc'ampi jawk'jataw uñjastjja. Walja cutiw carcelar llaventapjjetu, walja cutiraquiw jiwañatsa khesptjja.

2 Corintios 3:14

Ucampis jupanacajj janiw amuyapcänti. Jichhas cunapachatï uca nayra arust'äwi leet'asipqui ucqhajja, janiw amuyapquiti. Uca velosti janiw jupanacat apakatäquiti, Cristoquiw uca veljja apakaspa.

2 Corintios 3:3

Uca cartasti jumanacäpjjtawa pachpa Criston kellkataraqui, nanacan churataraqui. Uca cartajj janiw tintampi kellkatäquiti, jan ucasti jacquir Diosan Ajayupampi kellkatawa. Uca cartajj janiw kalar kellkatäquiti jan ucasti jakenacan chuymapar kellkatawa.

2 Corintios 3:7

Aca Moisesan leyipajj letranacampi mä kalar kellksutänwa. Mä jach'a khanampiraquiw jutänjja, israelita jakenacas janiraquiw uca khana laycojj Moisesan ajanupsa uñcatañataqui ch'amanïpcänti, ucampis uca khanajj chhaktawayjjaquïnwa. Uca leyitejj uqham jach'a khanampi jutcchïna jiwañatac juchañchañataqui ucajja,

2 Corintios 3:9

Ucampejj sañ munta, jiwañar apir leyitejj wali c'ajquir cancañampi jutchïnjja, ucatsa juc'ampi c'ajquir cancañampiw jiwasar Diosajj catokestu jan juchanita.

Gálatas 3:21

¿Acasti Moisesan leyipajj Diosan arsutap contrawa sañti muni? Janiw cunäquipansa uqhamäquiti. Leyitejj jacañ churasapäna ucajja, cuntejj leyejj sisqui ucarjama phokhatap laycuw Diosajj catokestasapänjja.

Efesios 2:1

Diosajj Cristomp chicaw jumanacar jacañ churapjjtam, jan wali luräwinacamana uqhamarac juchanacaman jiwatäsipcäyätas ucqha.

Efesios 2:5

Ucatwa Cristomp chica jacañ churistu, juchanacasan jiwatascchïyätan ucasa. Uqhamajj jumanacajj Diosan qhuyapayasiñapatwa khespiyatäpjjtajja.

Efesios 3:7

Janis nayan waquiscchïna ucasa, Diosan ch'amap tokewa aca arunac apañatac uscutätjja.

Deuteronomio 27:26

‘Maldicitäpan cawquïritejj jan aca yatichäwinacar ajjsarcani, uqhamarjamasa sarnakcaraquiniti ucajja.’ Ucatsti takpach marcaw sani: ‘Uqhamäpan’ sasa.

1 Timoteo 4:6

Actejj yatichäta jilatanacarojja, Jesucriston mä suma sirviripäyätawa, ch'amañchasïtawa iyawsäwi arunacampi, suma yatichäwinac arcatamampi.

2 Timoteo 1:11

Diosajj nayarojj qhitituwa Tatitun arunacap khanañchañajjataqui, apostoljama qhitaraquitu jan judiöpquis ucanacar yatichañajjataqui.

Hebreos 12:24

Uqhamarac Jesusarusa, jupawa machak arust'äwin arjjatiripajja, jupan k'omanchir wilapaw juc'amp suma parljjayistu Abel chachan wilapat sipansa.

Hebreos 13:20

Sumancañan Diosajj Jesucristorojj jiwatanac taypit jactayi. Uca Jesucristosti ovejanacan jach'a awatiripawa, wilapampiwa wiñay arust'äwipjja arsuwayi.

Hebreos 7:22

Ucatwa Jesusajj nayrïrit sipansa juc'amp suma arust'äwiru sayt'awayejja.

Hebreos 8:13

Cunapachatejj mä machak arust'äwit Diosajj parlqui ucqhajja: “Nayrirïqui ucajj merk'ëjjew” siwa; ucatsti cunatejj niya merk'stasquejja ucajj janc'aw tucusjjani.

1 Pedro 3:18

Cristo quipcaraquiw juchanacas laycojj jiwäwipanjja t'akhesiwayejja jan mayampitaqui. Jupajj asqui jakënwa, ucampis jiwasan jan walïtas laycuw t'akhesiwayi, jiwasar Diosar irpañataqui. Janchinaqui jiwatänjja ucampis ajayupanjja jactanjjewa.

1 Juan 1:1

Kellkanipjjsmawa jumanacaru qhititejj utjcapunïna, cunapachatï take cunas kalltascäna ucqhatpacha. Nanacasti jupa pachpatwa ist'apjjta, uqhamarac quicpa nayranacajjampis uñjapjjaracta, uñcatapjjaracta, amparanacajjampis llamct'apjjaracta, ucasti jacañ Aruwa.