2 Corintios 3:5 - Qullan Arunaka DC

⁵ Janiw nanakpach kun lurañatakis yatiqatäpkirista ukhamäpkti; jan ukasti, taqi kuntix lurapkta ukax Diosat juti,

Aymar Bibliia 1986

⁵ Janiraquiw nanacpachas cuna lurañataquis yatekatäpquirista uqhamäpcti, jan ucasti take cuntï lurapcta ucajj Diosatwa juti.

Qullan Arunaca

⁵ Janiraquiw nanacpachas cuna lurañataquis yatekatäpquirista uqhamäpcti, jan ucasti take cuntï lurapcta ucajj Diosatwa juti.

2 Corintios 3:5 Jak'a apnaqawi uñst'ayäwi

Génesis 41:16

Joseasti ukxaruw säna: —Janiw nayat uk qhanañchkäxa; jan ukasti, Diosaw jumarux askimatak qhanañchätam —sasa.

2 Crónicas 30:12

Diosax Judá uraqinkir jaqinakan chuymanakap unxtayäna, Tatitun arsutanakaparjam reyimpina, jilïr irpirinakapampin arunakapar phuqhañataki.

Lucas 21:15

nayaw jumanakarux yatiñ kankañan phuqt'at arunak churapxäma, ukarusti janirakiw khiti uñisirinakamas kun kamsañatakis ch'amanïpkaniti.

Lucas 24:49

Nayasti kuntix Awkixax arskitu uk khithanï. Jumanakasti Jerusalén markan qhiparapxam, alaxpachat jutir ch'ama katuqañkama —sasa.

Juan 15:5

“Nayätwa uva alixa, jumanakasti layminakäpxtawa. Khititix nayampïki, nayasti jupampïkarakta ukax, walja achu churi, ukhamasti jan nayampix janiw kuns lurapkasmati.

Romanos 15:18

kuntix Cristox naya tuqi lurki ukak arsta, ukhamat jan judiöpkis ukanakax Diosar jaysapxañapataki. Taqi akanakasti arsutanakampi luratanakampiw phuqhasi,

1 Corintios 15:10

Ukampis Diosan khuyapayasiñap laykukiw kunäktix ukätxa; munasiñapasti nayatakix janiw inamayäkiti. Jan ukasti, nayax taqi apostolunakat sipan juk'amp irnaqawayta; janiw nayat irnaqktxa, jan ukasti, Diosawa, jupasti munasiñapan nayarux yanapitu.

1 Corintios 3:10

Nayaw uta lurir jaqïtxa, nayaruw Diosax munasiñapan uta qalltañatak uchitu, ukatsti yaqhaw ukxarux pirqa sayt'ayaski. Ukampis sapa mayniw kunjämtix uka uta pirqa luraski uk amuyasiñapa,

1 Corintios 3:6

nayaw yapuchta, Apolosti umampiw qarpxati, ukampis Diosaw uka yapuchatarux jiltayi.

2 Corintios 12:9

ukampis Tatitux situwa: “Munasiñaxampix phuqhatakïtawa; ch'amaxax t'ukhasiñan qhanpach uñsti” sasa. Ukhamasti t'ukhasiñaxat jach'añchastwa, ukhamat Criston ch'amapax nayan uñstañapataki.

2 Corintios 2:16

Jan qhispiyatanakatakix uka incienso q'aphix jiwayir q'apjamawa, ukampis qhispiyatanakatakix jakañ churir q'apjamawa. ¿Khitirak ukatak wakicht'atasti?

2 Corintios 4:7

Diosan uka jach'a churäwipasti janchinakasanxa mä ñiq'i phukhun imatjamawa, ukhamat uka jach'a ch'amax jan jiwasat jutatapa, jan ukasti Diosat jutatap yatisiñapataki.

Filipenses 2:13

Diosaw suma amtäwinak churapxtam, jupa pachparakiw uka lurañanak phuqhañan jupan munañaparjam yanapasipktam.

Filipenses 4:13

Criston ch'amapampix taqi kunaruw saykatirista.

2 Timoteo 2:2

Kuntix walja jaqinak nayraqatan arsur ist'kista ukanakxa, phuqhañatak wakicht'atäpki, yatichañatakis wakicht'atäpki ukanakar yaticht'am.

Santiago 1:17

Kunatix askïki, chiqäki ukax alaxpachankir Diosat juti, jupax alaxpachankir warawaranak lurawayi. Diosax pachpakïskiwa, jupansti janiw mayjt'añasa, ch'amakt'añas utjkiti.