2 Corintios 3:7 - Qullan Arunaka DC

⁷ Moisesan kamachipax mä sillp'a qalanakar qillqsutänwa, qhapaq qhanampi muyuntatänwa, israelita jaqinakas janiw uka qhana laykux Moisesan ajanup uñkatirjamäpkänti, ukampisa, uka qhanax chhaqtawayxakïnwa. Uka jiwañatak juchañchañataki kamachitix qhapaq qhanampi muyuntatächïnxa,

Aymar Bibliia 1986

⁷ Aca Moisesan leyipajj letranacampi mä kalar kellksutänwa. Mä jach'a khanampiraquiw jutänjja, israelita jakenacas janiraquiw uca khana laycojj Moisesan ajanupsa uñcatañataqui ch'amanïpcänti, ucampis uca khanajj chhaktawayjjaquïnwa. Uca leyitejj uqham jach'a khanampi jutcchïna jiwañatac juchañchañataqui ucajja,

Qullan Arunaca

⁷ Aca Moisesan leyipajj letranacampi mä kalar kellksutänwa. Mä jach'a khanampiraquiw jutänjja, israelita jakenacas janiraquiw uca khana laycojj Moisesan ajanupsa uñcatañataqui ch'amanïpcänti, ucampis uca khanajj chhaktawayjjaquïnwa. Uca leyitejj uqham jach'a khanampi jutcchïna jiwañatac juchañchañataqui ucajja,

2 Corintios 3:7 Jak'a apnaqawi uñst'ayäwi

Génesis 3:21

Ukatsti Tatit Diosax uywanakan lip'ichipat isi lurarapïna, chachampina warmimpin isthapt'asiñapataki,

Nehemías 9:13

“Ukatsti Sinaí qulluruw saraqantaxa, jupanakampiw alaxpachatpach parltaxa; jupanakarusti suma aski arsüwinak churtaxa, chiqpach yatichäwinaka, suma kamachi arunakampi.

Salmos 119:174

Tatay, ¡nayarux qhispiyakitaya! ¡Yatichäwinakamampix kusisitätwa!

Salmos 119:97

¡Yatichäwimarux walpun munasta! ¡Sapüruw ukxat lup'iskta!

Éxodo 24:12

Tatitux Moisesar sänwa: —Qullur makhatanim, nayan ukaru, ukan suyt'ita, nayasti qalat lurat tablanak churäma, ukaruw nayax kamachinakampi, kamachi arunakamp qillqta israelitanakar yatichañataki —sasa.

Éxodo 31:18

Tatitux Sinaí qullun Moisesar parlañ tukt'aykän ukapachaw, tunka kamachinakan qillqantat pä qala tablanak jupar churäna, ukanakasti pachpa Diosan ampar luk'anapamp qillqatänwa.

Éxodo 32:19

Campamentor jak'achasasti, Moisesax qurit lurat vaca qallu uñjäna, thuqhurinakaruw uñjarakïna, ukat walpun q'apisïna, amparapankkän uka tablanaksa uraqir jaqt'asin qullu kayun jisk'a jisk'a t'unjäna;

Éxodo 34:1

Tatitusti Moisesar sänwa: —Jichhasti nayrïr tablanakar uñtat pä qala tablanak wakicham, nayasti ukaruw qillqä jumax t'unjkta uka nayrïr tablanakxar qillqatäkän uka pachpa kamachinaka.

Hechos 6:15

Ukapachax marka apnaqirinakampi, taqi khitinakatix ukan qunt'atäsipkän ukanakasti, Estebanan ajanup uñkatasax, mä angelan ajanupäkaspas ukham uñkatapxäna.

Romanos 10:4

Kamachisti Cristompiw tukusxi, ukhamat taqinis iyawsäwi tuqi aski jaqit katuqatäpxani.

Romanos 4:15

Kamachix mutuyäwi apani; kawkhantix kamachix jan utjkixa, janirakiw kamachi p'akintañax utjkiti.

Romanos 5:20

Kamachisti, juchan juk'amp ch'amanïñapatakiw uñstäna; ukampis kunapachatix juchax juk'amp uñstxän ukkhasti, Diosax khuyapayasiñapan juk'ampirakïnwa.

Romanos 7:10

nayasti jiwañaruw purta. Ukhamasti kawkïr kamachitix nayar jakañ churañapäkän ukax jiwañarukiw puriyitu,

Romanos 7:22

Chuymax manqhansti Diosan kamachip wal munta,

Romanos 7:5

Kunapachatix jucha luririnakjam jakapkäyätan ukkhasti, uka kamachix janchisarux jan wali lurañanak amtayañatakikïnwa, ukasti jiwañarukiw puriyistu.

1 Corintios 13:10

kunapachatix chiqa kankañax purinkan ukapachaw ukanakax tukusxani.

2 Corintios 3:3

Ukax qhanakïskiwa, uka qillqatax jumanakäpxtawa, pachpa Criston qillqantata, nanak tuqi churataraki; uka qillqatax janiw tintampi qillqatäkiti, jan ukasti jakkir Diosan Ajayupampi qillqatawa; uka qillqatax janiw sillp'a qalanakar qillqatäkiti, jan ukasti, jaqinakan chuymanakapar qillqatawa.

2 Corintios 3:6

jupaw machaq arust'äwin luqtiritak yatichapxitu. Uka machaq arust'äwisti janiw mä kamachiru jaysañäkiti, jan ukasti Ajayun luräwiparjam jakañawa. Kamachix jiwañaruw puriyi, ukampis Diosan Ajayupax jakañ churi.

2 Corintios 3:8

¡Diosan Ajayupxar utt'ayat machaq arust'äwin yatiyäwipax, juk'amp k'ajkirïniwa!

Gálatas 3:10

Ukampis kamachin luräwipar alkatirinakax, ñanqhachatäpxiwa. Qillqatansti akham siwa: “Kamachin qillqatäki uka arunakarjam jan phuqhirinakax, ñanqhachatäpan” sasa.

Gálatas 3:21

Ukhamasti, ¿janit Moisesan kamachipasti Diosan arsutanakap yäqkpachasti? ¡Janiw kunäkipansa ukhamäkiti! Kamachinakatix wiñay jakañ churasapän ukaxa, kamachir phuqhatas laykuw Diosax katuqistasapäna.

Deuteronomio 4:13

Tatitusti jumanakarux jupan suma arust'äwip yatiyapxtam, ukasti Tunka Kamachinakawa, pä qala tablar qillqt'at churapxtam, jumanakan uka kamachinakarjam sarnaqapxañamataki.

Deuteronomio 4:8

¿Kawkïr jach'a markarak utji, kamachinakapasa, arsutanakapas chiqa, nayax jumanakar jichhürun yatiyapksma ukhamasti?

Deuteronomio 5:22

“Aka arunaksti Tatituw jach'at parläna, kunapachatix taqi jumanakax qullu kayun tantachasipkta ukapacha. Arupasti nina taypita, mä ch'iyar qinay taypit mistunïna. Tatitux pä qala tablanakaruw kamachinak qillqäna, uksti nayaruw katuyitu, ukatsti janiw kunampsa arskxänti.

Deuteronomio 9:15

“Nayasti nina aqaskir qullut saraqanxta ukapachaxa, suma arust'äwi qillqat pä tablanakxa, amparaxaruw apanïyäta.

Hebreos 12:18

Jumanakasti janiw israelitanakjamax jak'achasipktati, kawkïr qullutix llamkt'añjamäkän ukaruxa, uka qullux ninjamaw aqäna, kawkhantix laxa ch'amakasa, thayas utjkäna ukaruxa;

Hebreos 3:3

Ukampis Jesusarux Moisesat sipan juk'amp jach'aruw aptäna, kamisatix mä uta luririx utat sipan juk'ampi jach'ar aptatäki ukhama.

Hebreos 9:4

ukawjansti qurit lurat incienso nakt'ayañ altarampi, qurimpi apakipat arust'äwi arcampiw utjäna. Uka arca manqhansti qurit lurat mä chatuw utjäna, uka chatunsti maná sat t'ant'aw uchatäna; Aaronan thujrupax ch'uxñatatkatayna, ukhamarak tunka kamachi qillqat qalanakas arca manqhankänwa.