2 Corintios 3:8 - Qullan Arunaka DC

⁸ ¡Diosan Ajayupxar utt'ayat machaq arust'äwin yatiyäwipax, juk'amp k'ajkirïniwa!

Aymar Bibliia 1986

⁸ ¡cunja juc'ampi khanampis Diosan Ajayupan yatiyäwipajj jutejja!

Qullan Arunaca

⁸ ¡cunja juc'ampi khanampis Diosan Ajayupan yatiyäwipajj jutejja!

2 Corintios 3:8 Jak'a apnaqawi uñst'ayäwi

Isaías 11:2

Tatitun ajayupaw jupxankani, yatiñampi, ch'ikhi kankañampi, suma amuyt'a chuymamp churani, mä jach'a ch'aman reyïniwa, Tatitur uñt'asax suma ist'asirïniwa.

Isaías 44:3

nayax wasaran uma jalayä, waña uraqinsti jisk'a jawiranak jalayä. Wawanakamarusti mä machaq jakañ churä, jupanakxarux suma waxt'äwinak apayanï.

Isaías 59:21

Tatitux siwa: “Nayaw jumanakampix mä arust'äwi lurta, arsuraktwa, ch'amaxasa, yatichäwinakax churapksma ukanakasa, janipuniw jumanakatxa juk'ampi jayarst'kxaniti, janirakiw wawanakamatsa jayarst'kxaniti, ukanakasti wiñayatakipunïniwa” sasa.

Juan 1:17

kamachix Moisés tuqiw churasïna, ukampis munasiñampi, chiqa kankañampix Jesucristo tuqiw juti.

Juan 7:39

Ukampix Jesusax sañ munäna, khitinakatix iyawsapkani ukanakax Qullan Ajayu katuqapxani; Qullan Ajayux janïraw jupanak taypinkkänti, Jesusan alaxpachar janïr aptatätap layku.

1 Corintios 3:16

¿Janit jumanakasti Diosan utapäpxatam yatipktasti? ¿Janit jumanakasti Diosan Ajayupan jumanakan jakatap yatipktasti?

2 Corintios 11:4

Jumanakax wali sum katuqapxtaxa khitinakatix yaqha Jesusxat parlasis purinipki ukanakaruxa, kawkïr Jesusattix nanakax parlapksma ukat sipana. Ukhamarakiw yaqha ajaysa sum katuqapxtaxa kuntix nanakat katuqapkäyätas uka Ajayut sipansa, ukatsti yaqha arunak sum katuqapxaraktaxa qhispiyasiñ arunak churapksmas ukat sipan juk'ampi.

2 Corintios 3:17

Tatitusti Ajayuwa; kawkhankkitix Tatitun Ajayupaxa, ukkhanxa qhispiyat sarnaqasiñaw utji.

2 Corintios 3:6

jupaw machaq arust'äwin luqtiritak yatichapxitu. Uka machaq arust'äwisti janiw mä kamachiru jaysañäkiti, jan ukasti Ajayun luräwiparjam jakañawa. Kamachix jiwañaruw puriyi, ukampis Diosan Ajayupax jakañ churi.

2 Corintios 3:7

Moisesan kamachipax mä sillp'a qalanakar qillqsutänwa, qhapaq qhanampi muyuntatänwa, israelita jaqinakas janiw uka qhana laykux Moisesan ajanup uñkatirjamäpkänti, ukampisa, uka qhanax chhaqtawayxakïnwa. Uka jiwañatak juchañchañataki kamachitix qhapaq qhanampi muyuntatächïnxa,

2 Corintios 3:9

Ukampix sañ munta, jiwañatak juchañchatäñatak kamachitix qhapaq qhanampi muyuntatächïnxa, ukatsa juk'ampi k'ajkir kankañampiw jiwasar Diosax aski jaqit katuqkistu ukax yatiyatäni!

Gálatas 3:14

Ukatpï, kuna askinaktix Diosax Abrahamar arskäna ukax jan judiöpki ukanakatakirakixa. Ukhamasti, Jesucristorutix iyawsañänixa, Diosan arsutaparjamaw Ajay katuqañäni.

Gálatas 5:5

Ukampis jiwasanakanxa, Ajayu tuqi, iyawsañ tuqitarakiw, Diosan nayraqatapan katuqatäñ suyt'äwisax utjistu.

Efesios 2:18

Taqiniw Cristo tuqi, judionakasa jan judionakasa, mä sapa Ajayu tuqiki Awkirux jak'achastan.

2 Tesalonicenses 2:13

Ukampis nanakan jumanakat Diosar yuspagarañax wakisipuniwa, Tatitun munat jilatanaka, Diosaw jumanakarux qalltatpach qhispiyatäpxañamatak ajllisipxtam, jupaw jumanakarux Qullan Ajay tuqi qullananakar tukuyapxtam, chiqa kankañar iyawsapxatamata.

1 Pedro 1:2

Jumanakarusti nayratpach Dios Awkix amtataparjam ajllisipxtam. Ajay tuqiw jupatak yaqhachasipxtam, ukhamat jupar jaysapxañamataki, Jesucriston wilapamp q'umachatäpxañamataki. Jumanakasti Diosan jilarkir waxt'äwinakap katuqapxam, suman sarnaqasiñ katuqapxarakim.