Sofonías 2:7 - Qullan Arunaca

⁷ Ucatsti Judá marcan jilt'ir jakenacaw uca orakenacjja catuntasipjjani, cunapachatejj Diosapajj yanapt'añataqui jutcani, uqhamaraqui jaya marcaru apanucutatsa cuttayancani ucapacha. Jupanacasti ucanwa ovejanacap uñjapjjani. Arumanacasti Ascalón utanacanrac iquipjjani.

Aymar Bibliia 1986

⁷ Ucatsti Judá marcan jilt'ir jakenacaw uca orakenacjja catuntasipjjani, cunapachatejj Diosapajj yanapt'añataqui jutcani, uqhamaraqui jaya marcaru apanucutatsa cuttayancani ucapacha. Jupanacasti ucanwa ovejanacap uñjapjjani. Arumanacasti Ascalón utanacanrac iquipjjani.

Qullan Arunaka DC

⁷ Kunapachatix Tatit Diosax yanapt'añataki jutkani ukkhaxa, Judá markan jilt'ir jaqinakaxa, jaya markar apanukutat kutt'anisax uka uraqinak katuntasipxani, jupanakasti ukan uywanakap awatipxani, Ascalón markan utanakapan arumanakax ikipxarakini.

Sofonías 2:7 Jak'a apnaqawi uñst'ayäwi

Génesis 50:24

Mä urusti Joseajj jilanacaparojj sänwa: “Nayan jiwañajjajj jac'ancjjewa, ucampis Diosaw jumanacar yanapir jutani, ucatsti aca marcatjja apsuwayjjapjjaraquïtamwa, cawquïri oraktejj Abrahamaru, Isaacaru, Jacoboru, churañataqui arscäna ucaru” sasa.

Salmos 80:14

Take ch'aman Diosay, uñtanjjapjjaquitaya: qhuyapayasir nayramamp alajjpachat uñtanim, uva yapum tumpasir jutam,

Salmos 85:1

Tatay, aca marcamataquejj sinti munasiñanïtawa, Jacoborojj cusisiñap cutcatayjjtawa,

Éxodo 4:31

Ucanac uñjasinsti israelit jakenacajj iyawsapjjänwa, Tatitojj jupanacata amtasitapa, uqhamarac t'akhesitanacapsa uñjatapa. Ucatsti jupanacajj quillt'asisaw Diosarojj yupaychapjjäna.

Isaías 11:11

Uca urunacanjja Tatitojj wasitatwa ch'amap uñacht'ayani, marcapat jilt'irinacaru wasitat jicjjatjjasa, Asiriatsa, Egiptotsa, Patrosatsa, Etiopiatsa, Elamatsa, Sinaratsa, Hamatatsa, kota tokenquir marcanacatsa cuttayanjjaraquiniwa marcaparojja.

Isaías 11:14

Panpachaniraquiw inti jalanta toker sarapjjani ucatsti filisteonacar khepäjjat liwinucupjjaraquini; inti jalsu tokenquir marcanacarusti panpachaniw kamir cancañapjja aparapjjani. Jupanacan ch'amanacapasti Edom, uqhamaraqui Moab sisqui ucacamaw purini, amonitanacarusti jupanacaw apnakapjjaraquini.

Isaías 11:16

Cunapachatejj uca Tatitun marcapat jilt'irinacajj Asiriat cuttanjjan ucqhajj mä jach'a thaqui jicjjatapjjaraquini, cunjämtejj Israelajj Egiptot mistuncänjja uqhama.

Isaías 14:1

Jïsa, Tatitojj Jacobotjja qhuyapt'ayasiniwa, Israelarusti wasitatwa jupan ajllisitapat uñt'asjjani, israelita jakenacasti wasitatwa orakenacaparojj utjnokasjjapjjaraquini. Jaya marcan utjir jakenacasti jupanacarojj jac'achasipjjaraquiniwa, Jacobon marcapampisti mayachasjjapjjaraquiniwa.

Isaías 32:14

Palaciojj apanucutäjjäniwa; ucatak jaken marcasti wasaraw tucuni, uca suma thuru perkanacasti wiñayataqui apanucutäniwa, ucansti c'uchiquiw monte asnonacajj jacasipjjani, uywanacas ucanwa mank'asipjjaraquini.

Jeremías 23:3

Naya quipcaraquiw ovejanacajj-jja anthapisinjja cawquïri marcanacarutejj chhuqhunucuycta ucata, tantacht'asinsti pastonacaparuw cuttayanjjä, uqhamata walja kallunacanïpjjañapataqui.

Jeremías 29:10

“Naya Tatituw sista: ‘Cunapachatejj Babiloniaru pakallko tunca marajj phokhasjjani, ucapachasti nayajj jumanacatjja amtasjjäwa, cuntejj jumanacataqui arscta uca arsutajjsti phokharaquïwa, jumanacarusti cuttayanjjapjjaraquïmawa aca pachpa chekaru.

Jeremías 29:14

Jïsa, nayaw jumanacarojj, nayrakatajjaru puriyanipjjäma, ucatsti sarnakäwinacamjja nayaw uñj-jjaraquï. Take marcanacatwa jumanacarojj apsunjjapjjäma, uqhamaraqui take chekanacatwa apsunjjapjjäma, cawqhanacarutejj nayajj jumanacaru ananucupcsma uca chekanacata, ucatsti tantacht'asinjja, aca pachpa chekaruw jawsthapjjapjjaraquïma cawqhattejj ananucupcsma uca pachpa chekaru. Naya Tatituw ucjja arsta.’

Jeremías 3:18

“Uca uru purincani ucapachasti Judá marcajj Israel marcaruw jakcattjjani, ucatsti mayaquiw amsta tokenquir marcanacat cutt'anjjapjjani, cawquïri oraktejj nayajj mä herenciäcaspas uqhama nayrapacha awquinacapar churta uca orakeru” sasaw Tatitojj arsu.

Jeremías 30:3

mä uruw purinini, cunapachatejj nayan Israel marcajjasa uqhamaraqui Judá marcajjasa mayjt'ayatäjjani ucajja. Naya, Tatituw, arsta. Cawquïri oraktejj nayajj nayra awquinacaparu churcta uca orakeruw jupanacarojj cuttayjjä” sasa.

Jeremías 31:7

Tatitojj siwa: “Cusisiñat k'ochupjjam, Jacobon marcapatjja, jupasti take marcanacan jilïripawa. K'ochusitanacamsti ist'ayapjjaraquim, sapjjaraquim: ‘Tatitojj marcaparojj khespiyiwa, Israelat jilt'irirojja’ sasa.

Jeremías 32:44

Uca orakenacsti alasipjjaniwa, suma k'omachata papelanacani, selloni uqhamaraqui testigonacansa firmataraqui. Take acanacasti Benjamín tribun orakepanwa lurasiraquini, Jerusalén marca thiyanacana, Judá orakenquiri marca thiyanacana, kollu tokenacansa, jach'a kota thiya iramanacansa, uqhamaraqui Néguev sisqui uca marcanacansa, nayaw jupanacarojj asqui lurjjaraquï. Naya Tatituw ucjja arsta.”

Jeremías 33:12

Take ch'amani Tatitojj siwa: “Aca marcana, cawqhatejj jichhajj wasararu tucuyatäqui, jan jakeni, jan uywanacani, take marcanacana, wasitatwa pastonacajj utj-jjani, cawqharutejj awatirinacajj wasitat uywanacapa anaquipjjani.

Jeremías 33:7

Judá marcana, uqhamaraqui Israelan sarnakäwipsa sumaruw tucuyjjaraquï, ucatsti wasitatwa jupanacarojj sayt'ayjjä: cunjämäpcäntejj kalltanjja uqhamäjjapjjañapataquiraqui.

Jeremías 47:5

Gaza marcanquir jakenacajj ñic'utanacap k'al mururasipjje, Ascalón marcanquiri jakenacasti amutuquiw kheparjjapjjaraqui. Nayrapacha jach'a jakenacat jilt'iri, ¿cunapachcamas jumajj janchim qharinokasïta, usuyasitam uñacht'ayañataqui?

Ezequiel 39:25

Ucatpï jichhajj Tatitojj sejja: “Jichhajj take Israel marcpachatwa qhuyapayasëjja, take Jacobon wawanacapata. Jichhajj Israelan sarnakäwipajj sumäjjaniwa, uqhamat wayt'añajjataqui nayan kollan sutejjajj suma uñjatäñapataqui.

Oseas 6:11

Uqhamaraquiw jumataquis, Judá, cunürücanitï mutuyäwimajj ucsa chimpt'jjaractwa.” “Cunapachatï Israel marcajjan cuttanjjañapa munta,

Abdías 1:19

Néguev chekanquiri israelitanacasti Esaun kollunacapwa catuntasipjjani, pampanquirinacasti filisteonacan orakenacapwa catuntasipjjaraquini. Uqhamaraqui Efrainan orakenacapsa, Samaria oraksa catuntasipjjaraquiniwa. Benjaminan wawanacapasti Galaad orake catuntasipjjaraquini. Israelitanacat waljani yakha marcar preso apayatanacasti, cananeonacan orakenacapwa catuntasipjjaraquini Sarepta orakcama. Uqhamaraqui Jerusalenat preso catuntat jakenacasti, qhitinacatejj Sefarad chekan jicjjatasipqui ucanacajja, Néguev tokenquir marcanacwa catuntasipjjaraquini.

Miqueas 2:12

“Jacob marcarusti takpachaniruw tantacht'ä Israel marcat mä kawkha jilt'irinacarusti apthapjjaraquïwa. Ovejanacjamwa mayaru anthapjjä, suma pasto chekanacaruw ananokaraquï; ucatsti waljanïpcaspas uqhamwa ojjopjjaraquini.

Miqueas 4:10

K'ewinaktam, warariraquim Sión marca, cunjämtejj parto usumpi wararir warmejj wararejja uqhama, jakenacamajj jumatjja mistuwayjjapjjaniwa, ucatsti ch'usa pampanacanwa jacapjjaraquini, Babilonia marcacamaraquiw puripjjaraquini. Ucampis ucanjja Tatitojj marcaparojj khespiyaniwa, uñisirinacapatwa khespiyani.

Sofonías 2:9

Ucatwa naya jacquiri Diosajj arsta: Moab marcasti Sodoma marcjamaw tucuni, Amón marcasti Gomorra marcjamaraquiw tucuni, orakenacapansa ch'aphinacaquiw jiljjani, jayu orakeruraquiw tucuyaraquï, wasararuw wiñayatac tucuyaraquï. Ucatsti marcajjat jilt'ir jakenacaw saqueyapjjani, orakenacapsa catuntasipjjaraquini.

Sofonías 3:13

Israel marcan jilt'iri jakenacasti janiraquiw cunatejj jan chekapäqui ucanacjja lurcjjapjjaniti, c'arisipcaraquinisa, janiraquiw engaño arunacsa parlcjjapjjaniti. Jupanacasti jan cuna ajjsarasaw mank'asipjjani, samarapjjaraquini” sasa.

Sofonías 3:20

Qhä tiemponjja take jumanacaru cuttayanjjasinjja mayaruquiw tantachjjapjjäma, jaya marcaru apanucutäpjjatamatsti cuttayanjjapjjaraquïmawa, ucatsti asquiruw tucuyapjjaraquïma, take marcanac taypina jach'aru aptatäpjjañamataqui. Naya Tatitu Diosaw ucanac arsta.”

Hageo 1:12

Zorobabelas, Josué chachasa, uqhamarac jakenacasa, Tatitojj cuntejj profeta toke parlcän ucanac ist'asajj wal ajjsarthapipjjäna. Ucracwa Dios Tatitojj jaytawayatayna yatiyañataqui.

Hageo 2:2

ucatsti Zorobabelampiru, Josueampiru, uqhamarac take jakenacampiru sañapataquiw parläna:

Lucas 1:68

“Israelan Tatit Diosapajj bendicitäpan. Jupasti jiwasa marcaparuw juti, ucat khespiyistu.

Lucas 7:16

Uc uñjasinjja takeniw ajjsarthapipjjäna, ucat Diosar yupaychañ kalltapjje: “Mä jach'a profetaw jiwas taypin uñsti. Diosaw juti marcapar yanapt'iri” sasa.

Hechos 8:26

Uca khepatsti, Diosan mä angelapaw Feliperojj parläna: “Sartam, ucatsti aynach toker sararaquim, Jerusalenat Gazar sarakquis uca thaqui cheka” sasa. Uca thaquisti wasar chekwa pasawayi.

Hechos 8:40

Felipejj Azoto sata marcanwa jicjjatasjjäna. Ucatsti marcat marcaracwa saräna, khespiyasiñ arunac yatiyasa, Cesarea marcar puriñcama.

Romanos 11:5

Uca quipcaraquipï jichhajj jupanacatjja mä juc'ajj jilt'asquejja, ucsti Diosaquiw qhuyapayasiñapan ajllisejja.

Rut 1:6

Ucatwa mä urojj Noemí warmejj Moab marcana ist'äna, Diosajj wastat marcapat qhuyapayasitapata, mach'a maranacasti pasjjataparaqui.