Sofonías 2:8 - Qullan Arunaca

⁸ Acanacwa arsu Israel marcan jach'a ch'aman Diosapajja: “Nayajj ist'twa Moab sat marcan jan wali parläwinacapjja, uqhamaraqui Amón marcan ñankha arunacapsa. Jupanacasti marcajjarojj jisc'achapjjewa, uqhamaraqui orakenacapsa jach'aptayasipjjewa marcajjan orakenacapampejja.

Aymar Bibliia 1986

⁸ Acanacwa arsu Israel marcan jach'a ch'aman Diosapajja: “Nayajj ist'twa Moab sat marcan jan wali parläwinacapjja, uqhamaraqui Amón marcan ñankha arunacapsa. Jupanacasti marcajjarojj jisc'achapjjewa, uqhamaraqui orakenacapsa jach'aptayasipjjewa marcajjan orakenacapampejja.

Qullan Arunaka DC

^8-9 Israel markan jach'a ch'aman Tatitu Diosapax akham siwa: “Nayax Moab markan jan wali parlatanakap ist'twa, Amón markan ñanqha arunakapsa ist'araktwa. Jupanakax markaxaruw jisk'achapxi, markaxan uraqinakap katuntasisax uraqinakapsa jach'aptayasipxarakiwa. Ukat naya jakkiri Tatitux arsta: Moab markasti Sodoma markjamaw tukuni, Amón markasti Gomorra markjamarakiw tukuni, uraqinakapansa ch'aphinakakiw jilxani, jayu uraqiruw tukuni, wiñayatakiw ch'usa wasar uraqir tukuni. Markaxat jilt'ir jaqinakaw uraqinakap aparasin katuntasipxarakini” sasa.

Sofonías 2:8 Jak'a apnaqawi uñst'ayäwi

Génesis 19:37

Jilïri phuchasti mä yokall wawa wawachasi, ucarusti Moab sasaw suticharaquïna, ucasti jichhajj moabitanacan awquipäjjewa.

Génesis 19:38

Sullca phuchasti mä yokall wawa wawachasiraquïna, ucatsti Ben-amí sasaw suticharaquïna, ucasti jichhajj amonitanacan awquipäjjewa.

Isaías 15:1

Moab marcataqui profecía arunaca: Cuna arumatejj Ar sisqui uca marcajj t'unjatäcän uca arumajja, Moab marcajj t'unjataraquïnwa; Kir sat marcajj t'unjatäcän uca arumajj Moab marcajj t'unjataraquïnwa.

Isaías 16:6

Moab marcan jach'a jach'a tucur chuymapsti uñt'tanwa, jach'a jach'a tucuñapsa, sajjrätapsa, jan cunatac inamaya arunacapsa yatiractanwa.

Jeremías 12:14

Diosasti aqham siwa cawquïri marcanacatejj Israel marca jac'ancapqui uca ñankha marcanacarojja, cawquïrinacatejj aca orake t'unjapqui ucanacarojja, aca oraksti Diosaw marcaparu mä herenciäcaspas uqhama churaraqui: “Nayaw uca marcanacarojj orakenacapat jiq'inucü, Judá marcarusti jupanac taypitjja apsunjjaraquïwa.

Jeremías 48:1

Tatitun arunacapa, Israelan take ch'amani Diosapan arunacapa Moab marcataqui: “¡Pobre Nebo marca! ¡Cunja t'unjatätasa! ¡Quiriataim sat marcasti catuntatawa, jisc'achjataraquiwa! ¡Ch'amapasti pamparu liwinucutaraquiwa!

Jeremías 49:1

Tatitun arunacapa Amón marcataqui: “¿Cawquinquisa Israel marcan wawanacapajja? ¿Cawquinquisa herederonacapajja? ¿Cunatsa jichhajj Milcom sat diosan Gad marcajj jupanquejja? ¿Cunatsa amonita jakenacajj marcanacapan jacapjje?

Lamentaciones 3:61

Tatay, nayar toketanacapsa ist'amaya, nayataqui jan wali amtatanacapsa uñjaraquim.

Ezequiel 21:28

“Jumasti, chacha, nayan sutejj-jjaru parlam, Israel marcaru jisc'achiri amonita jakenacarusti saraquim: ‘Espadajj niya apsutawa jumanacar jiwarayañataqui, suma llijquiri kaksutaraquiwa llijullijunaca sarayañataqui, uqhamaraqui take cun t'unjañataquisa.

Ezequiel 25:1

Tatitusti, nayan ucaru jutasinjja, saraquituwa:

Ezequiel 35:12

Ucapachaw jumajj uñjäta, cuna jan wali arunactejj jumajj Israelan kollunacap toke arscäyäta uca arunaca ist'atajja. Jumasti saractawa: ‘Uca kollunacajj ch'usa wasaraquiwa, jichhajj tucj-jjaracsnawa,’ sasa.

Ezequiel 36:2

Naya Tatituw arsta: ‘Israelan uñisirinacapajj wiñay kollunacatjja niyas jupanacancjjaspa uqhamwa amuyasipjje.’

Amós 1:13

Aqham siw Tatitojja: “Amón marcanquir jakenacajj wali ñankhanacpun lurapjje, ucatsti janiw jan mutuyatäpcaspati, orakepa jach'a tucuyasiña laycojja Galaad marcanquir usur jake warminacan puracanacapsa qharipjjatapata.

Amós 2:1

Aqham siw Tatitojja: “Moab marcanquir jakenacajj walja ñankhanacpuni lurapjje, ucatsti janiw jan mutuyatäpcaspati, Edom marcan reyipan ch'aqhanacap khellar tucuyañcam phichhantapjjatapata.

Sofonías 2:10

“Ucäniwa Moab marcana Amón marcampina mutuyawïpajja. Diosan marcaparu jisc'achapjjatap laycu, uqhamaraqui orakenacapsa jach'aptayasipjjatapata jach'a ch'aman Diosan marcapan orakenacapampi.

Josué 5:9

Ucatsti Diosajj Josué chacharojj sänwa: “Aca lurasinwa jumanacat apakjjapjjsma Egipto marcan p'enkapa” sasa. Ucatwa uca chekarojj Gilgal sat sutini jichhürcama.