Sofonías 2:7 - Qullan Arunaka DC

⁷ Kunapachatix Tatit Diosax yanapt'añataki jutkani ukkhaxa, Judá markan jilt'ir jaqinakaxa, jaya markar apanukutat kutt'anisax uka uraqinak katuntasipxani, jupanakasti ukan uywanakap awatipxani, Ascalón markan utanakapan arumanakax ikipxarakini.

Aymar Bibliia 1986

⁷ Ucatsti Judá marcan jilt'ir jakenacaw uca orakenacjja catuntasipjjani, cunapachatejj Diosapajj yanapt'añataqui jutcani, uqhamaraqui jaya marcaru apanucutatsa cuttayancani ucapacha. Jupanacasti ucanwa ovejanacap uñjapjjani. Arumanacasti Ascalón utanacanrac iquipjjani.

Qullan Arunaca

⁷ Ucatsti Judá marcan jilt'ir jakenacaw uca orakenacjja catuntasipjjani, cunapachatejj Diosapajj yanapt'añataqui jutcani, uqhamaraqui jaya marcaru apanucutatsa cuttayancani ucapacha. Jupanacasti ucanwa ovejanacap uñjapjjani. Arumanacasti Ascalón utanacanrac iquipjjani.

Sofonías 2:7 Jak'a apnaqawi uñst'ayäwi

Génesis 50:24

Mä urusti Joseax jilanakaparuw säna: “Jiwañaxax jak'ankxiwa, ukampis Diosaw jumanakar yanapt'ir jutani, ukatsti aka markat irpsuwayxapxätamwa, kawkïr uraqtix Abrahamampiru, Isaacampiru, Jacobumpir churañatak arskäna uka uraqiru” sasa.

Salmos 80:14

14 (15) Taqi ch'aman Diosay, kuttanxakimaya; khuyapayasir nayramampi alaxpachat uñtanikimaya, uva yapum tumpasir jutakimaya,

Salmos 85:1

1 (2) Tatay, aka markamatakix sinti munasiñanïtawa, katuntat Israelarux wasitat kusisiñar kuttayanxta,

Éxodo 4:31

Ukanak uñjasinsti israelita jaqinakax Moisesar iyawsapxänwa, Tatitun jupanakat amtasitapa, t'aqhisitanakapsa uñjatap yatisinxa, jupanakax killt'asisaw Diosar yupaychapxäna.

Isaías 11:11

Uka urunakanxa, Tatitux wasitat ch'amap uñacht'ayani, markapat jilt'irinakarusti akïr markanakat kuttayanxani: Asiria, Egipto, Patros, Etiopía, Elam, Sinar, Hamat, ukhamarak quta tuqinkir markanakatsa.

Isaías 11:14

Uka markanakan jakirinakax inti jalanta tuqinkir filisteonakaruw nuwantapxani, qhipäxat nuwantasaw liwinukupxani; inti jalsu tuqinkir markanakarux qamir yänakap aparapxani, Edom markankirinakasa, Moab markankirinakasa, jupanakaruw jaysapxani, Amón markankirinakarusa jupanakaw apnaqapxani.

Isaías 11:16

Kunapachatix Tatitun markapat jilt'irinakaxa Asiria markat kuttanipkan ukkhaxa, mä jach'a thakhi jikxatapxani, kunjämtix Israel markax Egipto markat mistunkän ukhama.

Isaías 14:1

Israel markat khuyapt'ayasitapatxa, Tatitux wasitat jupan ajllisit markapat uñt'asxistani. Tatitux uraqisaruw kuttayanxistani. Yaqha markan utjir jaqinakasti markas taypin jawsayasiñatakiw jutapxani, ukatsti markasampiw mayachasxapxani.

Isaías 32:14

Reyin utapax apanukutäxaniwa; walja jaqin markasti jan jaqiniw tukuni; uka suma thuru pirqanakasti wiñayatak apanukutäniwa; ukansti monte asnonakax k'uchikiw jakasipxani, uywanakas ukan manq'asipxarakini.

Jeremías 23:3

Naya kipkaw ovejanakaxar anthapisinxä, kawkïr markanakarutix ananukuykäyäta ukata, tantacht'asinsti suma chiqäwjaruw kuttayanxä, ukhamat mä jach'a marka tukxañapataki.

Jeremías 29:10

“Tatitux siwa: ‘Kunapachatix Babiloniaru paqallqu tunka mara apnaqañap phuqhasxani ukkhasti, nayax jumanakat amtasxäwa, arsutaxarjamaw phuqharakï, jumanakarusti aka pachpa uraqiruw kuttayanxapxarakïma.

Jeremías 29:14

Jïsa, jumanakax nayarux jikxatapxitätawa, ukatsti sarnaqäwinakam sumaruw tukuyarakï. Taqi markanakat jumanakarux tantacht'apxäma, kawkhanakarutix nayax jumanakar ananukupksma uka chiqanakat apsunxapxäma, ukatsti Jerusalén markaruw kuttayanxapxäma. Naya, Tatituw uk arsta.’

Jeremías 3:18

“Uka uru purinkani ukapachasti, Judá markax Israel markaruw jaqkattxani, ukatsti mayakiw amsta tuqinkir markat kutt'anxapxani, kawkïr uraqtix nayax mä tutïkaspa ukhama nayra pacha awkinakapar churkta uka uraqiru” sasa.

Jeremías 30:3

mä uruw purinini, kunapachatix nayax Israel markaxaru, Judá markaxarus apanukutat kuttayankä uka uruxa. Naya, Tatituw uk arsta. Nayaw jupanakarux kawkïr uraqtix nayra awkinakapar churkta uka uraqir kuttayanxä” sasa.

Jeremías 31:7

Tatitux siwa: “Israelitanaka, kusisiñat q'uchupxam, jumanakax taqi markanakat sipansa aytat markäpxtawa. Q'uchutanakamsti ist'ayapxam, sapxarakim: ‘Tatitux Israel markan jilt'irinakaparux qhispiyiwa’ sasa.

Jeremías 32:44

Suma q'umachat papelanakani, qhanañchirinakan sutinakapampi qillqantat uraqinak alasxapxani. Taqi akanakasti Benjamín ayllun uraqipan lurasini, Jerusalén marka thiyanakana, Judá uraqinkir markanakana, qullu tuqin utjir markanakana, jach'a quta thiya iraman utjir markanakana, ukhamaraki Néguev siski uka markanakansa uraqinak alasxapxani. Nayaw Babilonia markat kuttayanxarakï. Naya, Tatituw uk arsta.”

Jeremías 33:12

Taqi ch'amani Tatitux siwa: “Aka markana, kawkhatix jichhax ch'usa wasarar tukuyatäki, jan jaqini, jan uywanakani ukhama, taqi uka markanakapanxa, wasitat chhuxllanakax utjxani, ukan awatirinakax uywanakapar manq'arayasipxani.

Jeremías 33:7

Judá markana, Israel markan sarnaqäwipsa sumaruw tukuyxarakï, kawkïr markarutix apayatäpkäna uka markatxa kuttayanxäwa, ukatsti jupanakarux wasitat sayt'ayxä: kunjämäpkäntix qalltanxa ukhamäxapxañapataki.

Jeremías 47:5

Gaza markankirinakax ñik'utap q'al mururasipxi, Ascalón markankirinakasti amutuw qhiparapxi. Nayra pacha jach'a tansa jaqinakat jilt'iri, usuyasitam uñacht'ayañatakix ¿kunapachkamas janchim kharinuqasïta?

Ezequiel 39:25

“Ukatpï jichhax naya, Tatitux sistxa: Jichhax taqi Israel markpachat khuyapt'ayasï, Jacobun taqi wawanakapata. Israelan sarnaqäwipax sumar tukutäxaniwa, ukhamat nayan qullan sutixax suman uñjatäñapatak wayt'arakï.

Oseas 6:11

Jumatakisti Judá, kunürükanitï mutuyäwimax uksa chimpt'xaraktwa. “Uka qhipatxa, Israel markaxarux uraqiparuw kuttayanxä.

Abdías 1:19

Néguev chiqankir israelitanakax Edom markan qullunakap katuntasipxani, pampankirinakasti filisteonakan uraqinakap katuntasipxani. Efrainan uraqinakapsa, Samaria uraqsa katuntasipxarakiniwa. Benjaminan wawanakapasti Galaad uraqi katuntasipxani. Israelitanakat waljani yaqha markanakar katuntat apayatanakasti, cananeonakan uraqinakap katusipxani, Sarepta markakama; Jerusalén markachirinakasti, khitinakatix Sefarad chiqar apatapkäna ukanakaxa, Néguev tuqinkir markanak katusipxarakini.

Miqueas 2:12

Jacobun saraqirinakaparux taqpachaniruw tantacht'xä, Israel markat mä qawqha jilt'irinakarusti apthapxarakïwa. Ovejanakjam mayaru anthapxä, suma chhuxllanakas utjki ukkhanakaruw ananuqarakï; waljanïpkaspas ukham uxupxarakini.

Miqueas 4:10

Sión marka, q'iwinaqtam, wararirakim, kunjämtix mä warmix wawachasiñatak wararki ukhama, jaqinakamax jumatxa mistuwayxapxaniwa, ukatsti ch'usa pampanakan jakapxarakini, Babilonia markakamarakiw puripxani. Ukan Tatitux markaparux qhispiyani, uñisirinakapatsa qhispiyarakini.

Sofonías 3:13

Israel markan jilt'iri jaqinakasti, jan wali luräwinakxa janiw lurkxapxaniti, k'arisiñsa apanukxapxaniwa, jupanakax sallqa arunaksa janiw parlkxapxaniti. Jupanakax jan kun axsarasaw manqt'asipxani, samart'apxarakini” sasa.

Sofonías 3:20

Khä urunxa, taqi jumanakar kuttayanxasinxa, mayarukiw tantacht'xapxäma; jaya markaru apanukutat uraqimar kuttayanxasinsti, askiruw tukuyapxarakïma, taqi markanak taypin jach'ar aptatäpxañamataki. Naya, Tatituw uk arsta.”

Hageo 1:12

Kunapachatix Zorobabelampi, Josué chachampi, ukhamaraki markankir jaqinakampix kuntix Tatitux Hageo profeta tuqi parlkän ukanak ist'asaxa, wal axsarayasipxäna.

Hageo 2:2

ukatsti Zorobabelampiru, Josué chachampiru, taqi jaqinakampir sañapatakiw arsüna:

Lucas 1:68

“¡Israelan Tatit Diosapax jach'añchatäpan, jupasti markasar qhispiyiriw juti!

Lucas 7:16

Uk uñjasin taqiniw axsarthapipxäna, ukat Diosar yupaychañ qalltapxäna akham sasa: —Mä jach'a profetaw jiwas taypin uñsti. Diosaw juti markapar yanapt'iri —sasa.

Hechos 8:26

Uka qhipatsti, Diosan angelapaw Feliper säna: “Wasaranjam sarañatak wakichasim, aynach tuqiruw saräta, Jerusalenat Gaza markar saraqkis uka thakhinjama” sasa.

Hechos 8:40

Felipesti Azoto sat markan jikxatasxäna. Ukatsti markat marka saräna, qhispiyasiñ suma arunak yatiyasa, Cesarea markar puriñkama.

Romanos 11:5

Uka kipkarakiw jichhax, jupanakat mä juk'a jilt'irix utjaski, Diosaw munasiñapan jupanakar ajllisi.

Rut 1:6

Mä urusti, Noemí mamax Moab markan suma yatiyäwi ist'äna, Tatitux Israel markapat khuyapt'ayasitapa, mach'a maranakasti tukusxataparaki.