Oseas 8:1 - Qullan Arunaca

¹ “Trompetam phust'am uñjir centinelajj phust'qui uqhama, Tatitun marcapjjaru. Jupanacajj arust'äwejjarojj p'aquintapjjewa, ucatsti yatichäwejj contraraquiw sayt'asipjje.

Aymar Bibliia 1986

¹ “Trompetam phust'am uñjir centinelajj phust'qui uqhama, Tatitun marcapjjaru. Jupanacajj arust'äwejjarojj p'aquintapjjewa, ucatsti yatichäwejj contraraquiw sayt'asipjje.

Qullan Arunaka DC

¹ “¡Uñch'ukiri, Tatitun markapxarux trompetam phust'am! Markaxar t'unjirix mä pakar uñtataw jutaski. Markaxax jan ist'asiriwa; janiw arust'äwixarus phuqhkiti, janirakiw kamachinakaxarjamas arkkituti.

Oseas 8:1 Jak'a apnaqawi uñst'ayäwi

2 Reyes 18:27

Ucampis Asirianquir oficialajj sänwa: —Janiw ucajj reyimataquïquiti, ni jumanacataquïquisa, Asiria marcanquir reyejj cuntï sañajjataqui qhitanquitu uca arunacajj, chekpachansa perka patancqui uca jakenacataquiwa. Jupanacasti jumanacjamaraquiquiw jupan pachpa wanupa mank'asiñapäni, uqhamarac pachpa chhojjonacapsa umasipjjañapäni —sasa.

Isaías 18:3

Take jumanaca acapachan jaquiri jakenaca, uñjapjjätaw cunapachatejj kollun mä chimpojj aptatäcan uca, ist'apjjaraquïtawa cunapachatejj trompetajj phust'ascani ucsa.

Isaías 24:5

Orakesti jakenacampi taquisitawa, leyinacsa apanucupjjaraquiwa, camachinacsa janiw phokhapcaraquiti, Tatitun wiñayatac arust'äwipsa t'unapjjaraquiwa.

Isaías 58:1

Tatitojj saraquituwa: “Jan ajjsarasa, wali jach'at art'am, mä trompetäcaspas cuncamajj uqham art'asim; marcajjarusti jan wali luratanacapatjj juchañcharaquim, Jacobon marcaparusti jucha luratanacapat juchañcham.

Jeremías 31:32

Aca arust'äwisti janiw cunjämatejj nayra awquinacapampi lurcta uqhamäcaniti, cunapachatejj jupanacarojj amparat wayjjarusin Egipto marcat irpsuncta uqhama; jupanacasti janiw arust'äwejjarojj phokhapquiti, nayajj jupanacan uywiripäcchiyäta ucasa. Naya Tatituw ucjja arsta.

Jeremías 34:18

Judá orakena, uqhamaraqui Jerusalén marcana jilïrinacapa, palacion yanapirinacapampi, sacerdotenacampi, take jakenacampi naya nayrakatanjja mä arust'äwi lurapjjänjja: Mä vaca kallu payaruw jaljapjjäna, ucatsti uca taypi pasapjjaraquïnjja, ucampisa uca arust'äwjja apanucupjjänwa, taquisipjjaraquiwa, janiraquiw phokhapcänti.

Jeremías 4:13

“Uñtapjjam, uñisirinacajj mä kenayjamaw jutanti, nuwasiñ carronacapasti mä jach'a thayjamaw jutantapjje, caballonacapasti jach'a jamach'inacat sipansa juc'ampi jalapjje. ¡Cunaquïcan jiwasataquejja, jichhajj k'ala tucusitätanwa!

Jeremías 4:5

“Aca arunacsti Jerusalenana, uqhamaraqui Judá oraken yatiyapjjam; trompetanacampi phust'asa take marcpacharu yatiyapjjam, wali jach'at art'apjjam: ‘¡Jina! ¡Tantacht'asipjjañäni! ¡Jach'a perkani marcanacaru!’ sasa.

Jeremías 48:40

Tatitojj siwa: “Moab marcan uñisiripajj jupataquiw jutanti chhekha janatatata allkamarir uñtata.

Jeremías 49:22

Bosra marcarusti uñisiripajj cunjämatejj mä siwek'arajj chhekha janatatasa mä jisc'a animalar thokjjatejj uqhamaraquiw thokjjatani. Uca urusti Edom marcanquiri guerrar sarir jakenacasti partompi k'ewisir warminacjamaw qhathatipjjaraquini.”

Jeremías 51:27

“¡Marcansti nuwantañataqui chimpu churapjjam! Trompetanac phust'apjjam, marcanacarusti waquichapjjaraquim Babiloniaru nuwantapjjañapataqui. ¡Jupa tokesti Ararat, Mini, uqhamarac Askenaz marcanaca toke sayt'apjjam! ¡Jumanacan nuwasiñanacama sum sarayañapataquisti mä general chhijllasipjjaraquim! ¡Caballeriarusti wali khoru t'ijut'ijunacarjamaraqui nayraru ant'apjjam!

Jeremías 6:1

¡Benjamín token utjir jakenaca! ¡Imantasiñ thaktapjjam, Jerusalenat jaltjjapjjam! Tecoa chekansti trompeta phust'apjjam, Bet-haquerem chekansti mä chimpu sayt'ayapjjam, mä jach'a jan walt'añampi, mä jach'a aynacht'añampiw, amsta toket ajjsarañapa churasinqui.

Ezequiel 11:4

Ucatpï jichhajj jumajj nayan sutejjaru jupanacaru parljjayañamajja” sasa.

Ezequiel 16:59

“Naya Tatitusti saractwa: Jumarusti mutuyapunïmawa juramento luratamsti janiw phokctati, cuna arust'äwitejj utjcän ucsa janiw phokcaractati.

Ezequiel 17:3

Ucatsti saraquim: ‘Aqham siw Tatitojja: Mä jach'a pacaw Líbano kollurojj purini, chhekhanacapasti sinti jach'anacänwa, cunayman casta color phuyunacaniraquïnwa. Cedro sat lawa acht'ataraquiwa,

Ezequiel 7:14

“Trompetas toct'asiraquiwa nuwasiñaru jawsasa; takeniw waquichasipjji, ucampis janiw maynis nuwaserejj mistcaraquiti. Israel marcan jach'a jach'a tucutapatsti colerasiñajjampiw mutuyaraquëjja.

Oseas 4:6

Marcajjasti janiw amuyanïcjjeti, ucatwa t'unjata uñjasiraqui. Jumasti sacerdote, yatiñamsa apanuctawa, ucatracwa jichhajj jumarojj nayar loktañanacatsa apanucuracsmajja, niyaquejjay jumajj Diosan yatichäwinacapsa armanucstajja, nayajj wawanacamatsa armasiraquïwa.

Oseas 5:8

¡Gabaa chekanjja guerra pututu phust'apjjam, Ramá chekansti trompetraqui phust'apjjam! ¡Bet-avén chekansti p'arjjtayapjjaraquim! ¡Benjamín casta jakenacarusti: Amuyasipjjam, sapjjaraquim!

Oseas 6:7

“Ucampis marcajjajja Adán chachjamaraquiw arsutajjarojj jan phokquiti, janiraquiw nayatacjamäcaraquisa.

Oseas 9:15

Tatitojj siwa: “Gilgal chekanwa take jan walinac lurapjjänjja, ucqhanracwa jupanacar uñisiñajja kallt-ta. Jan wali luräwinac lurapjjatapatjja; utajjatjja ananucüwa, janiraquiw jupanacarojj juc'ampi muncjjäti, take jilïrinacapasti naya contra sayt'asircamaquiwa.

Joel 2:1

“Sión kollunsti trompet phust'apjjam; Tatitun kollan kollupansti toct'asin jawsthapipjjam jakenacarojja. Take jumanacasti Judá marcan utjirinaca qhathatipjjam, Tatitun urupajj jac'ancjjatap laycu;

Joel 2:15

¡Sión kollunsti trompeta phust'apjjam! Marcarusti tantacht'apjjam ucatsti ayunapjjaraquim;

Amós 3:6

Cunapachatejj trompetan tuct'asitapajj marcan ist'asi ucqhaw jakejj wal sustjasi; cuns Tatitojj apayani ucqhaw marcanjja jan walinacajj utjejja.

Amós 8:3

Uca urojj palacion k'ochutanacasa llaquisiñaquïniwa; waljaniraquiw jiwarapjjani, jiwat janchinacapasti ankaru jaktatäjjaraquiniwa. Tatituw ucjja arsu.

Amós 9:1

Uñjtwa Tatiturojj altar jac'ana, ucatsti saraquiwa: “Uta perkar c'uphantam umbralanacap onjjtayañcama, ¡ucat uca perkajj jakenacjjaru alljattasin jiwaypan! Kheparapcani ucanacarusti ari espadampcamaw jiwarayäjja; inaquiw jaltañsa munasipcani, janipuniw maynis khespcaniti.

Habacuc 1:8

Caballonacapasti leopardo sat animalanacat sipana juc'amp jalirinacawa, uqhamarac wasaranquir mank'at awtjat lobonacat sipansa juc'ampi khorüpjjaraquiwa. Caballjjat jalirinacapasti jach'a tamar tucusaw jalapjje, jayatpacharacwa tutuct'apjjaraqui caturpayañataqui, cunjämatï pacajj catjañatac thokjjatquejj uqhama.

Sofonías 1:16

Uca urojj trompetaw phust'asini, wararipjjaraquiniwa. Uca jach'a suma lurat utanacas, uqhamaraqui jach'a altocam lurata torrenacapas t'unjatäcani ucqhajja.

Zacarías 11:1

¡Líbano kollunaca, puncum jist'arasim, cedro kokanacamjja nina naqhantpan!

Zacarías 9:14

Tatituw marcapjjaru uñacht'ayasinejja; flechanacapsti rayonacjam antutt'araquini. Dios Tatituw trompeta toct'anejja, aynach jach'a thayamp chicaw sarantaraquinejja.

Mateo 24:28

Cawquincquitejj jiwat amayajja, ucaruw siwik'aranacajj jutapjjani.

1 Corintios 15:52

Ucasti mä nayra ch'ipjjtanaquiw lurasiraquini, cunapachatï trompetan khepa phust'asitapajj ist'ascani ucqha. Trompetan phust'asitaparusti jiwatanacaw jactapjjani jan mayampi jiwjjañataqui; jiwasasti yakha cuerponëjjaraquiñäniwa.

Deuteronomio 28:49

Diosasti aca oraken jaya nacionatwa juma contra sartayani, cunjämas mä pacalejj janc'aqui jaltanejj uqhama, cawquïri marcan parlasïwiptejj jan yatcta;