Oseas 7:16 - Qullan Arunaca

¹⁶ Yakha diosonacaruquiw yupaychir sarjjapjje; k'ewinucut arcor uñtatäpjjewa, flechapasti janiraquiw purquiti puriñapäqui ucqharojja. Jan wali arunac parlapjjatapatsti, jilïrinacapajj espadan jiwayatcamaw jiwarapjjani, Egiptonsti jupanacatjja larusipjjaraquiniwa.”

Aymar Bibliia 1986

¹⁶ Yakha diosonacaruquiw yupaychir sarjjapjje; k'ewinucut arcor uñtatäpjjewa, flechapasti janiraquiw purquiti puriñapäqui ucqharojja. Jan wali arunac parlapjjatapatsti, jilïrinacapajj espadan jiwayatcamaw jiwarapjjani, Egiptonsti jupanacatjja larusipjjaraquiniwa.”

Qullan Arunaka DC

¹⁶ Yaqha diosanakar yupaychiriw sarxapxi; wixru mich'inak antutt'añar uñtatäpxiwa, mich'inakapasti janirakiw kawkharutix puriñapäki ukkhar purkiti. Jan walinak parlapxatapatsti, jilïrinakapax espadampi jiwarayatäpxaniwa, Egiptonsti jupanakat larusipxaniwa.

Oseas 7:16 Jak'a apnaqawi uñst'ayäwi

Salmos 12:3

Tatitojjay, c'ari parlir lajjranac saphitpach jiq'inucum, jach'achasir jakenacarus, ch'ojjña jakenacarus jiq'inucum,

Salmos 12:4

aqham sir jakenacarus tucusiyaraquim: “Lajjraw jiwasan ch'amasajja, lajjrasaw jiwasanacarojj arjjatistu, ¿qhitirac cun sistanisti” sasa.

Salmos 12:5

Tatitojj jupanacarojj siwa: “Jan cunan jakenacampi, jan yäkat jakenacampejj mutuyataw uñjasipjje, t'akhesiyataw uñjasipjjaraqui, ucat jupanacar yanapt'añatac sartasï, yanapt'ayasiñ munataparjamaw yanapt'ä” sasa.

Salmos 17:10

Jupanacajj kala chuymanacap jist'antasipjje, jach'a jach'a tucuñampiw arsupjje,

Salmos 52:2

Ñankha lurañac sapürus lup'isctajja, lajjramajj ari cuchillor uñtatawa.

Salmos 57:4

Oraken jaknokataw uñjasta, jake mank'an leonanac taypinjam jicjjatasta; laca ch'aqhanacapajj lanzanacjam, mich'inacjamawa, lajjrapajj ari espadar uñtataraquiwa.

Salmos 73:9

Lacapajj alajjpachataquiw achusi, lajjrapasti aca orakpach muyti.

Salmos 78:37

janiw chuymanacapajj khan arsupcänti, janiraquiw arust'äwiparjamas phokhapcänti.

Salmos 78:57

awquinacapjamaw Diosarojj apanucupjjäna, mays uñtapjjaraquïna; p'aquisir arcor uñtataw c'umthapipjjäna;

Isaías 3:8

Chekpachapuniw Jerusalenajj k'al aynacht'ani, Judá marcasti k'ala tucjataraquiw uñjasini, ucansti Tatitutaquiquiw arsupjje, uqhamarac lurapjjaraquisa, jach'a cancañapar, ñankhachasaraqui.

Jeremías 18:18

Jakenacasti sapjjaraquïnwa: “Jichhajj mä amtäwi lurañäni Jeremiasajj jan jiwasampëjjañapataqui. Jiwasaru yatichiri sacerdotenacajj utjascaniwa, amuyt'ani jakenacasa ewjjanacapa churañataquejj utjascapuniniwa, Diosan arunacapa yatiyiri profetanacas utjascapuniniwa. Jichhajj c'ari arunaca jupa toke arsuñäni uqhamat jiwayapjjañapataqui. Cuntejj jupajj sisqui uca arunacarusti janiraqui yäkañäniti” sasa.

Jeremías 3:10

Take ucanac pasatatsti, yakhampi sarnaker Judästi janiraquiw nayan ucarojj cuttanquiti take chuymapampejja, jan ucasti nayarojj sallkjituwa. Naya Tatituw ucjja arsta.”

Jeremías 42:18

“Israelana Diosapa take ch'amani Tatitusti siwa: ‘Cunjämatejj colerasiñajjampi khoruchasiñajjampejja ninjam jumanacataqui aktänjja, take qhitinacatejj Jerusalén marcan jacapcäna take ucanac toke, uqhamaraquiw jumanac tokejj colerasiñajjajj aktani, jumanacatejj Egiptor sarapjjäta ucapachajja. Jumanacajj jakensa uñtcaña maldecitäpjjätawa, ajjsarcaña tucjataw uñjasipjjaraquïta, janiraquiw mayampsa aca orakjja uñjapcjjätati’ sasa.

Ezequiel 23:32

“Naya Tatitusti aqham sistwa: Cullacamajj cawquïr copattejj umcänjja ucataracwa jumajj umäta, uca jach'a copatwa, umäta, larusiñanacampi, jisc'achasiñanacampi phokhantata copa,

Ezequiel 36:20

Ucampisa, cawqui marcanacarutejj jupanacajj puripcän uca marcanacansti, jupanacajj nayan sutejj-jja taquisisipcaquïnwa, jakenacasti sapjjaraquïnwa: ‘Acanacajj Dios Tatitun marcapawa, ucampisa orakenacapatjja mistunjjapjjewa’ sasa.

Daniel (hebreo) 7:25

Alajjpachanquiri Diosarusti jisc'achjaniwa; marcaparus tucjaraquiniwa, Diosan leyinacapsa, fiestanacapsa mayjt'ayañ munaraquini, Diosan marcapasti jupan apnakataraquïniwa, quimsa mara chicatancama.

Oseas 11:5

ucampis jupanacajj janiw nayar cuttaniñjja munapcänti. Ucatpï jichhajj wasitat Egiptor cuttapjjanejja, Asiriaraquiw jupanacarojj apnakani.

Oseas 11:7

Uqhampachas marcajjajj nayat jayancañjja munascaquiwa; arnakasisipcaraquiwa, ucampis janiw qhitis jupanacan arnakasitapjja ist'quiti.

Oseas 6:4

Tatitojj siwa: “¿Cunsa lurä jumampejj, Efraín? ¿Cunsa lurä jumampejj, Judá? Jumanacan munasiñanacamajj nayataquejj alba urpur uñtataquiwa, khantati sullar uñtataquiraquiwa, ucatsti mäquiraquiw chhaktawayjje.

Oseas 7:13

“¡Cunaquïcan jupanacatjja nayar apanucupjjatap laycojja! K'ala tucjatäpjjaniwa, naya contra sayt'asipjjatanacap laycu. Nayajj jupanacarojj khespiyañ munta, ucampis jupanacajj naya contraw c'arisipjje.

Oseas 9:3

Efrainasti Egiptoruraquiw cuttjjani, Asiria marcansti k'añu mank'anacwa mank'araquini. Janiw jichhajj juc'ampi Tatitun marcapan jacjjapjjaniti:

Oseas 9:4

Janiw Tatitun sutipjjaru juc'ampi vino umcjjapjjaniti, janiraquiw ucansa juc'ampi sacrificionac loktascjjapjjaniti. T'ant'a mank'atanacapas llaqui t'ant'jamäniwa, qhitinacatejj mank'apcani ucanacas k'añöjjapjjaraquiniwa. Jupanacaw uca t'ant'anacjja mank'asipcani, ucampis janiraquiw Tatitun temploparu ucanacjja apañataquejj ch'amanïpcaniti.

Oseas 9:6

Jupanacajj t'unjatäñatjja jaltjjapjjewa: Egiptow jupanacarojj catokjjaraquini, ucatsti Menfis chekaru imantatäjjapjjaraquiniwa. Kollket lurat yänacapasti athapillumpi phokhantatäniwa, carpanacapansti ch'aphinacaw jilantaraquini.

Malaquías 3:13

Diosasti siwa: “Jumanacasti jan wali arunacampiw nayatjja parlapjjtajja. Ucatsti sapjjaractawa: ‘¿Cunaraqui nanacasti jumatsti parlapjjtsti?’ sasa.

Malaquías 3:14

Acwa jumanacajj sapjjtajja: ‘Diosaru sirviñajj inamayaquiwa. ¿Cunaraqui jiwasasti apsuñäni jupan camachi arunacaparjam sarnakasajja, uqhamaraqui llact'at sarnakasasa take ch'aman Dios nayrakatanjja?

Mateo 12:36

Nayasti sapjjsmawa, taripäwi urunjja take jakenacaw uñstapjjani jan cuna asquitac arunac parlatanacapatsa.

Lucas 8:13

Kala taypiru jalantirïqui uca jathasti acawa: qhitinacatejj Diosan arupa ist'apqui, uqhamarac cusisiñamp catokapjje, ucampis janiw wali saphintatäquiti, mä kawkha pachataquiquiw iyawsapjje. Yant'anaca purinjjepanjja jithektjjapjjaquiwa.

Santiago 3:5

Uqhamaraquiw lajjrasampejj lurasi. Lajjrasajj jisc'aquiwa janchisanjja, ucampis walja jach'anacwa luraspajja. Mä jisc'a ninajj mä jach'a monte naqhantaspajja.

2 Pedro 2:8

Uca asqui chachasti sapüruraquiw uca jakenacan jan wali luratanacap uñjasina, uqhamarac ist'asinsa wali llaquisirïna.

Apocalipsis 13:5

Uca jach'a ajjsarcañ animalarusti Diosjjat jan wali arunac parlañapataquejj munañanïñaw churataraquïna. Pusi tunca payani phajjsiraquiw jupajj wali munañani tucüna.