Oseas 8:1 - Qullan Arunaka DC

¹ “¡Uñch'ukiri, Tatitun markapxarux trompetam phust'am! Markaxar t'unjirix mä pakar uñtataw jutaski. Markaxax jan ist'asiriwa; janiw arust'äwixarus phuqhkiti, janirakiw kamachinakaxarjamas arkkituti.

Aymar Bibliia 1986

¹ “Trompetam phust'am uñjir centinelajj phust'qui uqhama, Tatitun marcapjjaru. Jupanacajj arust'äwejjarojj p'aquintapjjewa, ucatsti yatichäwejj contraraquiw sayt'asipjje.

Qullan Arunaca

¹ “Trompetam phust'am uñjir centinelajj phust'qui uqhama, Tatitun marcapjjaru. Jupanacajj arust'äwejjarojj p'aquintapjjewa, ucatsti yatichäwejj contraraquiw sayt'asipjje.

Oseas 8:1 Jak'a apnaqawi uñst'ayäwi

2 Reyes 18:27

Ukampis asirio oficialax sänwa: —Kuna arunaktix Asiriankir reyix sañaxataki khithanitu ukax, janiw reyimatakïkiti, jumanakatakïkisa, chiqpachansa pirqa patankki uka jaqinakatakiwa, jupanakax jumanakjamarakiw pachpa wanupa manq'apxani, pachpa chhuxup umapxarakini —sasa.

Isaías 18:3

Taqi jumanaka, akapachan jakir jaqinaka, kunapachatix qullun mä chimpu aptapkan uk uñjapxäta, kunapachatix trompetax phust'askani uk ist'apxarakïta.

Isaías 24:5

Uraqisti jaqinakapan takisitawa, kamachinak jan phuqhatap layku, arsutanakaparus janiw jaysapkiti, Tatitun wiñayatak arust'äwipsa p'akintapxarakiwa.

Isaías 58:1

Tatitux situwa: “Jan axsarasa, wali jach'at art'am, kunkamax mä trompetäkaspas ukham art'asim; Israel markaxarusti jan wali luratanakapat juchañcham.

Jeremías 31:32

Aka arust'äwisti janiw kunjämtix nayra awkinakapampi lurkayäta ukhamäkaniti, kunapachatix jupanakarux Egipto markat amparat wayxarusin irpsunkta ukhama; jupanakasti uka arust'äwixarux janiw phuqhapkiti, nayax jupanakan uywiripäkchiyäta ukasa. Naya, Tatituw uk arsta.

Jeremías 34:18

Judá uraqina, Jerusalén markan jilïrinakapax, reyin utapan yanapirinakapampi, sacerdotenakampi, taqi jaqinakamp chikaw naya nayraqatan mä vaca qallu payar kharjasa, ukatsti uka taypi sarakipasawa mä arust'äwi lurapxäna. Ukampis uka arust'äwi takisipxänwa, janirakiw phuqhapkänti.

Jeremías 4:13

Uñtapxam, uñisirinakax mä qinayjamaw jutanti, nuwasiñ carronakapasti mä jach'a thayjamaw jutantapxi, caballonakapasti pakat sipansa juk'ampi jalapxi. ¡Kunakïkan jiwasatakixa, janiw kawkhar imantasiñasas utjkistuti!

Jeremías 4:5

“Aka arunaksti Jerusalén markana, Judá uraqin yatiyapxam; trompeta phust'as taqi markpachar yatiyapxam, wali jach'at art'apxam: ‘¡Jaqinakax uyuchrantat markanakar imantasir jaltxapxpan!’

Jeremías 48:40

Tatitux siwa: “Moab markan uñisiripax jutantiwa, chhiqhas janatatat jach'a pakar uñtataw jutanti.

Jeremías 49:22

Bosrá markarusti uñisiripax kunjämatix mä pakax chhiqha janatatas mä jisk'a animalar thuqxatkix ukhamaw thuqxatani, uka urusti Edom markankir nuwasir jaqinakasti, wawachasiñatak q'iwisir warminakjamaw khathatipxani.”

Jeremías 51:27

“¡Markansti nuwantañatak yatiyapxam! ¡Trompetanak phust'apxam, markanakarus wakicht'apxarakim, Babiloniar nuwantapxañapataki! ¡Ararat, Miní, Askenaz uka markanakax Babiloniar nuwantapxpan! ¡Nuwasïwi sarayiritakisti mä jilïri chhijllt'asipxam! ¡Caballeriarusti wali qhuru t'iju t'ijunakarjam nayraqatar ant'apxam!

Jeremías 6:1

¡Benjamín tuqin utjir jaqinaka! ¡Imantasiñ thaqtapxam, Jerusalenat jaltxapxam! Tecoa chiqan trompeta phust'apxam, Bet-haquerem chiqansti mä chimpu sayt'ayapxam, mä jach'a jan walt'añampi, mä jach'a aynacht'añampiw, amsta tuqit jutantaski.

Ezequiel 11:4

Ukatpï jumax Ezequiel, nayan sutixar jupanakar parlxayañamaxa” sasa.

Ezequiel 16:59

“ ‘Naya, Tatitusti saraktwa: Jumarux mutuyapunïmawa, juramento luratamar jisk'achatamata, arust'äwir jan phuqhatamata.

Ezequiel 17:3

Jupanakarusti sarakim: ‘Tatitux akham siwa: Mä jach'a pakaw Líbano qullurux puri, chhiqhanakapasti sinti jach'anakawa, kunayman sami phuyunakaniwa. Cedro quqan alay laymip katxaru,

Ezequiel 7:14

“Trompetsa nuwasiñar jawsañatak phust'asiskpan; taqinis wakichasiskpan, janiw maynis nuwasïwirux mistkaniti. Israel markan jach'a jach'a tukutapatsti phiñasiñaxampiw mutuyarakï.

Oseas 4:6

Markaxasti janiw amuyunïkxiti, ukat t'unjat uñjasi. Jumasti, sacerdote, yatiñsa apanuktawa, ukat jichhax nayax jumar apanukuraksma. Niyakixay jumax Tatitun yatichäwinakapsa armanukstaxa, nayax wawanakamat armasirakïwa.

Oseas 5:8

¡Guibeá chiqan nuwasiñatak putut phust'apxam, Ramá chiqansti trompet phust'apxarakim! ¡Bet-avén chiqansti p'arxtayapxam! ¡Benjamín ayllunkirinakarusti, amuyasipxpan sapxarakim!

Oseas 6:7

“Ukampis markaxaxa, Adanjamarakiw arust'äwixarux jan phuqkiti, janirakiw nayatak chiqa chuymanïpkiti.

Oseas 9:15

Tatitux siwa: “Guilgal chiqan taqi jan walinak lurapxäna, ukkhanrak jupanakar uñisiñ nayax qalltta. Jan wali luräwinak lurapxatapatxa; utaxat ananuküwa, janirakiw juk'amp munkxäti, taqi jilïrinakapasti nayatak sayt'asirkamakiwa.

Joel 2:1

Jerusalén markan trompet phust'apxam; Tatitun utapan jach'at phust'apxam. Judá markan utjirinakas taqin khathatipxpan, Tatitun urupaw jak'achasisinki:

Joel 2:15

¡Jerusalén markan trompet phust'apxam! Tatitun markaparusti ayuno lurañatak jawsthapipxam;

Amós 3:6

trompetan phust'asitap markan ist'aski ukkhaw jaqix wal sustjasi; Tatitux kuns apayanki ukkhaw jan walinakax markan utji.

Amós 8:3

Uka urux reyin jach'a utapan q'uchutanakax llakisiñaruw tukuni. Walja jaqinakaw jiwarapxani, jiwat janchinakapasti anqar jaqtatarakïniwa. Tatituw ukham arsu.

Amós 9:1

Tatiturux altar jak'ankaskir uñjta, jupasti situwa: “Uta pirqar k'uphantam piläranakap unxtayañkama; ¡ukhamat jaqinakxar allxattasin jiwaraypan! Qhiparapkani ukanakarusti espadampiw jiwarayä: inakiw jaltañsa munasipkani, janipuniw maynis qhispkaniti;

Habacuc 1:8

Caballonakapasti leopardo sata laq'unakat sipansa juk'amp jalirinakawa, wasarankir manq'at awtjat qamaqinakat sipansa juk'amp qhurüpxarakiwa. Caballxat jalirinakapasti jach'a tamar tukusaw jalapxi, uñisirinakapar katurpayañatakiw tutukxatapxi, kunjämatix pakax katjañatak thuqxatki ukhama.

Sofonías 1:16

uka urux trompet phust'añampi, warariñampiw ist'asini, suma uyuchrantat markanakaru, jach'a alaykam lurat pukaranakar t'unjañataki.

Zacarías 11:1

¡Líbano qullunaka, punkunakam jist'arasim, cedro quqanakamxa nina nakhantpan!

Zacarías 9:14

Tatituw markapxarux uñacht'ayasini; mich'inakap lliju llijunakjam antutt'ani. Dios Tatituw trompet phust'ani, aynach jach'a thayamp chikaw sarantarakini.

Mateo 24:28

Mä arunxa: Kawkhantix jaqi jiwatax utjkixa, ukkharuw siwiq'aranakax tantachasipxi.

1 Corintios 15:52

mä ch'ipxtanaki machaqar tukuñäni, kunapachatix trompetan qhipa phust'asitapax ist'askani ukapacha. Trompetan phust'ataparusti, jiwatanakax jan mayampi jiwañatakiw jaktapxani. Jiwasanakasti machaqar tukutäxañäniwa.

Deuteronomio 28:49

Diosasti wali jayankir uraqit jumar uñisir marka sartayani, juman jan uñt'at markat jutani, janiw jupanakan parlapsa yatktati. Uka jaqinakax jank'akiw nuwantasiñ yati, jaltir pakalir uñtata;