Oseas 8:2 - Qullan Arunaca

² Nayan ucarusti arnakt'asisajj jutasipcaraquiwa: ‘Jumarojj Israelan Diosapatwa uñt'asipjjsma’ sasa.

Aymar Bibliia 1986

² Nayan ucarusti arnakt'asisajj jutasipcaraquiwa: ‘Jumarojj Israelan Diosapatwa uñt'asipjjsma’ sasa.

Qullan Arunaka DC

² Nayan ukarusti arnaqt'asisax jutasipkarakiwa: ‘Jumarux Israelan Diosapat uñt'asipxsma’ sasa.

Oseas 8:2 Jak'a apnaqawi uñst'ayäwi

2 Reyes 10:16

aqham sasa: —Nayamp chica sarañäni, ucatsti uñjätawa Tatitur ancha munatajja —sasa. Uqhamawa carropata irpäna.

2 Reyes 10:29

Ucampis Jehú reyejj janiw sarakcänti, Nabatan Jeroboam yokapajj jucha luräwinacapampi israelitanacaru juch luraycäna ucanacatjja, jan ucasti yupaychascaquïnwa Dan, uqhamarac Betel chekanacanquir korit lurat vaca kallunacaru.

Jeremías 7:4

Janiraqui qhitinacatejj c'arinac parlapjje ucanacarojj alcatasipjjamti, qhitinacatejj sapjje: ‘¡Tatitun templopaw ucanqui, Tatitun templopaw acanqui sasa, ucanacarojja!’

Oseas 5:15

“Ucatsti utjäwejjaruw cuttawayjjä, jupanacan juchanacap uñt'asiñapcama, nayar thakeri jutapjjañapcamaraqui. ¡Llaquisiñanacapanwa nayarojj thakapjjetani!”

Oseas 8:3

Ucampis Israelajj cuntejj asquïqui ucjja apanucuwayiwa, ucat jichhajj uñisirinacapajj jupanacarojj arcnakani.

Miqueas 3:11

Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.

Mateo 25:11

Ucjjarusti purinipjjaraquiwa pisi amuyt'aninacäcäns uca pheska tawakonacajja, puncu jist'antatäjjepansti sapjjaraquïnwa: ‘¡Tata, Tata, jist'arapjjetaya!’ sasa.

Mateo 7:21

“Janiw qhitinacatejj: ‘Tatay, Tatay’ sisquitus ucanacajj takeni alajjpach marcarojj mantcaniti, jan ucasti qhitinacatejj Awquejjan munañapa lurqui ucanacaquiw mantani.

Lucas 13:25

Utanisti sartasin punc jist'antipanjja, jumanaca ankanquirinacajj punc lekt'apjjäta: ‘Tata, jist'art'apjjeta’ sasa. Ucampis jupajj sapjjätamwa: ‘Janiw uñt'apcsmati cawquinquirïsipcstajja’ sasa.

Tito 1:16

Jupanacajj: Diosarojj uñt'apjjtwa sapjjewa. Ucatsti luräwinacapampejj janiw uqham uñacht'ayapquiti, jupanacajj uñisirinaca, jan yäkasiñan khoru jakenacäpjjewa, janiraquiw cuna sumsa lurirjamäpquiti.

1 Juan 2:4

Ucampis cawquïritejj sanejja: “Nayajj uñt'twa” sasa, ucatsti janirac camachinacap imcaniti ucasti, c'ariwa. Jupanjj janiraquiw cheka arojj utjquiti.