Lucas 16:24 - Qullan Arunaca

²⁴ Ucatwa jach'at art'äna: ‘Abraham awqui, nayat qhuyapt'ayasita, Lazaroruy qhitanita luc'anapamp umar juricht'asin lajjrajj chhujt'ayañapataqui, aca ninansti nayajj walwa t'akhesiscta’ sasa.

Aymar Bibliia 1986

²⁴ Ucatwa jach'at art'äna: “Abraham awqui, nayat qhuyapt'ayasita, Lazaroruy qhitanita luc'anapamp umar juricht'asin lajjrajj chhujt'ayañapataqui, aca ninansti nayajj walwa t'akhesiscta” sasa.

Qullan Arunaka DC

²⁴ Ukat jach'at art'äna: ‘Abraham awki, nayat khuyapt'ayasita, Lazaroruy khithanita luk'anapamp umar juricht'asin laxrax chhujtayañapataki, aka ninan nayax wal t'aqhisiskta’ sasa.

Lucas 16:24 Jak'a apnaqawi uñst'ayäwi

Job 20:21

juc'ampsa munascaquïnwa, ucatpï jichhajj jan cusisiñjja jicjjatcanitejja.

Isaías 27:11

Cunapachatejj mä kokan layminacapajj wañsjje ucqhajj p'aquirtjjewa, warminacasti uca layminac apthapisipjje phayasiñataqui. Mä jan amuyt'asir marcawa. Ucatpï jupanacar uscuri Diosajj jan qhuyapt'ayascanitejja.

Isaías 66:24

“Jutapjjaniwa, ucatsti qhitinacatejj nayataqui sayt'asipcän uca jakenacan jiwat janchinacapwa uñjapjjani. Cuna lak'onacatejj uca janchipan mank'qui ucanacasti janiw jiwapcaniti, jupanacar naqhantir ninasti janipuniw jiwarcaraquiniti. ¡Take jakenacataquisti wali ajjtascañaraquïniwa!”

Zacarías 14:12

Cawquïr marcanacatejj Jerusalenampi nuwasipcän ucanacarojja Tatitojj walpuni mutuyanejja, jakenacarojj jacquirpacharuw janchipas ñusantanejja, nayranacapas pachparuw ñusantaraquinejja, lajjranacapas laca pachparuraqui.

Mateo 25:41

“Ch'ekäjjapancquis ucanacarojj saraquiniwa: ‘Nayat jithektapjjeta maldicitanaca, wiñay akquir ninar sarapjjam cawqhatejj waquichatäqui supayataqui angelanacapampitaqui ucaru.

Mateo 3:9

Janiraqui jumanacajj ‘Abrahaman wawanacapäpjjtwa’ sapjjamti, Diosasti aca kalanacatsa Abrahaman wawanacapjj sartayaspawa.

Mateo 5:22

Ucampis nayajj sapjjsmawa, qhititejj jilapampi colerasinejja, jilïrinacan tantachasïwipanjja juchañchatäniwa, uqhamarac qhititejj jilapar tokjjani ucasti jach'a jilïrinacan tantachasïwipan juchañchatäniwa. Uca quicparaqui ñankha arunacampi ñankhachani, jilapar jan walinac sirejja infierno ninataquïñapawa.

Lucas 16:30

Kamirejj ucjjarojj sänwa: ‘Jïsa, Abraham awqui, ucampis maynitejj jiwatanac taypit jupanacar sarani ucqhajja, arrepientisipjjaniwa.’

Lucas 19:9

Jesusasti saraquïnwa: —Jichhüruw khespiyasiñajj aca utar purini, aca jakesti Abrahaman wawanacapat jutiriraquiwa.

Lucas 3:8

Sum sarnakapjjam, jumanacan arrepientisitanacamjja khanpacha uñacht'ayapjjañamataqui. Ucatsti janirac jumanaccamajj sapjjamti: ‘Nanacajj Abrahaman wawanacapäpjjtwa’ sasa. Sapjjaracsmawa, Diosajj aca kalanacatsa Abrahaman wawanacapjja sartayaquispawa.

Juan 4:10

Ucjjarusti Jesusajj saraquïnwa: —Cuntejj Diosajj churqui uctejj yatismajja, uqhamarac qhititejj um mayctam uc yatiraquisma ucajja, jumaw nayarojj um mayitasmajja, nayasti jacquir umwa churaraquirisma —sasa.

Juan 4:14

Ucampis qhititejj naya churcta uca umat umcani ucajja, janiw mayampis pharjayascjjaniti. Cawquïr umtejj nayajj churcta ucajja jupa pachpanwa jalsuni wiñay jacañ churañataqui.

Juan 7:37

Fiesta tucuy urojj juc'amp jach'a urünwa. Ucürunwa Jesusajj sayt'asisina jach'at arsüna: —Qhitich umat pharjatäsqui ucajja jutpan nayaru, ucatsti umaracpan.

Romanos 4:12

Chekawa, Abrahamajj circuncidatanacan awquipawa, ucatsti iyawsañampiraquiw arcapjje, cunjämatejj Abrahamajj janïr circuncidatäcasin iyawsañanïna uqhama.

2 Tesalonicenses 1:8

Diosar jan catokerinacar mutuyiriw jutani, uqhamarac Tatit Jesucristosan khespiyasiñ arunacapar jan ist'irinacarusa.

Santiago 2:13

Qhitinacatejj jan qhuyapt'ayasis mayniru uñjapjjchejja, jan qhuyapt'ayasiñampi juchañchataraquïniwa, ucampis qhuyapayasirinacajja taripäwi urunjja take cuna atipjasaw mistupjjani.

Santiago 3:6

Lajjrajj mä ninampi sasiwa. Mä jan walinac luririwa janchisanqui, ucatsti cuerppachwa k'añuchejja. Pachpa infiernon aktayatawa, ucatsti take jacañasanwa naqharaqui.

Apocalipsis 19:20

Uca jach'a ajjsarcañ animalasti c'ari profetamp chica preso catutäjjänwa. Uca c'ari profetasti milagronaca lurirïtaynawa uca ajjsarcañ animal nayrakatanjja. Jupasti uca milagronacampiraquiw qhitinacatejj uca jach'a ajjsarcañ animalan chimpupampi uscuyascatayn ucanacarojj sallkjatayna. Ucatsti c'ari profetasa, uqhamarac uca ajjsarcañ animalasa asufrempi akasquiri nina kotar jacquirpacha jakontatäpjjänwa.

Apocalipsis 20:15

Ucar jakontatäpjjaraquïnwa qhitinacatï jacañ libron jan kellkatäpcäns ucanacajja.

Apocalipsis 22:1

Ucatsti angelajj jacañ churiri mä suma k'oma jawir uñacht'ayaraquitu. Uca umasti suma ch'uwänwa vidrior uñtata, Diosampina Corderompina tronopataracwa mistunïna.

1 Samuel 28:16

Samuelosti saraquïnwa: —¿Cunatsa nayar jisqhista, Tatitojj jumar apanucjjstam, uqhamarac juman uñisirima tucjjaracchi ucqhajja?