Lucas 16:23 - Qullan Arunaca

²³ “Kamiristi cawqharutejj jiwatanacajj sarapqui ucqhan uñatatasïna, ucatsti jayatpachwa Abrahamar uñjäna, uqhamarac Lazarorusa jupamp chicäsquiri.

Aymar Bibliia 1986

²³ “Kamiristi cawqharutejj jiwatanacajj sarapqui ucqhan uñatatasïna, ucatsti jayatpachwa Abrahamar uñjäna, uqhamarac Lazarorusa jupamp chicäsquiri.

Qullan Arunaka DC

²³ “Qamiristi kawkharutix jiwatanakax sarapki ukkhan uñatatasïna, ukatsti Abrahamarux jayankatap uñjäna, Lazarorusti jupamp chik qunt'atäskir uñjarakïna.

Lucas 16:23 Jak'a apnaqawi uñst'ayäwi

Salmos 16:10

Jumajj janiw jiwar catjjaruyquitätati janiraquiw arquiriman janchip ñusantañaps muncätati.

Salmos 49:15

Nayarusti Diosaw khespiyitani, jiwan amparapat antutnucuyitani, jupamp chicaw irpasjjaraquitani.

Salmos 86:13

Munasiñamajj nayatac jan tupt'cayawa, wiñay mic'ayat nayar waysustajja.

Salmos 9:17

Ñankha lurir jakenacampi, Diosar jan uñt'irinacampejj jiwañ mic'ayaruw chhaktapjjani, Diosat armt'asir jakenacajj wiñay jiwampiw tucusipjjani.

Proverbios 15:24

Jacañar irpir thaquejj amstaruwa sari, ucatsti yatiñan jakerusa khespiyaraquiwa jiwaña aynacharu puriñatsa.

Proverbios 5:5

Uca warmimpi sarnakañajj jiwañaruwa irpi; sarnakäwinacapasti jiwañaru chekacwa puriyaraqui.

Proverbios 7:27

Uca warmin utapar sarañasti, jiwañar sarañ thaquiwa.”

Proverbios 9:18

Ucampis jupanacajj janiw yatipquiti, mank'añataqui jawsata jakenacapajja jiwañaru sarasipcatapa.

Isaías 14:15

¡Jichhajj jiwatanacajj utjquis uca mankhapachcamaw sarakäta, ch'amaca mic'aya mankharuraquiw purïta!

Isaías 14:9

Mankhapachansti, jiwatanac taypinjja wali ojjoñaw utji, jumar catokeristi mistunipjjaraquiwa. Jiwatanacan ch'iwinacapas sartiwa, acapachan jilïrinacapasti jumar jicjjatiriw mistunipjjaraqui; take marcanacan reyinacapasti trononacapatjja sartapjjaraquiwa.

Mateo 11:23

Uqhamaraqui jumajj Capernaum marca, ¿amuyastati alajjpachcama jach'aru aptatäña? Infierncam apakatäyätawa. Sodomantejj acan lurasqui uca milagronacajj lurasisapänjja, uca marcajj jichhürcamaw utjascasapäna.

Mateo 18:9

Jan ucajj nayramatejj jucharu tincuntayirjamächi ucajja, apsusjjam ucatsti jayaru liwtam; walïspawa juman jacañaru mantañamajja maya nayraniqui, pä nayrani infierno ninar mantañat sipana.

Mateo 23:33

“¡Jumanacajj catari casta jan wali jakenacäpjjtawa! ¿Cunjämrac jumanacasti uca infierno mutuyäwitsti jaltapjjätasti?

Mateo 5:22

Ucampis nayajj sapjjsmawa, qhititejj jilapampi colerasinejja, jilïrinacan tantachasïwipanjja juchañchatäniwa, uqhamarac qhititejj jilapar tokjjani ucasti jach'a jilïrinacan tantachasïwipan juchañchatäniwa. Uca quicparaqui ñankha arunacampi ñankhachani, jilapar jan walinac sirejja infierno ninataquïñapawa.

Mateo 5:29

“Uca laycu, cupi nayramatejj juchar puriyirjamästam ucqhajja, apsusina jayar liwtam. Walïspawa mä nayrama janchiman chhakhañapaqui takpacha jañchima infiernor jakontatäñat sipansa.

Mateo 8:29

Ucanacasti wali jach'at art'apjjäna: —Jesús, Diosan Yokapa, ¿cunatsa jumajj nanacan ucaru jutta? ¿Nanacaru t'akhesiyirit juttajja janïra horasas purinquipana? —sasa.

Lucas 16:24

Ucatwa jach'at art'äna: ‘Abraham awqui, nayat qhuyapt'ayasita, Lazaroruy qhitanita luc'anapamp umar juricht'asin lajjrajj chhujt'ayañapataqui, aca ninansti nayajj walwa t'akhesiscta’ sasa.

Lucas 16:28

Ucansti pheska jilajjaw utjasqui, ucanacar parlaniñapataqui, uqhamat jan aca t'akhesiñaru jupanacajj jutapjjañapataqui’ sasa.

Lucas 8:28

Jesusar uñjasinsti jupajj nayrakataparuw quillt'asi, arnakt'asisa: —¡Jesús, alajjpachanquir Diosan Yokapa!, ¿cuna lurañamas nayamp utji? Achict'assmaw janiy t'akhesiyistati —sasa.

1 Corintios 15:55

Jiwa, ¿cawquincaraqui atipjir ch'amamasti? ¿Cawquincaraqui mich'imasti?” sasa.

2 Pedro 2:4

Diosajj janiw jupa contra juch lurir angelanacarus perdoncänti, jan ucasti infiernoruw jakontänjja, ch'amacanacaruraquiw jayti cadenanacampi ñach'antata taripäwi urutaqui.

Apocalipsis 20:10

Sallkjir Supayasti nina asufre kotaru jakontatänwa, cawqhanccäntï c'ari profetampi uca jach'a ajjsarcañ animalampejj ucaru. Ucanwa uruy aruma t'akhesipjjani wiñayan wiñayapataqui.