Lucas 16:25 - Qullan Arunaca

²⁵ Abrahamasti juparojj sänwa: ‘Wawa, amtasim cunjäms jacañamanjj wali sum jacäyätajj uca. Lazaron jacäwipasti jan walipunïnwa. Jichhasti acanjja jupajj cusisiñ catoke, jumasti t'akhestawa.

Aymar Bibliia 1986

²⁵ Abrahamasti juparojj sänwa: “Wawa, amtasim cunjäms jacañamanjj wali sum jacäyätajj uca. Lazaron jacäwipasti jan walipunïnwa. Jichhasti acanjja jupajj cusisiñ catoke, jumasti t'akhestawa.

Qullan Arunaka DC

²⁵ Abrahamasti juparux sänwa: ‘Wawa, amtasim, jumax jakañaman askinak katuqtaxa, Lazarosti jan walinak katuqi. Jichhasti akan jupax kusisiñ katuqxi, jumarusti t'aqhisiñaw wakt'tam.

Lucas 16:25 Jak'a apnaqawi uñst'ayäwi

Job 22:18

(Ucampisa uca Diosaw jupanacan utapjja take suma yänacampi phokhanti. ¡Nayatjja jayancpan jupanacjama amtañajja!)

Salmos 17:14

Tatay, ch'amamampiy jupanacat khespiyita; acapachat jupanacar jakonucum, acapachan jacañapajj tucuspan; yänacampejj kamirquipstasipcacpan, wawanacapajj phallañcam mank'apjjpan, allchhinacapataquis jilt'ascacpan.

Salmos 49:11

Amay imäwiw wiñay utjäwipajja, ucaw wiñay utapajja, marcanacar sutip churcchi ucasa.

Salmos 73:7

ñankha lurañamp pokontatäpjjewa, nayranacapajj thokorirjamawa, chuymapasti ñankha amtäwinac phullch'irayi.

Lamentaciones 1:7

Jerusalenasti qhaya urunacatwa amtasi, cunapachatï sapaqui, llact'ata kheparcäna uca urunacata. Cuna kamir cancañapatejj nayrajj utjcäna take ucanacatwa amtasi; cunjämsa uñisiripajj amparapar purïna take ucanacwa amtasi, janiraqui qhitis jupar yanapt'irejj jutcänti ucanacwa amtasi, uñisirinacapasti jupar uñjasinjja, aynacht'atapatjja larusipjjänwa.

Daniel (hebreo) 5:30

Uca arumpacharaquiw Belsasar reyirojj jiwayjjapjjäna, jupasti caldeo jakenacan reyipänwa. Media marcanquiri Darioraquiw uca reino catuntasjjäna. Darío reyisti ucapachajj sojjta tunca payani maraniraquïnwa.

Mateo 27:63

sapjjaraquïnwa: —Tata, nanacajj amtasipjjaractwa cuntejj uca c'ari parlir jakejj siscänsa uca. Jupasti saraquïnwa: ‘Quimsürut jactawayjjä’ sasa.

Marcos 9:45

Cayumatejj juchar puriyañ munstamjja, walïspaw qharekasjjañamajja, ucatsti juc'amp sumäspaw ch'ulla cayuni wiñay jacañar mantañamajja, pä cayunpacha infiernor jakontatäñamat sipansa, jan jiwarir ninan naqhañat sipansa.

Lucas 16:20

Utjaraquïnwa limosna mayjasir mä pobre jakejja Lázaro sata, ucasti llejjti usun tucjatänwa. Jupasti sapüruw kamirin utap puncupan kont'asirïna.

Lucas 16:23

“Kamiristi cawqharutejj jiwatanacajj sarapqui ucqhan uñatatasïna, ucatsti jayatpachwa Abrahamar uñjäna, uqhamarac Lazarorusa jupamp chicäsquiri.

Lucas 16:26

Uqhamarusa mä jach'a mic'aya mankhew utji nanacampi, jumanacampi jaljasa. Uqhamasti qhitinacatï acat ucscataru maqhatañ munapjje ucanacajj janiw maqhatancaspati, ni ucscatatsa acscatarus maqhatanipcaspati’ sasa.

Lucas 6:24

“Ucampisa ¡ay, camachapcaquïta jumanaca kamirinaca, cusisiñanacamjja catokjjapjjtawa!

Juan 16:33

Acjj sapjjsmawa jumanacajj samarañ jicjjatapjjañamataqui nayaru iyawsatanacam laycu. Acapachanjja jumanacajj t'akhesipjjätawa, ucampis ch'am catjjatapjjam, nayajj acapacharojj atipjtwa —sasa.

Hechos 14:22

Uca marcanacansti Tatitur iyawsirinacarojj ch'amañcht'apjjänwa. Sapjjaraquïnwa: “Tatitur iyawsañanacamanjja ch'aman sayt'apjjam. Diosan marcapar mantañataquejja, t'akhesiñajj waquisipuniwa” sasa.

Romanos 8:7

Janchin jacañat llaquisirinacajja Diosan uñisiripäpjjewa, ucatsti janiw Diosarojj munapquiti ni camachi arunacaparusa jaysapcaraquiti.

Deuteronomio 28:17

Maldicitäniwa canastamasa, uqhamaraqui t'ant'a chapusiñ bateamasa.

Filipenses 3:19

Khepa urunacanjja acanacajj tucjatäniwa, ucanacan diosapasti jupanacan quipca munañanacapaquiwa. Jupanacasti p'enkasiñäqui ucatsti wali jach'a jach'araquiw tucupjje. Acapach yänacatacwa wal lup'isipcaraqui.

1 Tesalonicenses 3:3

jan maynis aca jan walt'añanacampejj mayjt'asiñapataqui. Jumanacajj asquiw yatipjjta acanacajj pasañasapuniwa.

Hebreos 11:25

Jan ucasti Diosan marcapan uñisitäñwa munäna, mä juc'a tiempo juchanacan cusisiñat sipansa.

1 Juan 2:15

Jan acapachar munirïpjjamti, janirac acapachan yänacapsa. Cawquïritejj acapachar munasqui ucanjja, janïraw Dios Awquitac munasiñapajj utjquiti.

Apocalipsis 7:14

Nayasti sistwa: “Tata, jumaw yattajja” sasa. Jupasti saraquituwa: “Acanacajj wali jach'a llaquinacwa pasanipjje, isinacapsti Corderon wilapampi t'ajjsusaraquiw jank'optayanipjje.