Lucas 16:24 - Qullan Arunaka DC

²⁴ Ukat jach'at art'äna: ‘Abraham awki, nayat khuyapt'ayasita, Lazaroruy khithanita luk'anapamp umar juricht'asin laxrax chhujtayañapataki, aka ninan nayax wal t'aqhisiskta’ sasa.

Aymar Bibliia 1986

²⁴ Ucatwa jach'at art'äna: “Abraham awqui, nayat qhuyapt'ayasita, Lazaroruy qhitanita luc'anapamp umar juricht'asin lajjrajj chhujt'ayañapataqui, aca ninansti nayajj walwa t'akhesiscta” sasa.

Qullan Arunaca

²⁴ Ucatwa jach'at art'äna: ‘Abraham awqui, nayat qhuyapt'ayasita, Lazaroruy qhitanita luc'anapamp umar juricht'asin lajjrajj chhujt'ayañapataqui, aca ninansti nayajj walwa t'akhesiscta’ sasa.

Lucas 16:24 Jak'a apnaqawi uñst'ayäwi

Job 20:21

juk'ampsa munaskakïnwa, ukatpï kusisiñapax juk'atakikïnixa.

Isaías 27:11

Mä quqan layminakapax wañsxi ukkhax p'akirtxiwa; warminakasti uka layminak apthapisaw phayasipxi. Mä jan amuyt'asir markawa. Ukatpï jupanakar irnuqir Tatitux jan khuyapt'ayaskanitixa.

Isaías 66:24

“Kunapachatix markaxax misttankan ukkhasti, khitinakatix nayatak sayt'asipkäna uka jaqinakan jiwat janchinakap uñjapxani. Ukanak manq'ir laq'unakasti janiw jiwapkaniti, jupanakar nakhantir ninasti janipuniw jiwt'kaniti. ¡Taqi jaqinakatakisti wali axtaskañäniwa!”

Zacarías 14:12

Ukampis Jerusalenampi nuwasiri markanakarux, Tatitux walpun mutuyani: jaqinakapan janchipas jakkirpacharuw ñusantani, nayranakapasa, laxranakapas pachparuw wañsurakini.

Mateo 25:41

“Ukatsti ch'iqäxapankirinakaruw sarakini: ‘Ñanqhachatanaka, nayat jithiqtapxita, supayampitaki, angelanakapampitak wakichat wiñay aqkir ninar sarapxam.

Mateo 3:9

janirak jumanakax ‘Abrahaman wawanakapäpxtwa’ sapxamti; nayasti sapxsmawa, Diosax aka qalanakatsa Abrahaman wawanakap sartayarakispawa.

Mateo 5:22

Nayasti sapxsmawa, khititix jilapampi phiñasinixa, jupax juchañchatäniwa. Khititix jilapar tuqxani ukasti, Jach'a Tantachasïwinkir jilïrinakan juchañchatäniwa; khititix jilapar ñanqha arunakampi ñanqhachani ukasti, nina infiernor jaquntatäniwa.

Lucas 16:30

Qamirix ukxarux sänwa: ‘Abraham awki, janiw ukarux yäqapkaniti, ukampis maynitix jiwatanak taypit saraspaxa, jupanakax jan wali lurañanakat kutikipstapxaspawa’ sasa.

Lucas 19:9

Jesusasti juparux sarakïnwa: —Jichhüruw qhispiyasiñax aka utar purini, aka jaqisti Abrahaman wawaparakiwa.

Lucas 3:8

Sum sarnaqapxam, Tatitur kutikipstanipxatam qhanpach uñacht'ayapxam, ukatsti janirak jumanakkamax sapxamti: ‘¡Nanakax Abrahaman wawanakapäpxtwa!’ sasa; sapxaraksmawa, Diosax aka qalanakatsa Abrahaman wawanakap utjayakispawa.

Juan 4:10

Jesusasti juparux sänwa: —Jumax janiw yatktati kuntix Diosax churañ munktam uka, janirakiw yatktati khitïtsa nayax uka. Yatisma ukkhasti, jumaw nayarux uma mayitasma, nayasti jakkir uma churirisma —sasa.

Juan 4:14

nayax churkä uka umat umiristi, janiw mayampis pharjayaskxaniti. Kawkïr umtix nayax churkä ukax, jupa pachpan wiñay jakañatak jalsur uma phuch'uruw tukuni —sasa.

Juan 7:37

Phunchhäwi tukuy urux juk'amp jach'a urünwa. Ukürusti, Jesusax sayt'asisin jach'at arsüna: —Khititix umat pharjatäskchi ukax nayar jutpan, nayar iyawsiristi, ukat umt'arakpan. Kamisatix Qillqatan siski: “Nayar iyawsirin chuymapatxa, jakaskir umani jawiranakaw jalsuni” —sasa.

Romanos 4:12

Abrahamasti circuncisión katuqirinakan awkipawa, ukatsti iyawsañampiw arkapxi, kamisatix Abrahamax circuncisión janïr katuqkasin iyawsañanïna ukhama.

2 Tesalonicenses 1:8

Khitinakatix Diosar jan uñt'apki ukanakaru, Jesucristo Tatitusan suma yatiyäwi arunakap jan jaysapki ukanakar mutuyiriw jutani.

Santiago 2:13

Ukampis khitinakatix mayninakat jan khuyapt'ayaski ukaxa, jan khuyapt'ayasiñampi taripatäniwa, khuyapayasirinakasti taripäwi urun sumakiw mistupxani.

Santiago 3:6

Kuna arunaktix laxrasamp arsktan ukax ninamp sasiwa. Laxrasax ñanqhanak lurañatak wali ch'amaniwa, jakañasarus janiw walt'aykistaspati, ukatsti manqhapachan nakharaksna.

Apocalipsis 19:20

Uka jach'a axsarkañ animalasti k'ari profetamp chika katuntatäxänwa, uka k'ari profetasti muspharkañanak lurirïtayna uka axsarkañ animal nayraqatana. Uka muspharkañ luräwinak tuqiw, uka k'ari profetax sallqjatayna khitinakarutix jach'a axsarkañ animalan chimpupampi chimpuyasipkatayna, ukatsti ukan uñtasit lursutapar yupaychapkatayna ukanakaru. Ukatsti k'ari profetasa, uka axsarkañ animalasa azufrempi aqaskir nina qutar jakkirpacha jaquntataw uñjasipxäna.

Apocalipsis 20:15

khitinakan sutinakapatix wiñay jakañ qillqatan jan qillqatäkän ukanakax, ukar jaquntataw uñjasipxäna.

Apocalipsis 22:1

Ukatsti angelax jakañ churir mä suma q'uma jawir uñacht'ayitu. Uka jawirasti Diosampina, Corderompin qhapaq qunuñapat mistunïna, qhispir uñtat suma ch'uwarakïnwa;

1 Samuel 28:16

Samuelusti sarakïnwa: —¿Kunatsa nayar jiskt'asista? Tatitux jumar apanukxtamwa, ukatsti juman uñisirimaw tukxaraki.