Josué 7:6 - Qullan Arunaca

⁶ Ucatsti Josué chachampi jach'a amuyt'an israelit jakenacampejj isinacap wiqhanokasipjjäna, uqhamaraqui khellampis p'eketa willjjatasipjjäna, wali chuymanacapan mayjt'ata, ucatsti p'ekenacap alt'apjjäna Diosan arcap thiyaru wali jayp'untañcama.

Aymar Bibliia 1986

⁶ Ucatsti Josué chachampi jach'a amuyt'an israelit jakenacampejj isinacap wiqhanokasipjjäna, uqhamaraqui khellampis p'eketa willjjatasipjjäna, wali chuymanacapan mayjt'ata, ucatsti p'ekenacap alt'apjjäna Diosan arcap thiyaru wali jayp'untañcama.

Qullan Arunaka DC

⁶ Josué chachampi, Israelan jilïri jaqinakapampisti isinakap ch'iyanuqasipxäna, llakisiñatsa qhillampiw p'iqit willxatasipxäna, ukatsti p'iqinakap uraqkam alt'asaw Tatitun arcap nayraqatan killt'asipxäna.

Josué 7:6 Jak'a apnaqawi uñst'ayäwi

Génesis 37:29

Rubenajj phuch'ur cuttanjjän ucqhasti janiw Josearojj ucan jicjjatcjjänti, ucat isipa ch'iyanokasïna llaquisitap uñacht'ayañataqui.

Génesis 37:34

Ucatsti Jacobojj isipa ch'iyanokasisajja, lutt'asïnwa; jaya tiemporaquiw wawapatjja jachäna.

2 Samuel 1:11

Uqhamasti Davidajj, jupampïpcäna uca jakenacasa isinacapwa llaquisiñatjja ch'iyanokasipjjäna.

2 Samuel 1:12

Saúl reyimpina, Jonatán yokapampina jiwatapatsti wali jachapjjäna, wararipjjaraquïna, uqhamaraqui israelitanacajj atipjata uñjasipjjatapatsa. Dios Tatitun ejercitopajj atipjatätapata jayp'ucamaw ayunapjjaraquïna.

2 Samuel 1:2

Ucampis quimsa uru pasatatsti, Saúl reyin campamentopatjja mä jakew puriniraquïna, isinacapas ch'iyanokata, p'ekepas lak'ampi jach'jjatata, llaquipa uñacht'ayañataqui. Cunapachatejj purinïna ucapachasti, Davidan nayrakataparuw alt'asiraqui take ajjsartañ chuymampi.

2 Samuel 12:16

Ucapachaw Davidajj Diosarojj wali achict'asïna, ayunasina orakeru iquisina.

2 Samuel 13:19

Ucatsti uca suma isipa ch'iyanokasisinsti p'ekepjjaru khellampi willjatasisinsti jacht'asisaw sarjjäna thaquinjama amparapampi p'ekep catt'asa.

2 Samuel 13:31

Uc ist'asinsti reyejj isinacapwa ch'iyanokäsïna, orakeruw liwitattaraquïna. Take cawquïri oficialanacapatejj ucanccäna ucanacasti isinacapjja ch'iyanokasipjjaraquïnwa;

2 Reyes 22:11

Ucat reyejj ley librojj cuntï siscäna ucanac ist'asinjja, isipwa ch'iyanokasïna.

2 Crónicas 34:19

Reyisti ley arunaca ist'asinjja, isipwa ch'iyanokasïna,

Esdras 10:1

Esdras sacerdotejj quillt'asisinwa oración lurascana, uqhamarac aca arunaca jacht'asisa arsuscäna Diosan templopa nayrakatana ucqhajja, mä jach'a tama israelitanacaw wali jacht'asisaraqui jupar muyuntasa tantachasipjjäna, chachanaca, warminaca, uqhamarac wawanacasa.

Nehemías 9:1

Uca pachpa phajjsïri pä tunca pusini urunaca sarakataru ucqhajja, israelit jakenacajja tantachasipjjänwa ayunañataqui; jupanacasti isthapisipjjänwa chhanqha isinacampi, uqhamarac p'eke patanacaparusa lak'ampiwa willjjatasipjjäna.

Ester (hebreo) 4:1

Mardoqueosti take cunanacatejj lurasiñapäcäna uc yatisinjja, llaquisitapa uñacht'ayañataquisti isipa ch'iyanokasisaw luto chhanqha isi isintasïna, uqhamarac p'ekepatsa khellampiraquiw warjjatasïna. Ucatsti wali llact'ataw marcanjja arnakasisa ucsa acsa sarnakäna.

Ester (hebreo) 4:3

Uqhamarac reyina ordena churatapajj kawqha provincianacarutejj purïna ucanjja judionacajj wali jach'a llaquisiñancapjjänwa. Ucatsti jupanacajj llaquisitanacapjja uñacht'ayapjjänwa ayunasina, jachasina, uqhamarac wali warariñanacampi, waljaninacaraquiw luto chhanqha isi isintasisinjja khella pataru iquipjjaraquïna.

Job 1:20

Ucatsti Job chachajja sartasinjja wali llaquin phokt'ataw isinacapa ch'iyanokasïna, ñic'utapsa mururasisaw quillt'asisa yupaycharaquïna.

Job 2:12

Purisinsti Job chacharojj jan uñt'caya jicjjatapjjäna; uqham jan wali uñjasinsti wararipjjänwa, jachapjjaraquïnwa, uqhamaraqui isinacapsa ch'iyanokasipjjäna, p'ekenacaparusa lak'ampiw willjjatasipjjaraquïna.

Job 42:6

Ucatpï jichhajj chuymas usuta parlatanacajjatsa jumat jayana pisayastjja, lak'a khellaru kont'ata.”

Lamentaciones 2:10

Ucqha suma Sión marcanquiri chuymani jakenacasa amuquiw oraken konurjjapjje, p'ekenacapjjarusti lak'anacwa jach'jjatasipjje, chhanqha isinacampiw isthapisipjjaraqui. Jerusalén marcanquir tawakonacasti orakcamaw p'ekenacapsa alt'asipjjaraqui.

Números 14:6

Nun chachan Josué yokapampi, uqhamarac Jefone chachan Caleb yokapampejj cawquïrinacatejj orake uñjir sarapcatayna ucanacajj isinacapwa ch'iyanokasipjjäna,

Números 16:22

Ucampis jupanacajj ajanunacap oraker puriyañcamaw alt'apjjäna, ucatsti sapjjaraquïnwa: —Dios Tata, jumaw take jakenacarus jacañ churta, ¿takpach marcampiti colerasïta mä sapa jaken juchapatjja? —sasa.

Números 16:45

—Jithektapjjam take uca jakenacata, nayaw anchhita jupanacar t'unjä —sasa. Moisesampi, Aaronampejj oraker p'ekenacap puriyañcamaw alt'apjjäna,

Hechos 14:14

Bernabeampi Pablompisti, jakenacan uqham lurañ amtatap amuyasinjja, isinacap ch'iyanokasiñ kalltapjjäna. Jupanac taypir jalantasinsti jach'at arsusinwa sapjjaraquïna:

Josué 7:7

Josué chachajj sänwa: —¡Ay, Dios Tata! ¿Cunatsa jumajj aca marcaru Jordán jawir maqhatayanta? ¿Amorreo sat marcampiti t'unjayañ munapjjesta? ¡Nanacataquisti waliquïsapänwa Jordán jawirat qhurcataru kheparañajja!

Apocalipsis 18:19

Ucatsti lak'anacampiw p'ekenacapatjja willjjatasipjjäna, jachapjjaraquïnwa, wararipjjaraquïnwa: “¡Ay! ¡Jan cunani jach'a marca! Take barqueronacasa aca marcampiraquiw kamiriptapjjänjja, ¡jichhasti janc'aquiraquis uca kamir cancañapajja tucusiwayjjejjä!

Jueces 11:35

Jefté chachasti phuchapa jutir uñjasinjja llaquisiñatjja isipa ch'iyanokasisajj sänwa: —¡Ay, imill wawajja, wali llacthapisiyista! ¡Jumapunïtatisti nayan jan waliru puriñajjataquisti! ¡Nayasti mä arsüwi Diosarojj lurta, jichhasti phokhañajjaw waquisi! —sasa.

Jueces 20:23

Diosan arsutaparjamajja israelitanacajj ch'amañcht'asipjjänwa wastatampi nuwasiri mistsuñataqui cawqhantejj nayrïr urunjja nuwasipcäna ucqharu.

Jueces 20:26

Ucatsti take Israel marcanquir soldadonaca, jakenaca uqhamaw Belén marcar jutapjjäna Diosan nayrakatapan jachiri. Jupanacasti sapüruw jan mank'atasa ayunapjjäna, uqhamaraqui Diosarojj holocausto sat sacrificio loktapjjaraquïna sumancthapiñataqui.

Jueces 21:2

Ucatsti Betel marcaru sarasinjja Diosan nayrakatapanwa arumcama jachapjjäna:

1 Samuel 4:12

Ucampisa Benjamín tribunquiri mä soldadow uca nuwasïwitjja jaltjjäna, ucatsti jalasinjja uca urpachaw Silo sat uca chekaru purïna. Isinacapas ch'iyanokataraquïnwa, p'ekepas lak'acamaquiraquïnwa.