Josué 7:5 - Qullan Arunaca

⁵ Hai sat marcanquir jakenacasti israelitanacarojj quimsa tunca sojjtani jakenac jiwarayäna; mayninacarusti marcan puncupat kala ch'iyañ chekacamaw arctapjjäna, uca aynachan atipjapjjaraquïna; uqham uñjasinsti take Israel marcpachaw chuyma mayjt'at uñjasipjjäna ch'amanacapsa thayjtayasipjjaraquïna.

Aymar Bibliia 1986

⁵ Hai sat marcanquir jakenacasti israelitanacarojj quimsa tunca sojjtani jakenac jiwarayäna; mayninacarusti marcan puncupat kala ch'iyañ chekacamaw arctapjjäna, uca aynachan atipjapjjaraquïna; uqham uñjasinsti take Israel marcpachaw chuyma mayjt'at uñjasipjjäna ch'amanacapsa thayjtayasipjjaraquïna.

Qullan Arunaka DC

⁵ uka markankir jaqinakasti niya kimsa tunk suxtani israelit jaqinakaruw jiwarayapxäna, mayninakarux markan punkunakapat qala ch'iyañ chiqakamaw arktapxäna, uka aynachan jupanakarux tukjapxäna. Ukhamïpan israelitanakax chuyma mayjt'at uñjasipxäna, ch'amanakapsa jiwt'ayasipxarakïnwa.

Josué 7:5 Jak'a apnaqawi uñst'ayäwi

Salmos 22:14

Nayasti waranucut umjamätwa, ch'aqhanacajjajj khakhanucutcamaquiwa; chuymajjasti liq'ir uñtataw naya mankhan umatati;

Salmos 58:7

ch'umarir umar uñtat chhaktapjjpan; taquisit korar uñtat pharsupjjpan;

Isaías 13:7

Ucapachasti take jakenacaw ch'am jiwt'ayasipjjani, janiw cunataquis ch'amanacapajj utjcjjaniti,

Ezequiel 21:7

Ucattejj jumaru jisct'apjjätam: ‘¿Cunatsa jachta?’ sasajja, jupanacarojj saraquim: ‘Mä jan wali lurasïwin lurasiñapa yatta, ucatwa jachta’ sas saraquim. ‘Take jakenacasti jan ch'amanjamaw uñjasipjjani, jan cunsa lurirjamaraqui; janiw qhitinsa ch'amajj utjcaniti, takenis ajjsarañatjja konkorinacapa qhathatiyapjjaraquini. Horasajj niyaw purinjje, ucanacan kalltasiñapasti niya jac'ancjjewa’ Naya Tatituw ucjja arsta” sasa.

Levítico 26:36

“Qhitinacatejj uca uñisirinacaman orakenacapan jacasipcani, ucanacarusti walpun ajjsarayäjja, jupanacajj mä koka laphin jalaktatapatsa qhathatipjjaniwa; mä jakes jupanacarojj espada ayt'ata arcnakcaspa uqhamaw jaltjjapjjani, ucatsti jan qhitin arcnakataw liwirtapjjani;

Nahúm 2:10

“T'unjata, wasara tucuyata, jachcaña lurataw Nínive marcajj uñjasi. Chuymanacas ajjsarañatjja tucusiwayjjewa, cayunacapas wal qhathatiraqui, takenis ch'ama thayjtatcamaquiwa, ajanunacapasti k'elluw tucuwayi.

Deuteronomio 1:44

Ucatsti uca kollunacan jaquir amorreonacajj jumanacampi nuwasiriw mistunipjjäna, ucatsti wayronkonacjama alisinipjjäyätamjja Seir chekan atipjasina Horma sat chekacama.

Josué 2:11

Ucanac ist'asajja walpun ajjsarapjjta, janiraquiw qhitisa jumanacampi nuwasiñ munquiti. Jumanacan Tatitu Diosamasti pachpaquïsquiwa alajjpachansa uqhamarac acapachansa uca laycu,

Josué 2:9

—Nayasti yattwa Diosan jumanacaru aca orake churatapa, ucatsti nanacajj jumanacat parlasir ist'asinaqui qhathatipjjta, uqhamaraquiw aca marcan jaquir jakenacajj ajjsarañatsa jiwarirjamäpjjewa jumanacat ist'asajja.

Josué 5:1

Jordanat inti jalanta token utjiri, amorreos sat marcan reyipajj ist'ataynawa uqhamarac Mediterráneo sat jach'a kota jac'an utjiri cananeos sat marcan reyipas ist'araquitaynawa cunjämtejj Tatitojj Jordán jawir wañt'aycatayna Israel marcapan pasaniñapcama uca, ucatsti wal ajjsarapjjäna Israel marcampi nuwasiñjja.