Josué 7:6 - Qullan Arunaka DC

⁶ Josué chachampi, Israelan jilïri jaqinakapampisti isinakap ch'iyanuqasipxäna, llakisiñatsa qhillampiw p'iqit willxatasipxäna, ukatsti p'iqinakap uraqkam alt'asaw Tatitun arcap nayraqatan killt'asipxäna.

Aymar Bibliia 1986

⁶ Ucatsti Josué chachampi jach'a amuyt'an israelit jakenacampejj isinacap wiqhanokasipjjäna, uqhamaraqui khellampis p'eketa willjjatasipjjäna, wali chuymanacapan mayjt'ata, ucatsti p'ekenacap alt'apjjäna Diosan arcap thiyaru wali jayp'untañcama.

Qullan Arunaca

⁶ Ucatsti Josué chachampi jach'a amuyt'an israelit jakenacampejj isinacap wiqhanokasipjjäna, uqhamaraqui khellampis p'eketa willjjatasipjjäna, wali chuymanacapan mayjt'ata, ucatsti p'ekenacap alt'apjjäna Diosan arcap thiyaru wali jayp'untañcama.

Josué 7:6 Jak'a apnaqawi uñst'ayäwi

Génesis 37:29

Rubenax uka phuch'ur kutt'ankäna ukkhasti, Josear ukan jan jikxatasax llakisiñat isip ch'iyanuqasïna.

Génesis 37:34

Ukatsti Jacobux llakisiñat isip ch'iyanuqasïna, llaki isimpiw uchasïna, jupasti jaya urunakaw wawapan jiwatapat jachäna.

2 Samuel 1:11

Ukat Davidampi, jupa chikäpkän uka jaqinakampix llakisiñat isinakap ch'iyanuqasipxäna,

2 Samuel 1:12

ukatsti walpun jachapxäna, wararipxarakïna, Saúl reyimpina, Jonatán yuqapampin jiwatap layku, ukhamaraki Tatitun ejercitopan atipjat uñjasitap laykusa, jayp'ukamaw ayuno lurapxäna.

2 Samuel 1:2

Kimsïr uru saraqatarusti, Saúl reyin soldadonakapat mayniw Siclag chiqar purinïna, isinakapas ch'iyanuqata, p'iqipas qhillamp jach'xatata, llakip uñacht'ayañataki. Davidan jak'apar purisinsti, taqi axsartañ chuymampiw nayraqatapan uraqkam alt'asïna.

2 Samuel 12:16

Ukapachaw Davidax wawatak Tatitur achikt'asïna, janiw kuns manq'känti, arumanakasti uraqir jipt'ataw qhantatïna.

2 Samuel 13:19

jaqunukut uñjasisasti, qhillampiw p'iqipxar willxatasïna, uka suma isip ch'iyanuqasirakïna, amparanakapampi p'iqip katt'asisaw jacht'asis thakhinjam sarxäna.

2 Samuel 13:31

Uk ist'asinsti, reyix qunuñapat sartasin chuyma ust'ataw isinakap ch'iyanuqasïna, uraqiruw liwitattarakïna. Jupa chika ukankapkän uka jilïr yanapirinakapasti, isinakap ch'iyanuqasipxarakïnwa;

2 Reyes 22:11

Reyisti kuntix kamachinakan siskäna ukanak ist'asin llakisiñat isip ch'iyanuqasïna,

2 Crónicas 34:19

Reyisti kamachinakan qillqat arunak ist'asax, isip ch'iyanuqasïna,

Esdras 10:1

Esdras sacerdotex killt'ataw Tatitun utapan markan juchanakap jacht'asis arsuskäna, ukchañkamasti walja chachanaka, warminaka, wawanakaw tantachasïna, wali jacht'asisarakiw jupar muyuntapxäna.

Nehemías 9:1

Uka pachpa phaxsina, pä tunka pusini uru saraqataruw israelit jaqinakax ayuno lurañatak tantachasipxäna; jupanakasti chhankha isinakampiw uchasipxäna, p'iqinakapxarus laq'ampiw willxatasipxäna,

Ester (hebreo) 4:1

Mardoqueox taqi kunatix utjkäna ukanak yatisinxa, isip ch'iyanuqasïna, llakisiñat chhankha isimpiw ist'asïna, p'iqipxarusti qhillampiw warxatasïna, wararisa, jachasisaw markan sarnaqäna.

Ester (hebreo) 4:3

Kawkha suyunakarutix reyin qillqatapax purkäna ukkhanxa, ukhamarakiw judionakax walpun llakisipxäna, jupanakax llakisiñatsa ayuno lurapxäna, jacht'asisa, wararisaw llakkañ ayqupxäna, waljaniw jupanakat qhillxar ikipxäna, ukatsti chhankha isinakampiw isthapisipxarakïna.

Job 1:20

Job chachasti uk ist'asin, sayt'asïna, ukat wali llakt'ataw isinakap ch'iyanuqasïna, ñik'utapsa mururasïnwa, ukatsti uraqir puriñkamaw Diosar yupachañatak alt'asïna.

Job 2:12

Job chachan ukar purisinsti, jan uñt'kaya jupar jikxatapxäna; ukham jan wali uñjasinsti jach'at jachañ qalltapxarakïna, isinakapsa llakisiñan phuqt'ataw ch'iyanuqasipxäna, p'iqinakaparus laq'ampiw willxatasipxäna.

Job 42:6

Ukatpï jichhax laq'a taypina, qhilla taypin qunt'ata taqi arsutanakaxat chuym liq'istxa.

Lamentaciones 2:10

Jerusalén markankir jilïr jaqinakas amukiw uraqin qunurxapxi, p'iqinakapxarus laq'ampiw jach'xatasipxi, chhankha isinakampiw uchasipxi. Jerusalén markankir tawaqunakasti p'iqinakapsa uraqkamaw alt'apxaraki.

Números 14:6

ukatsti Josué chachampi, Caleb chachampix, llakisiñat isinakap ch'iyanuqasipxäna, jupanakax mayninak chikaw uka uraqinak uñakipanipxatayna,

Números 16:22

Moisesampi, Aaronampisti ajanup uraqir puriñkamaw alt'apxäna, Tatiturux sapxarakïnwa: —Tatit Diosay, jumaw taqi jaqinakarus jakañ churtaxa, ¿mä sapa jaqin juchap laykukiti taqpach markatak q'apisïtasti? —sasa.

Números 16:45

45 (10) —Uka jaqinakat jithiqtapxam, jichhpachaw jupanakar t'unjä —sasa. Moisesampi, Aaronampisti p'iqinakap uraqir puriyañkamaw alt'asipxäna,

Hechos 14:14

Bernabeampi Pablompisti, jaqinakan ukham lurañ amtatap amuyasinxa, isinakap ch'iyanuqasipxäna, jaqinak taypir jalantasin jach'at sapxarakïna:

Josué 7:7

Josué chachasti sänwa: —¡Dios Tatay! ¿Kunatakirak aka markaru Jordán jawir makhatayantasti? ¿Amorreo markar katuyasat tukjañ munapxista? ¡Inas Jordán jawir khurkatar qhiparañax walïchisapäna!

Apocalipsis 18:19

Ukatsti laq'ampiw p'iqinakapat willxatasipxäna, jachapxäna, wararipxarakïna: “¡Ay, kunarurak purt'asta! ¡Llakkañätaw ch'aman jach'a marka! Qamir yänakamampiw qutan barcompi irnaqirinakax qamiriptapxi. ¡Jichhasti jank'akirakis uka qamir yänakamax tukusiwayxixä!”

Jueces 11:35

phuchhapa jutir uñjasinsti, Jefté chachax llakisiñat isip ch'iyanuqasïna, ukatsti sänwa: —¡Ay, imill wawaxa, walpun llakthaptayista! ¡Jumapunïñamänti nayan chijir puriñaxatakisti! Nayax Tatituruw arsta, jichhasti uka arsutaxa jupar phuqhañaxawa! —sasa.

Jueces 20:26

Ukhamasti Israelan taqpach soldadonakapampi, taqpach markampix Belenaruw wasitat sarapxäna, Tatit nayraqatan jachiri. Uka urux jan manq'ataw Tatiturux sumankthapiñ nakt'at waxt'äwinakampi, wilañchanakampi luqtapxäna.

Jueces 21:2

Ukatsti Betel markan tantachasipxäna, ukatsti Tatit nayraqatan arumkamaw jacht'asis ayqupxäna:

1 Samuel 4:12

Ukampisa, Benjamín ayllunkir mä soldadow nuwasïwit jaltxäna, t'ijukamakiw Siló chiqarux purïna, isinakapas ch'iyanuqata, p'iqipas laq'akamakiraki.