Josué 7:7 - Qullan Arunaca

⁷ Josué chachajj sänwa: —¡Ay, Dios Tata! ¿Cunatsa jumajj aca marcaru Jordán jawir maqhatayanta? ¿Amorreo sat marcampiti t'unjayañ munapjjesta? ¡Nanacataquisti waliquïsapänwa Jordán jawirat qhurcataru kheparañajja!

Aymar Bibliia 1986

⁷ Josué chachajj sänwa: —¡Ay, Dios Tata! ¿Cunatsa jumajj aca marcaru Jordán jawir maqhatayanta? ¿Amorreo sat marcampiti t'unjayañ munapjjesta? ¡Nanacataquisti waliquïsapänwa Jordán jawirat qhurcataru kheparañajja!

Qullan Arunaka DC

⁷ Josué chachasti sänwa: —¡Dios Tatay! ¿Kunatakirak aka markaru Jordán jawir makhatayantasti? ¿Amorreo markar katuyasat tukjañ munapxista? ¡Inas Jordán jawir khurkatar qhiparañax walïchisapäna!

Josué 7:7 Jak'a apnaqawi uñst'ayäwi

2 Reyes 3:10

Ucatsti Israelan reyipajj sänwa: —¡Ay!, amuyatatjja Tatitjamaquiwa jiwas quimsa reyirojj apanistu moabit jakenacan amparapar catuyañataqui —sasa.

Salmos 116:11

Llaquisiñancasajj säyätwa: “Jakenacajj c'aricamaquiwa” sasa.

Éxodo 16:3

Jupanacasti sapjjänwa: —¡Waliquisapänwa Tatitojj Egipton jiwarayistasapän ucajja! Qhayansti jiwasanacajj aycha phuqhu jac'aru kont'ata, uqhamarac t'ant'sa sist'asiñcamaw mank'asiyätanjja. Ucampis jumanacajja aca wasararojj takeniru mank'at jiwarayañataquiw irpanipjjestajja —sasa.

Éxodo 17:3

Ucampis israelitanacajj umat pharjatajja Moisés contrawa jan walinac parlapjjäna aqham sasa: —¿Cunatsa Egiptota apsunipjjesta, nanacaru, wawanacajjaru, animalanacajjaru umat jiwarayañataquejja? —sasa.

Números 14:16

‘Tatitu Diosasti janiw uca marcar irpantquiti, cawquïri oraktejj arupampi arsusin churä siscatayna ucarojja, ucatwa wasarana jiwarayi’ sasa.

Números 14:3

Cunataquis Diosajj aca marcar irpanistu. ¿Jiwasan guerran jiwarañasataqui, uqhamarac warminacasasa, wawanacasasa uñisirisan amparapar catuyatäñapataqui? ¡Walïspawa Egipto marcar cuttjjañasajja!” sasa.

Mateo 17:17

Jesusasti saraquïnwa: —¡Pächasir jakenaca, jan wali amtaninacaraqui! ¿Cunapachcamarac jumanacampïscäjja? ¿Cunapachcamarac jumanacasti ch'am tucuyapjjetäta? Acawjaru uca waynaru irpanipjjam —sasa.

Mateo 17:20

Jesusasti jupanacarojj sänwa: —Jumanacan iyawsañamajj wali pisiwa. Khanacwa sapjjsma, jumanacantejj iyawsañamajj utjaspa mä mostaz jatha ucch'aquisa, aca kollurojj: ‘Sartam acawjata, yakha chekaru’ sapjjasmawa, ucat uca kollusti yakhawjaruw sartaspa. Janiw cunas ch'amäcaspati, jumanacantejj iyawsañajj utjaspa ucajja.

Hebreos 12:5

¿Armt'asjjapjjtati cuntejj Diosajj wawanacaparjam ewjjt'apctam ucjja? Aqham siw Kellkatanjja: “Nayan wawajja, jan jisc'achamti Tatitun chekañchäwipjja. Janiraqui mayjt'asimti cunapachatejj chekachcätam ucqhasa.

Josué 7:6

Ucatsti Josué chachampi jach'a amuyt'an israelit jakenacampejj isinacap wiqhanokasipjjäna, uqhamaraqui khellampis p'eketa willjjatasipjjäna, wali chuymanacapan mayjt'ata, ucatsti p'ekenacap alt'apjjäna Diosan arcap thiyaru wali jayp'untañcama.

Josué 7:8

¡Ay, Tata! Jichhasti camacharaquï, ¡aca israelit jakenacajj uñisirinacapar uñjasajj jaltjjapjjaquiraquisä!

Jueces 20:23

Diosan arsutaparjamajja israelitanacajj ch'amañcht'asipjjänwa wastatampi nuwasiri mistsuñataqui cawqhantejj nayrïr urunjja nuwasipcäna ucqharu.

1 Samuel 4:3

Cunapachatejj israelitanacan ejercitopajj campamentoru cutjjän ucqhasti Israel marcan jilïrinacapajj aqham sapjjänwa: “¿Cunatsa Tatitojj uqham filisteo jakenacampi atipaypachïstu?” sasa. “¡Jichhajj Silo sat uca chekaru sarañäni, ucatsti Arust'äwi Arca aptasinjjañäni, uqhamat Tatitojj jiwasampi chicäñapataqui, uñisirinacasatsa arjjatañapataquiraqui!” sasaw sapjjaraquïna.