Jeremías 49:16 - Qullan Arunaca

¹⁶ Jach'a jach'a tucutam laycuw sallkjayastajja, ajjsarcañaraquïyätawa. Karka p'iyanac taypinwa jacaractajja, kollu patanacata waythapisisaraqui. Ucampisa allkamarinacar uñtatasay wali alto chekanacaru tapachasiscam, ucatpachwa nayajj jumaru apakanïma. Naya Tatituw ucjja arsta.

Aymar Bibliia 1986

¹⁶ Jach'a jach'a tucutam laycuw sallkjayastajja, ajjsarcañaraquïyätawa. Karka p'iyanac taypinwa jacaractajja, kollu patanacata waythapisisaraqui. Ucampisa allkamarinacar uñtatasay wali alto chekanacaru tapachasiscam, ucatpachwa nayajj jumaru apakanïma. Naya Tatituw ucjja arsta.

Qullan Arunaka DC

¹⁶ Jach'a jach'a tukutamampi, axsarkañ uñacht'ayatamampiw sallqjayastaxa. Qarqa p'iyanak taypin jaktaxa, qullu patanakat waythapisisaraki. Ukampis pakar uñtatasay alay chiqan tapachasiskam, ukatpach jumarux jaquqanïma. Naya, Tatituw uk arsta.

Jeremías 49:16 Jak'a apnaqawi uñst'ayäwi

2 Reyes 14:7

Amasías reyiw tunca waranka edomita jakenacaru jiwarayäna Jayu Valle chekana, ucatsti catuntänwa Sela sat orake, ucatjja sutiñchänwa Jocteel sasa, ucasti jichhürcamawa uqham sutinïsqui.

Job 39:27

¿Jumasti pacali sat jach'a jamach'irusa, jach'a kollu patanacaru tapachasiyaracta?

Proverbios 16:18

Jach'a jach'a tucuñanjja aynacht'añawa utji; pek'e waytat sarnakañansti tincuñaw utji.

Proverbios 18:21

Jiwañas jacañasa parlatatjamwa waquisi; qhitinacatejj sinti parlapqui ucanacajj jan walt'añampiwa t'akhesini.

Proverbios 29:23

Jach'a jach'a tucuñajj jakerojj jisc'aruw tucuyi, ucampis jisc'aru tucuñawa jach'ar aptatäñjja utjayi.

Cantar de los cantares 2:14

“Karkanacar imantasiri nayan palomajja, alto cheka jamasanacaruw imantastajja, ajanum uñjayita, arumsa ist'ayaraquita. ¡Jumar uñjañajj sumawa! ¡Jumar isch'uquiñasti wali mojjsawa!” sasa.

Isaías 10:14

Marcanacan kamir cancañanacapsti catuntastwa, oraksa k'al catuntasiractjja, cunjämatejj maynejj mä tapan apanucut c'awnanac catuntasejj uqhama, janiraquiw qhitits chhekhanacapjja onjjtayquiti, janiraquiw qhitis wararquiti.”

Isaías 2:21

Jakesti uca urojj karka p'iyanacaruw mantjjapjjani, jach'a karka p'iyanacaruraqui, Tatitun ajjsarcañ nayrakatapat imantasjjañataqui, jach'a cancañapan wal khanatapata, cunapachatejj jupajj sartani ucat aca orakerusti ajjsarañampi phokhantcani uca urojja.

Isaías 49:25

Tatitusti uqhamäspaw siwa: “Ch'amani jakerojj aparapjjaniwa cuntejj guerran aparanqui ucjja, khoru jakerusti cuntejj jicjjatasqui ucjja apakapjjaraquiniwa. Naya quipcaw jumampi ch'ajjwqui uca jakempejj catjasëjja; naya quipcaraquiw wawanacamarus khespiyäjja.

Jeremías 48:14

“Moab marcasti jan siscpati: ‘Jiwasajj jan cuna ajjsariri jakenacäpjjtanwa, guerransa nuwasiri ch'amani jakenacäpjjtanwa’ sasajja.

Jeremías 49:15

Nayasti take marcanacat sipansa wali jisc'aruw tucuyäma, jakenac taypina wali jisc'achjataraqui.

Jeremías 50:29

“¡Take arco apnakeri jakenacaru jawsapjjam, Babiloniaru nuwantapjjañanacapataqui! ¡Marcaru muyuntata purintapjjaraquim, uqhamat jan maynis jaltañapataqui! ¡Cunjäma lurañatejj jupanacaru waquisqui uqhamarjama lurapjjaraquim uca marcarojja! ¡Cunjämtï jupajj lurqui, uqhamaraqui jumanacajj jupampi lurapjjam! Nayataquisti wali ñankha jakew tucuraquïnjja, naya Israelan Kollana Tatitu Diosapataquejja.

Jeremías 51:53

Babiloniajj alajjpachcamas maqhatascpan, jach'a ch'amapa jach'aru aptañataqui, ucarus jupanacataquejj uñisirinacapjja qhitascaquïwa ucan jupanacaru t'unjañapataqui. Naya Tatituw ucjja arsta.”

Amós 9:2

Inaquiw mankhapachcamas sarakasipcani, ucatsa wayuraniraquïwa, inaquiw alajjpachanacarus maqhatasipcanejja, ucatsa wayokaniraquiquïwa.

Habacuc 2:9

“¡Ay, cunänis jumatjja, lunthatat yänacampi utamar phokhantayatamatjja. Ucat jan walt'añanacan jan cunas camachañapataqui!