Jeremías 49:16 - Qullan Arunaka DC

¹⁶ Jach'a jach'a tukutamampi, axsarkañ uñacht'ayatamampiw sallqjayastaxa. Qarqa p'iyanak taypin jaktaxa, qullu patanakat waythapisisaraki. Ukampis pakar uñtatasay alay chiqan tapachasiskam, ukatpach jumarux jaquqanïma. Naya, Tatituw uk arsta.

Aymar Bibliia 1986

¹⁶ Jach'a jach'a tucutam laycuw sallkjayastajja, ajjsarcañaraquïyätawa. Karka p'iyanac taypinwa jacaractajja, kollu patanacata waythapisisaraqui. Ucampisa allkamarinacar uñtatasay wali alto chekanacaru tapachasiscam, ucatpachwa nayajj jumaru apakanïma. Naya Tatituw ucjja arsta.

Qullan Arunaca

¹⁶ Jach'a jach'a tucutam laycuw sallkjayastajja, ajjsarcañaraquïyätawa. Karka p'iyanac taypinwa jacaractajja, kollu patanacata waythapisisaraqui. Ucampisa allkamarinacar uñtatasay wali alto chekanacaru tapachasiscam, ucatpachwa nayajj jumaru apakanïma. Naya Tatituw ucjja arsta.

Jeremías 49:16 Jak'a apnaqawi uñst'ayäwi

2 Reyes 14:7

Amasías reyix tunka waranqa edomita jaqinakaruw jiwarayäna Jayu Qhirwa sat chiqana, ukatsti Selá sat marka katuntäna, uka markarusti Jocteel sutimpiw sutinchäna, ukasti jichhürkamaw ukham sutinïski.

Job 39:27

¿Jumati pakali jach'a jamach'iru, qullu patanakar tapachasiyaraktasti?

Proverbios 16:18

Jach'a jach'a tukuñanxa aynacht'añaw utji; p'iqi waytat sarnaqañansti tinkuñaw utjaraki.

Proverbios 18:21

Jakañampi, jiwañampix parlatatjam wakisi; sinti parlirinakax jan walt'añanakampiw t'aqhisini.

Proverbios 29:23

Jach'a jach'a tukurix jisk'achataw uñjasini, llamp'u chuymanisti jach'ar aptatäniwa.

Cantar de los cantares 2:14

“Qarqanakar imantasiri palomaxay, jaqhi jamas manqhanakan imantasiri palomaxay, ajanum uñkatt'ayita, arsutam ist'ayarakita. ¡Jumar uñjañax munkayawa! ¡Parlatam ist'añas wali muxsawa!” sasa.

Isaías 10:14

Markanakan qamir yänakapsti katuntastwa, taqi uraqpach katuntasirakta, kunjämatix maynix apanukut tapat k'awnanak lunthatki ukhama, ¡janiw khititsa kuns kamskiti, janirakiw khitis arsuskiti!”

Isaías 2:21

Tatitux sartkani, aka uraqir axsarañampi phuqhantkani uka uruxa, qarqa p'iyanakaru, jach'a qarqa manqhanakaruw imantasiñatak mantxapxani, Tatitun axsarkañ nayraqatapata, jach'a kankañapan wal qhanatapat imantasxapxani.

Isaías 49:25

Tatitusti ukhamäspaw siwa: “Ch'amani jaqirusa, qhuru jaqirusa, kuntix nuwasïwin aparanipki ukanakxa jupanakax aparapxaniwa. Israelitanaka, jumanakaruw sapxsma, naya kipkaw jumampi ch'axwki uka jaqinakampix katjasï; naya kipkaw wawanakamarus qhispiyä.

Jeremías 48:14

“Moab markax jan siskpati: ‘Nanakax jan kuna axsarir jaqinakäpxtwa, nuwasïwin nuwasir ch'aman jaqinakäpxtwa’ sasa.

Jeremías 49:15

Edom, nayasti taqi markanakat sipansa wali jisk'aruw tukuyäma, jaqinak taypinsa wali jisk'achjat markaruw tukuyäma.

Jeremías 50:29

“¡Nuwantir jaqinakax jutapxpan, Babiloniar nuwantapxpan! ¡Uka markar muyuntapxpan, ukhamat jan maynis jaltañapataki! Babilonia markax nayaruw saykatitu. ¡Lurataparjam jupanakarux churapxam! ¡Kunjämtix jupax mayninakar lurki, ukhamarak jumanakax jupar lurapxam! Nayätwa Israel markan Diosapaxa, nayax yaqha diosanakat sipansa mayjapunïtwa.

Jeremías 51:53

Babilonia markax jach'a ch'amapa jach'ar aptañatakixa, alaxpachkamas makhataskpan, ukarusa jupanakar t'unjirix uñisirinakap khithaskakïwa. Naya, Tatituw uk arsta.”

Amós 9:2

inakiw manqhapachkam saraqasin imantasisipkani, ukawjatsa waysusinkakïwa; inakiw alaxpachkamas makhatasipkani, ukawjatsa wayuqasinkakïwa.

Habacuc 2:9

¡Ay kunakïkan juma Babiloniatxa, lunthatat yänakampiw utamar phuqhantayastaxa, ukhamat jan walt'añanakan taqi kunas walikïskañap amuyaraktaxa!

Malaquías 1:3

Esaú chacharusti uñisiyätwa, qullunakap ch'usa wasar tukuyäyäta, uraqinakapsti wasarankir qamaqinakaruw utjasiñapatak katuyäyäta” sasa.