Jeremías 49:17 - Qullan Arunaca

^17-18 Tatitojj siwa: “Edom marcan t'unjatäñapajj wali jach'äniwa, ajjsarcañaraquïniwa. Take qhitinacatejj uca cheka pasapcani ucanacasti wali sustjasipjjani uca mutuyäwip uñjasajja, Sodoma, Gomorra sat marcanacjamaraquïniwa, uca jac'anacanquiri marcanacjamaraquïniwa, cunapachatejj t'unjatäpcän uqhama. Janiraquiw qhitis uca marcanacanjja jaccjjapjjaniti, ni sarcamayasa ucan utjcjjapjjaniti.

Aymar Bibliia 1986

^17-18 Tatitojj siwa: “Edom marcan t'unjatäñapajj wali jach'äniwa, ajjsarcañaraquïniwa. Take qhitinacatejj uca cheka pasapcani ucanacasti wali sustjasipjjani uca mutuyäwip uñjasajja, Sodoma, Gomorra sat marcanacjamaraquïniwa, uca jac'anacanquiri marcanacjamaraquïniwa, cunapachatejj t'unjatäpcän uqhama. Janiraquiw qhitis uca marcanacanjja jaccjjapjjaniti, ni sarcamayasa ucan utjcjjapjjaniti.

Qullan Arunaka DC

¹⁷ “Edom markan t'unjatäñapax axsarkañ wali jach'äniwa. Taqi khitinakatix uka chiqa sarakipapkani ukanakasti, uka mutuyäwip uñjasax wal mulljasipxani,

Jeremías 49:17 Jak'a apnaqawi uñst'ayäwi

1 Reyes 9:8

Aca templosti tucjat lakayanacaru tucuyatäniwa, ucatsti qhititejj uca chekanjama pasani ucataquisti sustjasiñäniwa, uqhamaraquiw larusiraquini, ucatsti sapjjaniwa: ‘¿Cunataraqui Tatitusti aca marcampi uqham lurpacha, uqhamarac aca templompisa?’ sasa.

Jeremías 18:16

Uqhamatwa marcapjja mä wasararu tucuyjjapjje, muspharcaña, sustjascaña tucuyapjjaraqui. Qhitinacatejj uca cheka pasapcani ucanacasti, takeniw mayjt'asiñata p'eke qhiwipjjani.

Jeremías 49:13

Naya Tatituw juramentompi ucjja arsta. Bosra marcasti wasararu tucuyataw uñjasiraquini, k'ala t'unjataraqui, jakensa uñtcaña jisc'achjata, maldecitaraquiw uñjasini, yakha marcanacasti wiñayataqui t'unjataw uñjasiraquini” sasa.

Jeremías 50:13

Nayajj colerasïwa, jan jakeni jaytaraquëjja, wasararu tucuyata jaytaraquëjja. Qhitinacatejj uca cheka pasapcani ucanacasti walwa sustjasipjjani uca mutuyäwipa catokatapa uñjasajja.

Jeremías 51:37

t'unjata, mayjjaru montonthapitaw khepararaquini, kamakenacan putunacaparu tucuyataraquïniwa, jakensa jan mayampi jaccañaru tucuyataraquïniwa, takenirusa sustjascaña, uqhamarac ajjsarthapiyañaru tucuyatäniwa.

Ezequiel 25:13

Ucatwa naya Tatitojj sistjja: Amparajj aytä Edom marcaru mutuyañataqui, jakenacaparusa, uywanacaparusa t'unjaraquïwa. K'alwa juparojj t'unjaraquëjja. Temán sisqui ucqhatpacha Dedán sisqui ucqhacamaw t'unjaraquëjja, jakenacasti espadampi jiwarayataw uñjasipjjaraquini.

Ezequiel 27:36

Yakha marcanquir alaquipa lurir jakenacasti, jumar uñjasajj wali sustjatäpjjewa. Jichhasti jumajj mä ajjsarcañaw tucuractajja; wiñayataqui jiwatäjjaractawa’ ” sasa.

Ezequiel 35:15

Jumasti, cunapachatejj Israelan catokata orakepa t'unjatäcän ucapachajj cusisiyätwa, jichhasti jumajj uqham t'unjataw uñjasiraquïta. Seir kollu, mä wasararu tucuyataw uñjasiraquïta, Edom tokenquir marca. Ucapachaw yatipjjani nayan Tatitütajja.’

Ezequiel 35:3

Arsuraquim: ‘Aqham siw Tatitojja: Nayajj jichhajj juman uñisirimaw sayt'ta, Seir kollu, jichhajj mutuyämawa, wasararuw tucuyaraquïma, k'ala t'unjata jaytaraquïma.

Ezequiel 35:7

Wasara tucuyaraquïma, K'alwa t'unjaraquïma jichhajj Seir kollu, janipuniw qhitsa juman orakem tokjja pasaycjjäti.

Miqueas 6:16

Jumajj Omri jakena, uqhamarac Acab jaken familianacapan arsutanacapa, uqhamaraqui luräwinacapwa lurtajja uca laycu, ucatsti cunjämtejj jupanacajj sarnakcänjja uqhamracwa sarnaktajja. Ucatwa jichhajj jumatjja, uqhamarac jakenacamatsa mä ajjsarayascaña, laruscañraqui lurapjjämajja, marcajjan p'enkapasti jumjjaruraquiw purini.’ ”

Sofonías 2:15

Uqhamawa cawquïri marcatï wali jach'a jach'a tucusa jaccäna ucajja, uqhamaraqui jakenacapasa sapjjäna: ‘Janiw aca marcjamajj utjquiti aca orakenjja’ sasa. ¡Cunjäma uca marcajj t'unjatasa, jan cunani, monte animalanacan putuparu tucuyataraqui! Qhitinacatejj uca cheka pasapcani ucanacasti qhuyusipjjaniwa, jisc'achapjjaraquiniwa.”

Deuteronomio 29:22

Cawquïri wawanacatï jumanacan khepamat jutcani, uqhamarac yakha marcat jutir jakenacas purincani, take ucanacaw plaganaca, usunaca, Diosajj aca oraker apayanqui ucanacjja uñjapjjani.