Jeremías 4:7 - Qullan Arunaca

⁷ Leonajj niyaw putupat mistuni; marcanac tucjiristi niyaw jutanti; marcapatwa mistuniwayi, marcama t'unjañataqui, wasara, k'ala t'unjatwa marcanacamjja tucuyani.

Aymar Bibliia 1986

⁷ Leonajj niyaw putupat mistuni; marcanac tucjiristi niyaw jutanti; marcapatwa mistuniwayi, marcama t'unjañataqui, wasara, k'ala t'unjatwa marcanacamjja tucuyani.

Qullan Arunaka DC

⁷ Leonax niyaw putupat mistuni; markanak tukjiristi niyaw jutanti; markam t'unjiriw markapat mistuniwayi, markanakamxa, ch'usa wasara, q'ala t'unjat tukuyani.

Jeremías 4:7 Jak'a apnaqawi uñst'ayäwi

2 Reyes 24:1

Joacim reyejj apnakascäna ucqhajja, Babilonianquiri Nabucodonosor reyiwa Judá orakeru catuntir mantanïna. Ucatsti Joacim reyejj quimsa marawa jupar jaysäna. Ucatjja janiw jaysañ muncjjänti, jan ucasti jupataquiw sayt'asjjäna.

2 Reyes 25:1

Cunapachatï Sedequías reyejj llätunca mara apnakcäna, tunquïri phajjsita tunca urunaca sarakascäna, ucqhawa Nabucodonosor reyejj take ejercitopampi saräna Jerusalén marcaru, ucatsti muyuntänwa. Ucatjja utjnoktaraquïnwa marca uñcatasiru, uqhamarac muytpacharuwa torrenac lurayäna nuwantañataqui.

Isaías 1:7

Orakepasti wasararu tucuyatawa, marcanacasti ninan naqhantataraquiwa. Jumanacan nayrakatamanaracwa uñisirinacamas yapuchatanacamjja mank'apjje. Take cunsa wasararu tucuyatwa apanucuwayapjje. Cunapachatejj Sodoma marcajj t'unjatäcän uqhama.

Isaías 5:9

Take ch'amani Tatitusti juramentompiw nayar situ: “Walja utanacaw t'unjatäni, jach'anacäscpasa, kawkha sumäscpasa, janiw qhitis ucanjja jacjjaniti.

Isaías 6:11

Nayasti jisct'aractwa: —¿Cunapachcamaraquïni ucasti, Tata? —sasa. Jupasti saraquituwa: —Cunapachatejj marcanacajj k'ala t'unjatäni, uca marcanacansti janiraqui mä jakes utjcaniti ucqhacamäniwa. Utanacas jan jakeni uñjasini, pampanacas ch'usa wasarar tucuyata,

Jeremías 2:15

¿Cunatraqui leonanacjama nuwantapjjesti, jach'at warart'asisa? Orakepjja k'ala tucjatwa antutawayapjje, marcanacapasti ninampi naqhantayataraqui, janiraquiw qhitis ucanacanjja kheparcjjeti.

Jeremías 22:6

Tatitusti Judá reyin palaciopatjja aqhama siwa: “Jumajj nayataquejj Galaad kolljamätawa, Líbano kollu patar uñtata, ucampisa juramentompiw arsta, jumarojj wasararuw tucuyäma, jan jakenacani orakeruw tucuyäma.

Jeremías 22:7

Jumataquisti wali armantata jakenac qhitanï, jumaru t'unjañapataqui. Cedrot lurata suma pilaranacamsa qhuchhunucupjjaniwa, ninaruw liwintapjjaraquini.

Jeremías 25:38

Mä leonajj putupat mistunqui uqhamaw mistuniraqui, ucatsti jupanacan marcapajj pampa t'unjataw uñjasiraqui, Tatitun colerasiñapajj mä ninjam naqhatap laycu, uqhamaraqui mä jach'a nuwasïwi apayanitapata.

Jeremías 25:9

Jichhajj amsta tokenquir take marcanacaruw jawsayä, uqhamaraqui Nabucodonosor sirvirejjarusa, jupasti Babilonia oraken reyipawa, jupanacajj jutasin aca marcaru nuwjapjjañapataqui, take jakenacaru uqhamaraqui take jac'anquir marcanacarusa. Ucanacarusti k'alpunwa t'unjäjja. Jupanacarusti wiñayataqui t'unjataruw tucuyä, sustjascaña, ajjsarcañwa tucuyaraquëjja.

Jeremías 26:9

¿Cunjämsa jumajj parltajja Tatitun sutipjjaru, aca templojj cunjämatejj Silo chekanquir templojj t'unjatäcän uqhamaraquïniwa, uqhamaraqui aca marcasa t'unjataraquïniwa jan mä sapa jakeniraquiw kheparani sasajja?” sasa. Ucatsti take jakenacaw templonjja Jeremiasaru muyuntasin catuntapjjäna.

Jeremías 27:8

Yakhepa marcanacatejj jan ucajj reyinacasa jan Nabucodonosor reyimpi apnakatäñ muncani ucanacarojja nayaw guerrampi, mach'anacampi cunayman casta usunacampi, mutuyaraquëjja takenisa jupana apnakatäñapcama. Naya Tatituw ucjja arsta.

Jeremías 33:10

Tatitojj siwa: “Jumanacajj sapjjtawa: ‘Aca chekajj wasararu tucutawa, janiraquiw jakenacas ni uywanacas utjquiti,’ sasa; Jerusalén marcan callenacapasa, Judá oraken marcanacapasa ch'usaquiwa, janiraquiw ucanjja qhitisa, ni jakenacasa, uywanacasa jacapquiti, sasa. Jichhajj waliquiwa, acanwa suma fiesta k'ochunacajj ist'asini;

Jeremías 34:22

Uca uñisirinacarusti wasitatwa aca marcaru cutt'ayaniraquï, ucatsti tucjayaraquïwa, catuntasinsti ninampiw naqhantayaraquï. Judá orakenquiri yakha marcanacarusti ch'usa wasaran jan jakeni tucuyaraquëjja. Naya Tatituw ucjja arsta.”

Jeremías 4:29

Caballonacar lat'jjatat jutapqui, uqhamaraqui flechanacapa apt'ata jutapqui ucanacan arnakasitanacaparusti, take jakenacaw jalacamaqui chhucsuwayjjapjje; pastonac taypiruw imantasipjje, karkanacaruw jat'stapjjaraqui. Take marcanacasti k'ala apanucutawa; janiraquiw mä sapa jakes ucanacanjja jacjjapjjeti.

Jeremías 44:2

“Israelan take ch'amani Diosapasti siwa: ‘Jumanacajj uñjapjjtawa cuna casta t'akhesiñanactejj Jerusalén marcjjaru uqhamaraqui Judá orakenquiri yakha marcanacjjaru apayancta take ucanacjja. Jichhajj uca marcanacajj k'ala aynacht'atawa, janiraquiw qhitis uca marcanacanjja jaccjjeti,

Jeremías 46:18

Naya, qhititejj reyïcta, uqhamaraqui take ch'amani Tatitu satäcta ucaw arsta, sutejj-jjaruraquiw juramentompi arsta. Cunjämatejj Tabor kollojj take kollunacat jilt'atajja, uqhamaraqui Carmelo sat kollusa jach'a kota toker sartasejja, uqhamaraquiw uñisirimajj jutantani.

Jeremías 49:19

Acatjamatwa nayajj jutaraquï, Jordán tokenquiri pastonac taypit mistunir leonjama, cawquïri leonatejj suma pastonacajj utjqui ucsaru sarquejj uqhama, ucatsti Edom marcanquiri jakenacjja jaltayaraquïwa, cawquïrirutejj nayajj ajlliscä ucaw apnakaraquini. ¿Qhitiraqui nayampi chicachasispa? ¿Qhitis nayataqui sayt'asiraquispa? ¿Cawquïri awatirisa nayataqui sayt'asiraquispa?

Jeremías 5:6

Ucatwa jichhajj leonanacajj ch'umit mistunisin jiwarayapjjani, wasaranquiri kamakenacaw jisc'a jisc'a tucjapjjaraquini, marcat mistusinquirinacarusti jisc'a jisc'a tucjaraquini, walja jach'a juchanac lurapjjatap laycu, maynir aljantapjjatap laycu.

Jeremías 50:17

“Israel marcasti mä chhakat ovej-jamänwa, leonanacana arcnakata. Asirianquir reyiwa nayrakatjja mank'anti, ucjjarusti Babilonianquir Nabucodonosor reyiraquiw ch'aqhanacapamppachsa t'unjaraqui.

Jeremías 50:44

“Cunjämatejj mä leonajj Jordán tokenquiri pastonac taypita thoksunejja, ucatsti cawqhantejj suma pastonacajj utjqui uca chekaru liwnoktejja uqhamaraquiw nayajj mistunï, uca chekatsti Babilonianquiri jakenacarojj jaltayaraquïwa, ucatsti cawquïri jaktejj nayajj ajllisctjja aca marca apnakañapataqui ucampiw apnakayaraquï. ¿Qhitis nayampi chicachasispa? ¿Qhitisa nayatac sayt'asiraquispa? ¿Qhiti awatiris nayatac sayt'asispajja?

Jeremías 8:16

¡Uñisirinacasajj niyaw purinipjje! ¡Dan sisqui uca oraketsti niyaraquiw caballonacan samatapas ist'asi! Cunapachatejj warart'apjje ucapachasti, take orakpachaw qhathatiraqui. Take aca marcaru, yänacapamppacha t'unjiriw jutapjje, marcanacarusa, jaquirinacarusa.”

Jeremías 9:11

“Jerusalén marcarojj mä kala chhajjwaruw tucuyä; kamakenacan putunacaparuw tucuyaraquï; Judá oraken marcanacsti mä wasararuw tucuyaraquï; jan jakeniw kheparjjapjjaraquini.”

Ezequiel 12:20

Take marcanacasti, cawquïrinacantejj jakenacajj jacapqui ucanacasti t'unjatäniwa; aca marcasti wasararu tucuyataraquïniwa. Ucapachaw jumanacajj yatipjjäta nayan Tatitütajja’ ” sasa.

Ezequiel 21:31

Jumjjarusti colerasiñajj-jja mä naqhantiri ninjamwa warjjatanëjja; cawquïri jakenacatejj t'unjaña uqhamaraqui wali khorüña yatipjje uca jakenacaruw catuyäma.

Ezequiel 32:2

“Egipto marcanquiri Faraón reyitaqui aca alma imäwi k'ochu k'ochurapim: ‘Marcanacan leonanacapjamätawa; kotanquiri jach'a ajjsarcañ lak'or uñtatätawa, jawiraman umapan sunt'isiractajja, cayunacamampisti uca umjja konchuptaytawa, jalir umsti tirctayaractawa, sasa.

Daniel (hebreo) 5:19

Take ch'amanïña Diosajj juparu churäna ucatsti take acapachanquiri marcanacajja, cunayman casta parlani jakenacasa, awquimarojj ajjsarapjjänwa, jupa nayrakatansti wali qhathatipjjaraquïnjja. Jupasti qhitirutejj jiwayañ muncän ucarusti jiwayaquiraquïnwa, qhiterutejj jacayaña muncän ucarus jacayaquïnwa, mayninacarojj jach'aruw aptaraquïna, yakhepanacarusti jisc'achjaraquïnwa.

Daniel (hebreo) 7:4

Kallta animalasti mä leonar uñtatänwa, mä siwik'ara sat jamach'in chhekhapat chhekhapanjamänwa. Nayajj uqhamaw uca animalaru uñch'uquiscäyäta, uqhamaruw chhekhanacapjja jiq'ekapjjäna, oraket aptasinsti khepäjja cayunacapjjaruw sayt'ayapjjäna, mä jakëcaspas uqhama lejjwipasti mä jaken lejjwipäcaspas uqhamaw tucuwayjjaraquïna.

Levítico 26:31

jumanacan marcanacamsti, uqhamarac kollana chekanacamsa t'unjaraquïwa; uqhamarac cuntejj jumanacajj nayaru loktanipquitäta ucanacatsti janiw juc'ampi cusiscjjaraquïti.

Levítico 26:33

Jumanacarusti marcanac taypiruwa ananucupjjaraquïma, espadampiw arcnakayapjjaraquïma, jumanacan orakenacamasti nayataquejj wasararu tucutaw uñjasiraquini, marcanacamasti k'ala t'unjataw uñjasiraquini, ajjsarcaña t'unjataraquïniwa.