Jeremías 4:6 - Qullan Arunaca

⁶ Wiphaljja Sión toker uñtata aytapjjam; ¡imantasiñ chekanac thaktapjjam, jan suyapjjamti! Jichhasti amsta toketwa jach'a t'akhesiñanacampi, tucjatäñampi apayanëjja uca laycu.

Aymar Bibliia 1986

⁶ Wiphaljja Sión toker uñtata aytapjjam; ¡imantasiñ chekanac thaktapjjam, jan suyapjjamti! Jichhasti amsta toketwa jach'a t'akhesiñanacampi, tucjatäñampi apayanëjja uca laycu.

Qullan Arunaka DC

⁶ Jerusalén tuqir uñtat wiphal aytapxam; ¡imantasiñ chiqanak thaqtapxam, jan suyapxamti! Nayasti amsta tuqit jach'a t'aqhisiñanakampi, tukjatäñanakampi apayanïxa.

Jeremías 4:6 Jak'a apnaqawi uñst'ayäwi

Isaías 62:10

Mistupjjam, puncunac chek mistupjjam, marcajjataquisti thaqui waquichapjjam. Uca thacsti wali amuyumpi lurapjjaraquim, kalanacsa k'al willsupjjam; marcanacar jawsañataquisti mä wiphala sayt'ayapjjaraquim.

Jeremías 10:22

¡Wal ist'apjjam! ¡Mä yatiyäwiw purini! Amsta tokenquir mä marcat mä jach'a ojjtañaw juti, ucasti Judá orakenquir marcanacjja wasararuw tucuyapjjani, kamakenacaquiw ucanjja jacjjapjjaraquini.

Jeremías 18:11

“Jichhajj Jerusalén marcan jaquir jakenacarusa, uqhamaraqui Judá oraken utjirinacarusa saraquim, naya Tatituw sista: ‘Jumanac tokejj maya luräwinacwa amtascta; jumanacarusti mutuyañwa amtascaracta. Jan wali sarnakäwinacamjja apanucupjjam, luräwinacamsa uqhamaraqui sarnakäwinacamsa asquichasipjjaraquim’ sasa.

Jeremías 21:7

Uca khepatsti, Judá orakenquiri Sedequías reyerojj Nabucodonosoran amparaparuw catuyaraquï, uqhamaraqui yakha uñisirinacapan amparaparusa, take jilïri oficialanacapampi soldadonacapampi chica, cawquïri jakenacatejj marcan jilt'asipcaquini; usunacatsa, guerranacatsa uqhamaraqui mach'anacatsa. Nayaw jupanacarojj espadampcama jiwarayayäjja jan arjjatasisa ni qhuyapt'ayasisa. Naya Tatituw ucjja arsta.’

Jeremías 22:7

Jumataquisti wali armantata jakenac qhitanï, jumaru t'unjañapataqui. Cedrot lurata suma pilaranacamsa qhuchhunucupjjaniwa, ninaruw liwintapjjaraquini.

Jeremías 25:9

Jichhajj amsta tokenquir take marcanacaruw jawsayä, uqhamaraqui Nabucodonosor sirvirejjarusa, jupasti Babilonia oraken reyipawa, jupanacajj jutasin aca marcaru nuwjapjjañapataqui, take jakenacaru uqhamaraqui take jac'anquir marcanacarusa. Ucanacarusti k'alpunwa t'unjäjja. Jupanacarusti wiñayataqui t'unjataruw tucuyä, sustjascaña, ajjsarcañwa tucuyaraquëjja.

Jeremías 4:21

¿Cunapachcamas wiphala altor aytata uñjäjja? ¿Uqhamaraqui trompetan phust'asitapsa ist'araquëjja?

Jeremías 50:2

“Aca arunac yatiyapjjam, take marcanac taypina. Yatiyäwi unañchanacsti aptapjjaraquim; jan cunsa imt'apjjamti. Sapjjaraquim: ‘¡Babiloniajj catuntatawa, Marduc diosasti alekaquiw qhathatjjaraqui! ¡Yakha diosanacapasa c'ari diosanacapasti laruscaña p'enkaquëjjapjjewa, ajjsarañan phokhantatäjjapjjaraquiwa!’ sasa

Jeremías 50:22

Marcanjja guerran nuwasiñanacaw ist'asi, jach'a t'unjatäñampi.

Jeremías 51:12

¡Babilonia marcan perkanacaparu nuwantañataquisti chimpunaca churapjjaraquim! ¡Guardianacarusti juc'ampi yapjjatapjjaraquim ch'amanïpjjañapataqui! ¡Uñch'uquirinaca uscupjjaraquim! ¡Imantasisin suyjjatapjjaraquim jupan uñisirinacaparojja! Tatitusti, cuntejj Babilonia marcan utjiri jakenacatac amtcatayna, ucat yatiycaraquïna ucanacwa phokhascaraqui.

Jeremías 51:27

“¡Marcansti nuwantañataqui chimpu churapjjam! Trompetanac phust'apjjam, marcanacarusti waquichapjjaraquim Babiloniaru nuwantapjjañapataqui. ¡Jupa tokesti Ararat, Mini, uqhamarac Askenaz marcanaca toke sayt'apjjam! ¡Jumanacan nuwasiñanacama sum sarayañapataquisti mä general chhijllasipjjaraquim! ¡Caballeriarusti wali khoru t'ijut'ijunacarjamaraqui nayraru ant'apjjam!

Jeremías 51:54

Babiloniatpacha usuyasitat warariñanacajj ist'asi, caldeonacan orakepatpachwa cunayman wararitanacajj ist'asi.

Jeremías 6:1

¡Benjamín token utjir jakenaca! ¡Imantasiñ thaktapjjam, Jerusalenat jaltjjapjjam! Tecoa chekansti trompeta phust'apjjam, Bet-haquerem chekansti mä chimpu sayt'ayapjjam, mä jach'a jan walt'añampi, mä jach'a aynacht'añampiw, amsta toket ajjsarañapa churasinqui.

Jeremías 6:22

Tatitojj siwa: “Amsta toketa jaya orakenacatpachwa, mä ch'amani marcajj jutantañataqui waquichasisqui.

Ezequiel 9:1

Nayasti mä jach'a aru ist'aracta ucasti aqham saraquituwa: “Qhitinacatejj aca marcaru mutuyapcani ucanacajj niyaw purinjje, sapa maynis t'unjaña armanacapa ayt'atcamaquïpjjewa” sasa.

Ezequiel 9:2

Uqhamasti uñjaractwa sojjta jakenacaru amsta tokencquisa uca jach'a puncunjam mantasinipquiri, sapa maynis t'unjañataqui mä jach'a thuru lawa apt'atcama. Jupanac chicasti taypinjama mayni jakew jutaraquïna, lino isimpi isthapita, cinturaparusti kellkaña yänaca apt'ataraquïnwa. Mantasinsti, broncet luratäquis uca altar jac'aruw sayt'asipjjaraquïna.

Sofonías 1:10

Aqham siw Tatitojja: “Qhä urunjja yanapa mayisa warariñanacaw ist'asini Chawlla Puncu satäquis ucatpacha. Jakesti maysäjja marcatpach art'asini, kollunacasti wali ajjsarcañaraquiw allthaptapjjani.

Zacarías 6:6

Ch'iyar caballonac katatinqui uca carrojja sararaquiwa amstanquir marcaru; jank'o caballonac katatinqui ucasti, jalanta tokenquir marcaruraqui, allka caballonac katatinqui ucasti aynachanquir marcaruraqui —sasa.