Jeremías 4:6 - Qullan Arunaka DC

⁶ Jerusalén tuqir uñtat wiphal aytapxam; ¡imantasiñ chiqanak thaqtapxam, jan suyapxamti! Nayasti amsta tuqit jach'a t'aqhisiñanakampi, tukjatäñanakampi apayanïxa.

Aymar Bibliia 1986

⁶ Wiphaljja Sión toker uñtata aytapjjam; ¡imantasiñ chekanac thaktapjjam, jan suyapjjamti! Jichhasti amsta toketwa jach'a t'akhesiñanacampi, tucjatäñampi apayanëjja uca laycu.

Qullan Arunaca

⁶ Wiphaljja Sión toker uñtata aytapjjam; ¡imantasiñ chekanac thaktapjjam, jan suyapjjamti! Jichhasti amsta toketwa jach'a t'akhesiñanacampi, tucjatäñampi apayanëjja uca laycu.

Jeremías 4:6 Jak'a apnaqawi uñst'ayäwi

Isaías 62:10

Mistupxam, punkunak chiq mistupxam, markaxatakisti thakhi wakichapxam. Uka thaksti wali amuyumpi lurapxam, qalanaksa q'al willsupxam; markanakar jawsañatakisti mä wiphal sayt'ayapxam.

Jeremías 10:22

¡Wal ist'apxam! ¡Mä jan wali yatiyäwiw purini! Amsta tuqit mä jach'a ejercitow jutanti, ukasti Judá uraqinkir markanakxa ch'usa wasararuw tukuyani, qamaqinakakiw ukan jakxapxarakini.

Jeremías 18:11

“Jichhax Jerusalén markan jakir jaqinakaru, Judá uraqin utjirinakarus sarakim, naya Tatituw jupanakar sista: ‘Jumanakar jan walt'ayañatakiw amtaskta; jumanakar mutuyañ amtaskta. Ukhamax jan wali sarnaqäwinakam apanukupxam, luräwinakamsa, sarnaqäwinakamsa askichasipxarakim’ sasa.

Jeremías 21:7

Uka qhipatsti, Judá uraqinkir Sedequías reyiru, taqi jilïr yanapirinakaparu, khitinakatix usunakana, nuwasiñanakana, mach'anakan utjatapat jan jiwarapki taqi ukanakaruw Nabucodonosor reyin amparapar katuyarakï, ukhamarak yaqha uñisirinakapan amparaparusa. Jan jumanakat khuyapt'ayasisaw uka reyix espadampi jiwarayapxätam. Naya, Tatituw uk arsta.

Jeremías 22:7

Jumatakisti mä jach'a ejército khithanï, jupanakaw jumarux tukjapxätam. Cedrot lurat suma pilaranakamsa q'al khuchhunukupxani, ninaruw phichhantapxarakini.

Jeremías 25:9

jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Jeremías 4:21

¿Kunapachkamas uñisirin wiphalap alayar aytat uñjäxa, trompetan atipt'äwi phust'asitapsa ist'arakïxa?

Jeremías 50:2

“Taqi markanak taypin aka arunak yatiyapxam. Yatiyäwi unañchanaksti uñstayapxam; jan kunsa imt'apxamti. Sapxarakim: ‘¡Babiloniax katuntatawa! ¡Bel diosax q'ala p'inqachjatawa, Marduc diosasti aliqakiw khathatxi! ¡Uka k'ari diosanakapasti laruskañ p'inqakïxapxiwa!’ sasa

Jeremías 50:22

Nuwasiñatak arnaqasirinakaw markan ist'asi, jach'a t'unjäwi uxutanakapaw ist'asi.

Jeremías 51:12

¡Nuwantañatak yatiyapxam! ¡Babilonia markan pirqanakap liwinukupxam! ¡Uñjirinaksti yapxatapxam! ¡Imantasisin babilonionakar suyxatapxam! ¡Sipitar jalt'ayapxarakim! Nayätwa Israelan Diosapaxa, Babilonia markar lurañ amtataxsti phuqhapunïwa.

Jeremías 51:27

“¡Markansti nuwantañatak yatiyapxam! ¡Trompetanak phust'apxam, markanakarus wakicht'apxarakim, Babiloniar nuwantapxañapataki! ¡Ararat, Miní, Askenaz uka markanakax Babiloniar nuwantapxpan! ¡Nuwasïwi sarayiritakisti mä jilïri chhijllt'asipxam! ¡Caballeriarusti wali qhuru t'iju t'ijunakarjam nayraqatar ant'apxam!

Jeremías 51:54

Babiloniatpach t'aqhisiñat wararitanakax ist'asi, caldeonakan uraqipatpach wararitanakax ist'asi.

Jeremías 6:1

¡Benjamín tuqin utjir jaqinaka! ¡Imantasiñ thaqtapxam, Jerusalenat jaltxapxam! Tecoa chiqan trompeta phust'apxam, Bet-haquerem chiqansti mä chimpu sayt'ayapxam, mä jach'a jan walt'añampi, mä jach'a aynacht'añampiw, amsta tuqit jutantaski.

Jeremías 6:22

Tatitux siwa: “Amsta jaya uraqinakatpach mä ch'aman markax jutantañatak wakichasiski.

Ezequiel 9:1

Ukatsti nayax mä jach'a aru ist'arakta ukasti akham situwa: “¡Aka markar mutuyirinakax niyaw purinxi, sapa maynis t'unjañ yänakap ayt'atkamakiwa!” sasa.

Ezequiel 9:2

Ukatsti amsta tuqi jach'a punku chiqat suxta chachanakar mantasinipkir uñjta, sapa maynis mä jach'a thuru lawa ayt'atkama. Jupanak chikasti lino isimpi isthapita mä jaqiw jutarakïna, cinturapansti qillqaña yänakaw utjäna. Mantasinsti, broncet lurat altar jak'aruw sayt'asipxäna.

Sofonías 1:10

Tatitux akham siwa: “Khä urunxa, Chawlla Punku satäkis ukäkatpacha yanap mayisa warariñanakaw ist'asini. Jaqin art'asitapax maysäx markatpachaw ist'asini, qullunakatsti allthaptkaspas ukhamaw ist'asirakini.

Zacarías 6:6

Ch'iyar caballonakan qatatit carrox amstankir markaruw sari; janq'u caballonakan qatatit carrosti, jalanta tuqinkir markaruw sari; ch'ikhu caballonakan qatatit carrosti aynachankir markaruw sararaki” sasa.