Jeremías 4:7 - Qullan Arunaka DC

⁷ Leonax niyaw putupat mistuni; markanak tukjiristi niyaw jutanti; markam t'unjiriw markapat mistuniwayi, markanakamxa, ch'usa wasara, q'ala t'unjat tukuyani.

Aymar Bibliia 1986

⁷ Leonajj niyaw putupat mistuni; marcanac tucjiristi niyaw jutanti; marcapatwa mistuniwayi, marcama t'unjañataqui, wasara, k'ala t'unjatwa marcanacamjja tucuyani.

Qullan Arunaca

⁷ Leonajj niyaw putupat mistuni; marcanac tucjiristi niyaw jutanti; marcapatwa mistuniwayi, marcama t'unjañataqui, wasara, k'ala t'unjatwa marcanacamjja tucuyani.

Jeremías 4:7 Jak'a apnaqawi uñst'ayäwi

2 Reyes 24:1

Joacín reyix marka apnaqkän ukkhaw, Babiloniankir Nabucodonosor reyix Judá uraqir katuntir mantantäna, ukatsti Joacín reyix kimsa maraw uka reyin munañaparjam sarnaqäna. Ukatxa sum amuyt'asisin, janiw uka reyirux jaysañ munkxänti, jan ukasti jupatakiw sayt'asxäna.

2 Reyes 25:1

Sedequías reyix llätunka mara marka apnaqkäna, tunkïri phaxsita tunka uru saraqataruw, Babiloniankir Nabucodonosor reyix taqpach ejercitopamp sarantasin Jerusalén markar muyuntäna. Ukatsti marka uñkatasiruw utjnuqtäna, marka muytarusti makhatañanak luräna, markar katuntañataki.

Isaías 1:7

Israel uraqix q'ala tukjatawa, markanakapas ninan nakhantatawa. Jumanakan uñjkataw uñisirinakamas yapuchatanakam manq'antapxi. Taqi uraqpachaw wasarar tukuyata, mä uñisir markan ejercitopaw ukham tukjawayi.

Isaías 5:9

Taqi ch'amani Tatitusti juramentompiw nayar situ: “Walja utanakaw t'unjatäni, jach'anakäskpasa, qawqha sumäskpasa, janiw khitis uka utanakan jakkaniti.

Isaías 6:11

Nayasti jiskt'araktwa: “Tatay, ¿kunapachkamarakïni ukasti?” sasa. Jupasti sarakituwa: “Kunapachatix taqpach markanakax q'ala t'unjatäkani, uka markanakas jan jaqin jikxatasipkani; utanakas jan mä jaqin uñjaskani, pampanakas ch'usa wasarar tukuyatäkani,

Jeremías 2:15

¿Kunatarak leonanakjama jach'at warart'asis nuwantapxisti? Uraqipxa q'ala tukjat antutawayapxi, markanakapasti ninampi nakhantayata, janirakiw khitis ukanakan qhiparkxiti.

Jeremías 22:6

Tatitusti Judá reyin utapatxa akham siwa: “Jumax nayatakix Galaad qulljamätawa, Líbano jach'a qullunak patar uñtata, ukampis juramentompiw arsta, jumarux ch'usa wasararuw tukuyäma, jan jaqinakan chiqaruw tukuyäma.

Jeremías 22:7

Jumatakisti mä jach'a ejército khithanï, jupanakaw jumarux tukjapxätam. Cedrot lurat suma pilaranakamsa q'al khuchhunukupxani, ninaruw phichhantapxarakini.

Jeremías 25:38

Putupat mistunir leonar uñtataw jupax mistuni, jupanakan markapasti q'ala t'unjataw uñjasi, Tatitun phiñasiñapax mä ninjamaw aqti, mä jach'a nuwasïwi apayaniraki.

Jeremías 25:9

jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Jeremías 26:9

¿Kamisarak jumasti Tatitun sutipxar parläta, aka Tatitun utapax kunjämatix Siló chiqankir templox t'unjatäkän ukhamäniwa, aka Jerusalén markas t'unjatarakïniwa, jan jaqiniw qhiparani sasasti?” sasa. Ukatsti taqi jaqinakaw Jeremiasar katuntañatakix muyuntapxäna.

Jeremías 27:8

Kawkïr markanakatixa, jan ukax reyinakas Nabucodonosor reyimpi jan apnaqayasiñ munkani ukanakarux, nayaw nuwasiñanakampi, mach'anakampi, kunayman usunakampi mutuyarakï, taqinis jupan apnaqatäñapkama. Naya, Tatituw uk arsta”.

Jeremías 33:10

Tatitux siwa: “Jumanakax sapxtawa: ‘Aka chiqax ch'usa wasarar tukutawa, janiw jaqinakasa, uywanakas utjkiti’ sasa; Jerusalén markan thakhinakapasa, Judá uraqin markanakapas ch'usakiwa, janirakiw ukan khiti jaqinakasa, uywanakasa jakapkiti, sasa. Jichhax walikiwa, akan wasitat

Jeremías 34:22

Uka uñisirinakarusti wasitat aka markarux kutt'ayanirakï, ukatsti tukjayarakïwa, katuntasinsti ninampiw phichhantayarakï. Judá uraqinkir yaqha markanakarusti ch'usa wasarar jan jaqin tukuyarakï. Naya, Tatituw uk arsta.”

Jeremías 4:29

Caballonakar lat'xatat jutapki, mich'inakap apt'at jutapki ukanakan arnaqasitaparusti, taqi jaqinakaw jalakamak chhuksuwayxapxi; ch'uminak taypiruw imantasipxi, qarqanakaruw jat'stapxaraki. Taqi markanakasti q'ala apanukutawa; janirakiw mä sapa jaqis ukanakan jakkxiti.

Jeremías 44:2

“Israelan taqi ch'aman Diosapax siwa: ‘Jumanakax uñjapxtawa kuna t'aqhisiñanaktix Jerusalén markxaru, Judá uraqinkir yaqha markanakxarus apayankta taqi ukanaka. Jichhax uka markanakax q'ala aynacht'atawa, janirakiw khitis uka markanakan jakkxiti,

Jeremías 46:18

Nayaw reyïtxa, taqi ch'aman Tatitu satarakïtwa, sutix laykuw juramentompi arsta: Qullunak taypinkir Tabor qullur uñtata, jach'a quta thiyankir Carmelo qullur uñtata, ukhamaw uñisirimax jutantani.

Jeremías 49:19

Edom marka, jan kamsasakiw jumarux nuwantäma, kunjämatix leonax akatjamat khitirus thuqxatkix ukhama. Nayaw uñisirim ajllï, mä juk'a pachanaki jumar atipjañapataki. Janiw yaqha Diosax nayjam utjkiti, janiw khitis nayar saykatirix utjkiti, janirakiw kawkïr awatiris nayarux saykatkitaspati.

Jeremías 5:6

Ukat jichhax leonanakax ch'umit mistunisin jiwarayapxani, wasarankir qamaqinakaw jisk'a jisk'a tukjapxani, markat mistusinkirinakarusti jisk'a jisk'a tukjarakini, walja jach'a juchanak lurapxatap layku, mayninakarus aljantapxatap layku.

Jeremías 50:17

“Israel markasti leonanakan arknaqat mä chhaqhat ovejar uñtatawa. Asiriankir reyiw nayraqat manq'anti, ukxarusti Babiloniankir Nabucodonosor reyiw ch'akhanakamppach manq'antaraki.

Jeremías 50:44

“Babilonia marka, jan kamsasakiw jumarux nuwantäma, kunjämatix mä leonax akatjamat khitirus thuqxatki ukhama. Mä juk'a pachanak jumar atipjañapatakix nayaw uñisirim ajllï. Janiw yaqha Diosax nayjam utjkiti, janiw khitis nayar saykatirix utjkiti, janirakiw kawkïr awatiris nayar saykatkitaspati.

Jeremías 8:16

¡Uñisirinakasax niyaw jutantapxi! ¡Dan siski uka chiqatsti niyaw caballonakapan samaqitapax ist'asi! Uka caballonakan qanchisitapatsti, taqi uraqpachaw khathatiraki. Taqi aka markaru, yänakapamppach t'unjiriw jutapxi, markanakarusa, ukan jakirinakarusa.”

Jeremías 9:11

11 (10) “Jerusalén markarux qala chhaxwaruw tukuyä; qamaqinakan putunakaparuw tukuyarakï; Judá uraqinkir markanakarusti mä ch'usa wasararuw tukuyä; jan jaqiniw qhiparxapxani.”

Ezequiel 12:20

Jaqinakan phuqt'ata markanakax q'ala t'unjatäniwa; aka markasti ch'usa wasarar tukuyatarakïniwa. Ukapachaw jumanakax yatipxäta, nayan Tatitütaxa’ ” sasa.

Ezequiel 21:31

31 (36) Jumxaruw phiñasiñaxa mä nakhantir ninjam warxatanï; ukatsti jan khuyapayasiñan qhuru jaqinakan amparaparuw katuyäma.

Ezequiel 32:2

“Egipto markankir faraón reyitak aka amay imäwi q'uchu q'uchurapim: “ ‘Markanakan leonapjamätawa; qutankir jach'a katarir uñtatätawa, jawiraman umapan sunt'isiraktaxa, kayunakamampiw uka um qunchuptaytaxa, jalir umsti tirktayaraktawa.

Daniel (hebreo) 5:19

Jupar munañan kankañ churatap laykuw, taqi akapachankir markanakaxa, kunayman parlani jaqinakasa, awkimarux axsarapxänwa, jupa nayraqatan khathatipxarakïnwa. Jupax khitirutix jiwayañ munkäna ukarusti jiwayakïnwa, khitirutix jakayañ munkän ukarus jakayakïnwa, mayninakarux jach'aruw aptäna, yaqhipanakarusti jisk'achjarakïnwa.

Daniel (hebreo) 7:4

Nayrïr jach'a laq'ux mä leonar uñtatänwa, chiqhapasti jach'a pakan chhiqhapjamänwa. Nayax ukhamaw uka jach'a laq'ur uñch'ukiskäyäta, ukhamaruw chhiqhanakap jik'iqapxäna, uraqit waytasin qhipäx kayunakapxaruw sayt'asiyapxäna, mä jaqïkaspas ukhama, chuymapasti mä jaqin chuymapäkaspas ukhamaw tukuwayxarakïna.

Levítico 26:31

jumanakan markanakama, yaqha diosanakar yupaychañ utanakamsa t'unjarakïwa; kuntix jumanakax nayar luqtanipkitäta ukanakan q'aphinakapsa janiw katuqapkämati.

Levítico 26:33

Jumanakarux markanak taypiruw ananukupxäma, espadampi jiwayañatakiw arknaqapxäma; uraqimasti ch'usa wasarar tukutaw uñjasini, markanakamas axsarkañ q'ala t'unjataw uñjasini.