Jeremías 4:5 - Qullan Arunaca

⁵ “Aca arunacsti Jerusalenana, uqhamaraqui Judá oraken yatiyapjjam; trompetanacampi phust'asa take marcpacharu yatiyapjjam, wali jach'at art'apjjam: ‘¡Jina! ¡Tantacht'asipjjañäni! ¡Jach'a perkani marcanacaru!’ sasa.

Aymar Bibliia 1986

⁵ “Aca arunacsti Jerusalenana, uqhamaraqui Judá oraken yatiyapjjam; trompetanacampi phust'asa take marcpacharu yatiyapjjam, wali jach'at art'apjjam: ‘¡Jina! ¡Tantacht'asipjjañäni! ¡Jach'a perkani marcanacaru!’ sasa.

Qullan Arunaka DC

⁵ “Aka arunaksti Jerusalén markana, Judá uraqin yatiyapxam; trompeta phust'as taqi markpachar yatiyapxam, wali jach'at art'apxam: ‘¡Jaqinakax uyuchrantat markanakar imantasir jaltxapxpan!’

Jeremías 4:5 Jak'a apnaqawi uñst'ayäwi

Isaías 28:19

Sapa cuti jutcan ucqhasti k'al apapjjaraquïtam. Sapa alwaw jutani, sapüruraqui, sapa jayp'uraqui, jutañap yatisaquiw jumanacajj qhathatipjjätajja.

Jeremías 11:2

“Israelitanacasti aca arust'äwin arunacaparu ist'apjjpan, Judá orakenquir jakenacarusti uqhamaraqui Jerusalenanquirinacarusa, parljjayam,

Jeremías 35:11

Ucampisa, cunapachatejj Babilonianquiri Nabucodonosor reyejj aca marcaru nuwantiri jutantcän ucapachaw nanacajj caldeonacan uqhamaraqui arameonacan ejercitopat jaltanjjapjjta, ucatsti aca Jerusalén marcaru jaquiriw jutjjapjjaracta; ucatwa aca Jerusalén marcan jacasipctjja” sasa.

Jeremías 5:20

“Israel marcaru yatiyapjjam, Judä orakerusti sapjjaraquim:

Jeremías 6:1

¡Benjamín token utjir jakenaca! ¡Imantasiñ thaktapjjam, Jerusalenat jaltjjapjjam! Tecoa chekansti trompeta phust'apjjam, Bet-haquerem chekansti mä chimpu sayt'ayapjjam, mä jach'a jan walt'añampi, mä jach'a aynacht'añampiw, amsta toket ajjsarañapa churasinqui.

Jeremías 8:14

Marcasti saraquiniwa: “¿Cunataquis acar kheparascaquiñäni? ¡Takeni sarjjañäni jach'a perkani marcanacaru, mäpita jiwarayistpan! Tatitu Diosasajja jiwarayistaniwa; venenat umwa umañataquisa churaraquistu, jupa toke jucha luratas laycu.

Jeremías 9:12

¿Qhitis wali amuyt'anejja take acanac amuyt'añataquejja? ¿Qhitirus Tatitojj take acanac yatiyi, mayninacaru yatiyañapataqui? ¿Cunatsa aca marcajj k'ala t'unjata uñjasi, waña mä wasarar uñtata, cawqhantejj jan qhitis pasqui uqhama?

Ezequiel 7:14

“Trompetas toct'asiraquiwa nuwasiñaru jawsasa; takeniw waquichasipjji, ucampis janiw maynis nuwaserejj mistcaraquiti. Israel marcan jach'a jach'a tucutapatsti colerasiñajjampiw mutuyaraquëjja.

Oseas 8:1

“Trompetam phust'am uñjir centinelajj phust'qui uqhama, Tatitun marcapjjaru. Jupanacajj arust'äwejjarojj p'aquintapjjewa, ucatsti yatichäwejj contraraquiw sayt'asipjje.

Joel 2:1

“Sión kollunsti trompet phust'apjjam; Tatitun kollan kollupansti toct'asin jawsthapipjjam jakenacarojja. Take jumanacasti Judá marcan utjirinaca qhathatipjjam, Tatitun urupajj jac'ancjjatap laycu;

Amós 3:6

Cunapachatejj trompetan tuct'asitapajj marcan ist'asi ucqhaw jakejj wal sustjasi; cuns Tatitojj apayani ucqhaw marcanjja jan walinacajj utjejja.

Amós 3:8

¿Qhitis jan sustjasispajja leonan wararitap ist'asajja? ¿Qhitis jan parlaspajja Tatitun sutiparojja jupatejj “parlam” saspa ucqhajja?

Números 10:2

“Pä kollke trompetanac lurasim martillompi lek'suta, ucasti jakenacar tantachañataqui, uqhamarac sarjjaruñataquiraquïniwa.

Números 10:3

Cunapachatejj uca paypacha trompetanacajj phust'asini, ucapachajj takpach marcaw juma nayräjjaru tantacht'asini Tatitu Diosampi Jiquisiñ Carpäquis uca mantañaru.

Josué 10:20

Cunapachatejj Josué chachajj uqhamaraqui Israel marcasa k'al amorreo marcar t'unjapjjäna waljaniru jiwarayasina ucqhajj cawquïri amorreo jakenacatï jacasipcän ucanacajj marcanacaparuw imantasipjjäna.