Jeremías 16:17 - Qullan Arunaca

¹⁷ Nayasti take jupanacan luratanacapjja uñjtwa; janiw cunas nayatjja imt'ascaraquiti, juchanacapasti janiw nayan nayrakatajjatjja imt'ascaraquispati.

Aymar Bibliia 1986

¹⁷ Nayasti take jupanacan luratanacapjja uñjtwa; janiw cunas nayatjja imt'ascaraquiti, juchanacapasti janiw nayan nayrakatajjatjja imt'ascaraquispati.

Qullan Arunaka DC

¹⁷ Nayasti taqi jupanakan luratanakap uñjtwa; janiw kuna luratanakapas nayat imt'askiti, juchanakapas janirakiw nayan nayraqataxat imt'askaspati.

Jeremías 16:17 Jak'a apnaqawi uñst'ayäwi

2 Crónicas 16:9

Tatitusti sumwa uñjasqui take acapachana cunanacatejj lurasisqui ucanacjja, uqhamata ch'ama churañataqui qhitinacatejj chekpachana juparu iyawsasipqui ucanacaru. ¡Jumasti mä lokjamawa uqham lurtajja! ¡Jichhat ucsarusti juc'ampi guerranacawa jumataqui utjani!” sasa.

Job 10:14

juchjja lurtti janicha ucwa uñch'uquisincaraquistästajja, uqhamat nayaru juchañchañataqui.

Job 31:4

¿Diosajj janicha luräwinacajj uñjqui? ¿Janicha take sarnakäwejjsa uñtanqui?

Salmos 109:15

Tatitojj ucanac amjjäsiscacpan, sutipasti oraket chhaktayatäpan.

Salmos 139:3

Jumaw sarnakatajjsa, samart'atajjsa yattajja, takpach sarnakäwinacajjajj juman uñt'atawa.

Salmos 33:15

jupaw takenir amuy churi, juparaquiw take luräwinacap uñch'uquisqui.

Salmos 51:9

Janiquiy juchanacajjarojj uñtanimti, take ñankha luratanacajjat k'omachita.

Salmos 90:8

Jucha luratanacajjajj nayrakataman uñsti, jamasat luratanacajjsti khanaruw mistuytajja.

Proverbios 15:3

Tatitojj take chekanquiwa; jupajj uñch'uquisquiwa asqui jakenacaru, uqhamarac ñankha jakenacarusa.

Proverbios 5:21

Jaken sarnakäwipasti Tatitun suma uñjatawa, jupasti take luräwinacapwa uñji.

Isaías 29:15

¡Ay, cunaquïcani qhitinacatejj Tatitut imantasipjje ucanacataquejja, jupanacajj amtäwinacap Tatitut imantapjje, aruma ch'amacanacanwa ñankhanac lurapjjaraqui, sapjjaraquiwa: “Janiw qhitisa uñjquistuti, janiw qhitis amuyquiti”! sasa.

Jeremías 2:22

Lejiampis jarekasiscam, uqhamaraqui jabonampis jarisiscam, naya nayrakatansti juchaman k'añupajj uñstascaquipuniniwa, Naya Tatituw ucjja arsta.

Jeremías 23:24

¿Qhitis nayan nayräjjatjja imantasispajja? Alajjpachasa, acapachasa nayampi phokhantatawa. Naya Tatituw ucjja sista.

Jeremías 29:23

Take ucanacasti jumanacampejj lurasiniwa, Israel marcan sinti jach'a juchanac lurapjjatam laycu. Jake masiman warmipampiw jumanacajj jucha lurañan sarnakapjjtajja, cuntejj nayajj jan sapcsma ucanacaracwa nayan sutejj-jjaru parlapjjtajja. Nayajj ucjja sumwa yatta, naya quipcaw uñjta. Naya Tatituw ucjja arsta’ ” sasa.

Jeremías 32:19

Jumajj amtäwinacamanjja jach'ätawa, luräwinacamansti ch'amaniraquïtawa. Jumaw sapa mayni jakeru luratanacap uñjtajja, ucatsti luratanacaparjamaraquiw cunsa churtajja.

Jeremías 7:11

¿Jumanacasti amuyapjjtati, aca nayaru loktata templojj lunthatanacan putupäcaspas uqhama? Nayasti take ucanacwa uñjta. Naya Tatituw take ucanacjja arsta.

Ezequiel 8:12

Ucatsti saraquituwa: “¿Uñjtati cuntejj jamasan Israelanquiri jilïri jakenacajj lurapqui ucjja? ¿Sapa maynis c'ari diosanacapan t'ojjonacapanjja? Jupanacasti amuyapjjaraquiwa nayajj janis ucanaca uñjquirista uqhama, uqhamaraqui aca marcarojj apanucquiristsa uqhamwa amuyapjjaraqui” sasa.

Ezequiel 9:9

Tatitusti ucjjarojj saraquituwa: “Israel marcan juchapajja uqhamaraqui Judá marcan juchapasa sinti jach'apuniwa. Aca orakensti jake jiwayañaw phokhantataraqui; jan wali lurañanacampi phokhantataraquiwa. Jupanacajj amuyapjjaraquiwa nayajj aca marcjja apanucjjeristsa janirac ñankha luratanacapsa uñjquiristti uqhamwa amuyapjjaraqui.

Sofonías 1:12

“Uca urunacanjja mä lamparampiw Jerusalén marcarojj uñaquiparaquï. Ucatsti mutuyaraquïwa cawquïri jakenacatï juchanacapan chhaktata inaqui kamasipqui, chuymanacapansti sapjjaraqui: ‘¡Janiw Diosajj walsa jan walsa lurcaniti!’ sasa.

Zacarías 4:10

Qhitinacatejj jani yäkapcänti jisc'a kalltäwinacjja, ucanacasti jichhajj cusisipjjaniwa Zorobabelan uca luräwinac tucuyjjatapatjja’ sasa. Uca khepatsti angelajj yapt'araquiwa: “Aca pakallko lamparanacasti Tatitun nayranacapawa, ucasti uñch'uquiyasquiwa take acapacharu.”

1 Corintios 4:5

Uqhamajj jumanacajj jan cunatsa mäqui juchañchapjjamti, jan ucasti suyt'apjjam Tatituru, jupaw take cunsa khanar apsuscani, cunatejj ch'amacan imantatäqui ucsa. Tatitojj take jakenacan amtatanacapsa khanaruw apsuni, ucatsti Diosajj sapakat maynirusa lurataparjamaraquiw uñjani.

Hebreos 4:13

Janiw cunas Diosan luratanacapatjja jupat imantascaspati, take cunaw khanstayata, uqhamarac jist'arata qhitirutejj jaqhuta churcañäni ucan nayrakatapanjja.