Jeremías 16:17 - Qullan Arunaka DC

¹⁷ Nayasti taqi jupanakan luratanakap uñjtwa; janiw kuna luratanakapas nayat imt'askiti, juchanakapas janirakiw nayan nayraqataxat imt'askaspati.

Aymar Bibliia 1986

¹⁷ Nayasti take jupanacan luratanacapjja uñjtwa; janiw cunas nayatjja imt'ascaraquiti, juchanacapasti janiw nayan nayrakatajjatjja imt'ascaraquispati.

Qullan Arunaca

¹⁷ Nayasti take jupanacan luratanacapjja uñjtwa; janiw cunas nayatjja imt'ascaraquiti, juchanacapasti janiw nayan nayrakatajjatjja imt'ascaraquispati.

Jeremías 16:17 Jak'a apnaqawi uñst'ayäwi

2 Crónicas 16:9

Tatitux kunanakatix akapachan lurasiski ukanak sum uñjaski, ukat khitinakatix taqi chuymampi jupar katuyasipki ukanakar ch'am churañataki. ¡Jumasti luqhir uñtataw ukham lurtaxa! Jichhat uksarusti juk'amp ch'axwañanakaw jumatak utjani” sasa.

Job 10:14

jucha lurtti, janicha uk uñch'ukisinkistästaxa, juchaxat nayar juchañchañataki.

Job 31:4

Amuyatax Diosax janis uñjkitaspa ukhama janiraki luräwinakax uñjkaspa ukhamawa.

Salmos 109:15

Tatitux ukanak amxäsiskakpan, sutipasti uraqit chhaqtayatäpan.

Salmos 139:3

Jumaw sarnaqataxsa yattaxa, ¡taqpach luräwinakaxsa yattaxa!

Salmos 33:15

jupaw taqinir amuy churi, juparakiw taqi luräwinakap uñch'ukiski.

Salmos 51:9

9 (11) Janikiy juchanakaxarux uñtanimti, taqi ñanqha luratanakaxat q'umachita.

Salmos 90:8

Jucha luratanakaxaxa, ñanqha luratanakaxasa juman nayraqataman uñsti.

Proverbios 15:3

Tatitux taqi chiqankiwa; aski jaqinakampiru, ñanqha jaqinakampiruw uñch'ukiski.

Proverbios 5:21

Tatitux jaqin sarnaqäwip uñjaskiwa, sartatanakapsa sum uñch'ukiskaraki.

Isaías 29:15

¡Ay, kunakïkan khitinakatix Tatitut imantasipki ukanakatakixa, jupanakax amtäwinakap Tatitut imantapxi, aruma ch'amakanakan ñanqhanak lurapxi, sapxarakiwa: “Janiw khitisa uñjkistuti, janiw khitis amuykiti!” sasa.

Jeremías 2:22

Lejiampis jariqasiskam, jabonampis jarisiskam, naya nayraqatansti juchaman q'añupax uñstaskakipuniniwa, Naya, Tatituw uk arsta.

Jeremías 23:24

¿Khitis naya nayräxat imantasispa? Alaxpachansa, akapachansa nayax taqi chiqanktwa. Naya, Tatituw uk sista.

Jeremías 29:23

Taqi ukanakaw jumanakampix lurasini, Israel markan sinti jach'a juchanak lurapxatam layku: jaqi masiman warmipampiw jumanakax wachuqa jucha lurapxtaxa, ukatsti kuntix nayax jan sapksma ukanakarak nayan sutixar parlapxtaxa. Nayax uk sum yatta, naya kipkaw uñjta. Naya, Tatituw uk arsta’ ” sasa.

Jeremías 32:19

Jumax amtäwinakaman jach'ätawa, luräwinakamansa ch'amanirakïtawa. Jumaw taqi jaqin luratanakap uñjtaxa, ukatsti luratanakaparjamaw kunsa churtaxa.

Jeremías 7:11

Aka utax nayar luqtat utawa, ukampis jumanakax lunthatanakan putup tukuyxapxatäta. ¡Naya pachpaw ukham uñjta! Naya, Tatituw taqi ukanak arsta.

Ezequiel 8:12

Ukatsti Tatitux sarakituwa: “Uñtam Israelan jilïrinakaparu. Sapa maynis diosanakaparuw jamasan yupaychasipki. Jupanakasti janis nayax ukanak uñjkirista ukham amuyapxi, aka markarux apanukkiristsa ukham amuyapxaraki” sasa.

Ezequiel 9:9

Tatitusti ukxarux sarakituwa: “Israel markampina, Judá markampin juchanakapax sinti jach'apuniwa. Uraqix jaqi jiwarayatanakampi phuqhantatawa; markax jan wali lurañanakampi phuqhantatawa. Nayas aka marka apanukkirista, janis ñanqha luratanakap uñjkirista ukham jupanakax amuyapxi.

Sofonías 1:12

“Uka urunakanxa, Jerusalén markarux mä qhanampi qhant'ayasaw uñakipäxa. Kawkïr jaqinakatix jucha luratanakapat jan amthapisis qamasisipki ukanakarux mutuyäwa, chuymanakapansti sapxaraki: ‘¡Janiw Tatitux walsa jan walsa lurkaniti!’ sasa.

Zacarías 4:10

“Tatitun utap lurañ qalltaskäna uk jan yäqirinakaxa, jichhax Zorobabel chachar uka luräwinak tukuyaskir uñjasax kusisipxaniwa” sasa. Uka qhipatsti angelax aka arunakampiw yapt'arakïna: “Aka paqallqu lamparanakax Tatitun nayranakapawa, ukasti taqi akapacharuw uñch'ukiskaraki” sasa.

1 Corintios 4:5

Ukhamasti, jumanakax jan kunatsa mäkix taripapxamti; Tatitun jutañap suyt'apxam, jupaw ch'amakankki uk qhanar apsuni, chuyman amtäwinakapsa qhanstayarakini. Ukatsti Diosaw sapaqat maynirux luräwipatjam jach'achaskani.

Hebreos 4:13

Janiw kuna luratapas Diosan nayraqatapan imantaskaspati; taqi kunapuniw jupan nayraqatapan qhanstani, taqi luratasat arsuñasaw wakt'istani.