Jeremías 16:18 - Qullan Arunaca

¹⁸ Nayrakatajj mä ucqhampi jupanacarojj pagayaraquï ñankhanaca, uqhamaraqui juchanaca luratapatsa, uca ajjtascaña jiwata diosanacapampisti aca nayan suma orakejjwa k'añuchapjjänjja, cawquïri oraktejj jupanacaru mä herenciatjama churcta ucaru. Uca orakensti nayajj ajjtascta ucanacwa lurapjjänjja.”

Aymar Bibliia 1986

¹⁸ Nayrakatajj mä ucqhampi jupanacarojj pagayaraquï ñankhanaca, uqhamaraqui juchanaca luratapatsa, uca ajjtascaña jiwata diosanacapampisti aca nayan suma orakejjwa k'añuchapjjänjja, cawquïri oraktejj jupanacaru mä herenciatjama churcta ucaru. Uca orakensti nayajj ajjtascta ucanacwa lurapjjänjja.”

Qullan Arunaka DC

¹⁸ Nayraqatax mä ukkhampi jupanakarux mutuyä ñanqhanaka, juchanak lurapxatapata, uka axtaskañ diosanakapampisti nayan suma uraqix q'añuchapxatapata, kawkïr uraqtix jupanakar churkta uka uraqinsti nayax axtaskta ukanak lurapxarakïna.”

Jeremías 16:18 Jak'a apnaqawi uñst'ayäwi

Salmos 106:38

Jan juchan jaken wilap wartapjjäna, wawanacapan wilap wartapjjäna, Canaán orak diosanacaruw wila loktapjjäna. Orakejj wilamp k'añuchataw uñjasïna,

Isaías 24:5

Orakesti jakenacampi taquisitawa, leyinacsa apanucupjjaraquiwa, camachinacsa janiw phokhapcaraquiti, Tatitun wiñayatac arust'äwipsa t'unapjjaraquiwa.

Isaías 40:2

Jerusalenarusti munasiñampirac parljjayapjjam, Esclavo sarnakañapajj tucusjjewa sapjjaraquim, jan wali luratanacapatjja phokhjjewa, amparajjatsti mä ucqhampi catokjjaraqui, take juchanacapat mutuyäwi catokañapäcän ucjja.”

Isaías 61:7

Cunjämatejj marcajjajj t'akhesïnjja, pä ucqha p'enkachata, jisc'achataraqui, ucat jichhajj pä ucqha kamir cancañjja catokapjjaraquini, wiñay cusisiñampiw cusisiraquini.

Isaías 65:6

Ucampis take ucanacajj naya nayrakatan kellkatawa, janiraquiw ampar khomt'ata kheparcäti; waquisitapwa churaraquëjja,

Isaías 65:7

cunjämtejj ñankha lurañan sarnakapqui uqhamarjama, awquinacapan juchanacapatsa. Jupanacasti kollu patanacan incienso naqhayasipjjänjja, uca kollu patanacanwa chuyma ust'ayapjjetu. Nayrakatajj sum suma amthapt'asï, ucatsti cunatejj waquisqui ucarjamaraquiw churäjja.” Tatituw uqham arsu.

Jeremías 17:18

Nayar arcnakerinacaru mä p'enka uñjasiyam, jan nayarojja; jupanacajj sustjata uñjasipjjpan, jani nayajja. Jupanacjjarusti t'akhesiñanaca apayaniraquim, jupanacarusti mayampi, mayampi t'unjaraquim.

Jeremías 2:7

Nayaw jumanacarojj aca suma orakeru irpanipjjsma, uqhamat achunacapa mank'apjjañamataqui, suma achunacapata mank'apjjañamataqui. Ucampis jumanacajj jutasinjja nayan orakejj-jja taquisipjjtawa, aca oraketsti ajjtasiyapjjaraquistawa, nayan orakejjata.

Jeremías 3:9

Jan ajjsartasaraquiw yakhampejj sarnake, uqham sarnakatapampisti aca orakerojj ñankhacharaquiwa. Nayar apanucusinsti kalanacaru uqhamaraqui kokanacaruw quillisiraqui.

Jeremías 44:4

Nayasti mayampi mayampwa nayar sirviri profetanacjja qhitanipjjäyäsma jumanacaru jan uca ajjtaña luräwinaca lurapjjañanacamata jarct'añapataqui, nayasti uca luräwinacampejj ajjtastwa.

Jeremías 7:30

Tatitusti siwa: “Judá orakenquir jakenacasti mä jan walwa lurapjje nayaru ñankhachquiri: uca ajjtascañ c'ari diosanacapwa nayar loktat templorojj uchasjjapjje, uqhamat templojja k'añuchapjje.

Ezequiel 11:18

Jupanacajj marcaparu cuttanjjasinsti, cuna ajjtascaña luräwinacatejj ucan utjqui ucanacsti k'alwa tucjapjjaraquini.

Ezequiel 11:21

Ucampisa cawquïrinacatejj uca ajjtascaña luräwinacaru chuyma churata jacapjjani ucanacarusti luräwinacapatjamwa wayt'araquï. Naya Tatituw ucjja arsta’ ” sasa.

Ezequiel 36:18

Ucatpï nayajj jupanacjjarojj colerasiñajj wartantjja, jakenacaru jiwarayapjjatapata, uqhamaraqui cunjämsa aca orakerojj k'añuchapjjänjja yakha marcanquir c'ari diosanacar quillisisajja.

Ezequiel 5:11

Naya Tatituw ucjja arsta, pachpa jacañajj-jjaruraquiw juramentompi arsta. Cunjämatejj jumanacajj nayan kollana templojja jan wali uqhamaraqui k'añu luräwinacamampi taquisipjjtajja, jichhasti nayajj jumanacarojj jan qhuyapt'ayasisaraquiw tucjjapjjäma; janipuniw jumanacatjja acch'as qhuyapt'ayascäti.

Oseas 9:7

¡Mutuyäwi urunacajj purinjjewa! ¡Luratanacamat pago catokañ urojj purinjjaraquiwa! Israelajj ucanacan puritapjja yatiraquiniwa. Jumanacasti sapjjtawa: “Profetajj pisi amuyt'an jakewa, amuyt'ayata jakesti lokheraquiwa” sasa. Ucsti sapjjtawa, ñankha lurañanacampi phokhantatäpjjatam laycu, uqhamarac uñisisiñanacamas jach'ätap laycu.

Levítico 26:30

Nayaw jumanacan yakha diosanacaru yupaychaña altaranacamjja t'unjaraquëjja, uqhamarac uca incienso loktasiña altaranacamsa payaruw t'unjaraquëjja, jumanacan jiwat janchinacamsti yakha diosanacaman jiwat janchipjjaruw liwjjataraquëjja, nayan jumanacar ajjtasitajjwa uñacht'ayapjjaraquïma,

Miqueas 2:10

Jichhajj sartasipjjam, ucatsti sarapjjaraquim, aca chekasti janiw samarañ chekäquiti; jucha lurañasti aca chekanjja sintipuniwa, ñankha lurañampisti k'ala ñusjataraquiwa.

Apocalipsis 18:6

Cuntejj jupajj mayninacaru lurcänjja uca pachpa juparojj lurapjjam, pä ucqhampiraqui luratanacapatsa cutt'ayapjjam. Cuna machjañanactï jupajj mayninacataqui waquichcän ucatjja, pä ucqhampi wali machjayiri waquichapjjam.