Jeremías 16:19 - Qullan Arunaca

¹⁹ Tata, nayar ch'am churiri, nayar arjjatiri; jan walt'añ horasajjansa nayar imirïtawa; juman ucaruw marcanacajj jutapjjani, aca orake tucusitpacha, ucatsti sapjjaraquiniwa: “Nanacan awquinacajjasti, c'ari diosanaca, jan ch'amani, jan cunatac inamaya diosanacwa herenciata catokapjjänjja.

Aymar Bibliia 1986

¹⁹ Tata, nayar ch'am churiri, nayar arjjatiri; jan walt'añ horasajjansa nayar imirïtawa; juman ucaruw marcanacajj jutapjjani, aca orake tucusitpacha, ucatsti sapjjaraquiniwa: “Nanacan awquinacajjasti, c'ari diosanaca, jan ch'amani, jan cunatac inamaya diosanacwa herenciata catokapjjänjja.

Qullan Arunaka DC

¹⁹ Tatay, nayar ch'am churiri, nayar arxatiri; jan walt'añ pachansa nayar imirïtawa; aka uraqi tukusitpach markanakax juman ukaru jutapxani, ukatsti sapxarakïtamwa: “Nanakan awkinakaxax, k'ari diosanaka, jan ch'amani, jan kunatak inamay diosanakak katuqapxäna.

Jeremías 16:19 Jak'a apnaqawi uñst'ayäwi

1 Reyes 20:23

Siria marcanquir reyirusti oficialanacapajj sapjjänwa: —Israelitanacan diosanacapasti kollunacanquir diosanacawa, ucatwa jiwasarojj atipjapjjestojja. Ucampis jiwasatejj pampana jupanacampejj nuwasiñäni ucajja, chekpachanwa atipjañäni.

Salmos 18:3

Tatay, jumaw jach'añchatäñatac asquïtajja: art'asinsma ucapachajj uñisirinacajjat khespiyista.

Salmos 19:14

Tatay, arsutajjajj jumar cusisiyquirïpan, chuymajjan lup'itapajj nayrakatamcam purinpan, jumaw imantasiñ karkajjätajja, khespiyirejjätasa.

Salmos 27:5

Jan walt'añ urunac purincan ucapachajj, Tatituw utapan imantitani; ch'iwipampiw imjjäsitani; mä karka patjjaruw sayt'ayitani,

Salmos 46:1

Diosaw imantasiñasajja, ch'amañchirisasa, jupaw chijinacan arjjatirisajja.

Salmos 46:11

¡Nuwasir taman Tatitupajj jiwasanacampïsquiwa! ¡Arjjatirisajj Jacobon Diosapawa!

Salmos 46:7

¡Nuwasir taman Tatitupajj jiwasanacampïsquiwa! ¡Arjjatirisajj Jacobon Diosapawa!

Salmos 62:2

Jupaquiw khespiyitu, arjjataraquitu. Janiw pächascäti, jupaw imantasiñajjajja.

Salmos 62:7

Diosat khespiyasïwejjampi, jach'a cancañajjampejj juti, jupaw suma thurt'at karkajjajja, juparaquiw imantasiñajjasa.

Salmos 65:3

Jucha luratanacajjajj aynacht'ayapjjetuwa, ucampis jumaw juchanacajjat pampachapjjesta.

Salmos 68:31

Munañan jakenacajj Egiptot purinipjjani, Etiopía marcajj Diosataquiw amparanacap loktapjjani.

Salmos 86:9

Tatay, jumaw takpach marcanac utjaytajja, jupanacasti nayrakatamaruw jutapjjani, jumar yupaychiri, sutimar jach'añchiri.

Proverbios 18:10

Tatitun sutipajj imantasiña jach'a torrer uñtatawa, asqui jakenacajj jupan ucar imantasiñataqui jutapqui ucanacataquejja.

Isaías 25:4

Jumajj pobrenacan arjjatiripätam laycu, qhititejj aynacht'atäqui ucarus arjjataractawa, jan walt'añanjja jumaw arjjattajja lupinsa jumaw ch'iwiñcht'aractajja. Khoru jakenacan samananacapasti thaya horasan jach'a thayar uñtatawa,

Isaías 32:2

Sapakata jupanacasti thayat imantasiñjama samaräwïniwa, jach'a mathapi thayatsti jupajj imaniwa, waña oraken uma irpañ k'awanacjama, wasaran mä jach'a kalan ch'iwipäniwa.

Isaías 44:10

Qhititejj yupaychañataqui yakha diosanac lurqui cheka diosäcaspas uqhama, uca jakejj inamayaw urunacsa apt'asi.

Isaías 44:20

Chekpachansa khellsa mank'caspa uqhamawa. Uca lurañajj c'ari amuyunacampi sallkjayasiñawa. Uca jakenacasti janiw khespiyasipcaniti. Janiraquiw amuyt'asipcanisa cunatejj jupanacan amparapan utjqui ucajj c'aricamaquïtapa.

Isaías 45:14

Tatitusti Israelarojj siwa: “Egiptonquir yapu lurir jakenacasa, Etiopianquir alaquipa jakenacasa, Sabá chekanquir jach'a jakenacasa, jumaruw alt'asipjjätam, juman esclavonacamaraquïniwa, juman khepäjjamwa cadenampi ñach'antata sarapjjani, juma nayrakatar quillt'asisinsti achict'asipjjaraquiniwa: ‘Chekpachapuniw Diosajj jumanac taypincasqui, janiw yakhajj utjquiti, janiw yakha diosajj utjquiti’ ” sasa.

Isaías 49:6

“Janiw Jacobon marcanacap sayt'ayañataquic sirvirejjäctati. Ni Israelat jilt'irinacaruquisa cuttayancätati; jan ucasti nayaw jumarojj marcanacan khanapa tucuyäma, uqhamat khespiyasiñajj aca oraket wali jaya tokenaccama apañamataqui, ucataquiw jumajj sirvirejjätajja.”

Isaías 62:2

Marcanacajj khespiyasiñamwa uñjapjjani, take reyinacaraquiw c'ajquir cancañamjja uñjapjjani. Ucapachaw jumataquejj mä machak sutejj utjani, pachpa Tatituw uca sutjja churaraquïtam.

Jeremías 10:3

Uca marcanacan iyawsäwinacapajj janiw cunataquis asquïquiti. Monten mä tronco jakonucupjje, mayni lek'eriraquiw cincelapampi lek'su,

Jeremías 10:5

Uca c'ari diosanacajj jamach'inacar sustjañataqui jake t'ejjetar uñtatäpjjewa, melonanac yapuchat yapunjama; janiw parlapcaspati, ucanacarusti k'epjjaruwayañaraquiwa, jan sarnakerïpjjatap laycu. Uca c'ari diosanacarojj jan ajjsarapjjamti, janiw qhitirus ñankhsa ni ascsa lurquiti.”

Jeremías 12:16

Jupanacaw marcajjaru Baal diosataqui juramento lurañsa yatichapjjejja, ucampisa jichhajj marcajj taypinjja utjnokasjjapjjaniwa, sititejj marcajjan Diosaparu yupaychañataqui catokapjjani, sutejjaruraqui jurapjjani sasa: ‘Tatitojj jacasquiwa’ sasa.

Jeremías 14:8

Israelan suyt'äwipa, jan walt'aña horasanacan nanacar khespiyiri, ¿cunatsa nanacataquejj mä jaya jakëcasmas uqham tucta, thaqui sarir jakejj mä jayp'u ict'awayi uqhama?

Jeremías 17:17

Jan nayataquejj ajjsarcaña tucumti, jan walt'aña horasajjansti nayan arjjatirejjätawa.

Jeremías 2:11

mä jan Diosar uñt'iri marcajj diosanacap trocatapa. ¡Uca diosanacapajj jan cheka Diosäpcchi ucasa! Ucampisa marcajjajj nayarojj apanucuwayituwa, nayasti jupanacan jach'a cancañaparaquïtwa, jan cunatac inamaya c'ari diosanac laycuquiw apanucuwayapjjetu.

Jeremías 2:8

Sacerdotenacajj janiw thakhapquitänti, marcaru yatichañataqui uscuta jakenacasti, janiw nayarojj uñt'apquitänti, jilïrinacasti nayataquiw sayt'asipjjaraqui, profetanacasti Baal diosan sutipjjaruquiraquiw parlapjje, ucatsti ina ch'usa diosanacan khepap arcapjjaraqui.

Jeremías 3:23

Kollunac pataru sarapjjatajjajj inamayaquiwa, uca kollunac patan arnakasitanacajjas inamayawa, khespiyiri Tatit Dios sapanacwa, Israelajj khespiyasiñjja jicjjatani.

Jeremías 33:9

Jerusalenasti nayataquejj cusiscañäniwa, sumana uñjata, jach'achataraqui take marcanac nayrakatana aca orakenjja. Cunapachatejj jupanacajj ist'apjjani, cuna asquinactejj Jerusalenanquir jakenacjjaru apancä uqhamaraqui jach'aptañanacsa, churcäjja ucapachan uca yakha marcanacajj ajjsarañat qhathatipjjani.”

Jeremías 4:2

sutejj-jja aytasiraquismawa juramento chekaparu lurasa, asquiru uqhamaraqui khanarusa. Sutejjasti marcanacataquejj asquïniwa, yupaychcañaraquïniwa” sasa.

Ezequiel 11:16

Jichhajj jupanacarojj saraquim: ‘Naya Tatitojj jayaruw jupanacjja apanucta, yakha jaya marcanac taypiruw willitataracta, ucampisa ucajj mä juc'a pachanacataquiquiraquïniwa. Naya quipcaraquiw jupanacataquejj mä santuario tucuraquï uca cawqui marcanacarutejj sarapcani ucanjja.’

Joel 3:16

Cunapachatejj Tatitojj jach'a arupa Sión kolluna, uqhamarac Jerusalenan ist'asiyi ucqhajja, alajjpachas, acapachas qhathatiwa. Ucampis Tatitojj israelitanacan arjjatiripawa, jupanacajj marcapäpjjatap laycu.

Amós 2:4

Aqham siw Tatitojja: “Judá marcanquir jakenacajj wali ñankhanacpuni lurapjje, ucasti janiw jan mutuyatäpcaspati, Tatitun yatichäwinacapjja janiw catokapquiti, ni leyinacaps phokhapcaraquiti, jan ucasti cawquïr yakha diosanacarutejj awquinacapajj yupaychapcäna uca pachparuquiraquiw yupaychasipqui.

Nahúm 1:7

Tatitojj wali suma Diosawa, llaquisiñ horasansti arjjatasiriraquiwa; jupasti arjjataraquiw qhitinacatejj jupar iyawsapqui ucanacarojja.

Habacuc 3:19

Tatituquiw ch'ama churitu, cayunacajjarusti tarujan t'ijtañapwa churaraqui, alto chekanacaruraquiw irpitani, ucanwa khespiyata jicjjatasëjja.”

Zacarías 2:11

Cunapachatejj ucajj pasani ucqhajj walja marcanacaw Tatituru jakcattapjjanejja. Jupasti saraquiniwa: “Aca marcanacasti marcajjaraquïnwa. Nayasti ucqhajj jumanac taypinwa jacaraquëjja.” Uqhamatwa amuyapjjanejja take ch'amani Tatitu nayar qhitanitapjja.

Malaquías 1:11

Take acapach orakenwa nayarojj jach'añchapjjetu, uqhamaraquiwa take chekanacan incienso naqhayapjje nayar jach'añchasa, ucatsti k'oma ofrendanacrac loktapjjetu.

Romanos 1:25

Diosan cheka cancañapar jan iyawsasina, cunatejj c'arïqui ucar jaysapjjatap laycu. Ucatsti cuntejj Diosajj lurcatayna ucanacaruquiw yupaychapjje Diosar yupaychañat sipansa. Chekpachansa Diosaquiw wiñayataqui yupaychatäñapajja. Uqhamäpan.

1 Pedro 1:18

Diosasti jumanacarojj khespiyanipjjtamwa uca ina ch'usa jacaña nayra awquinacamata catokapcta ucata. Jumanacasti sumwa yatipjjaractajja uca khespiyasiñajj janiw tucusir korimpis kollkempis alatäquiti,

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.