Jeremías 16:19 - Qullan Arunaka DC

¹⁹ Tatay, nayar ch'am churiri, nayar arxatiri; jan walt'añ pachansa nayar imirïtawa; aka uraqi tukusitpach markanakax juman ukaru jutapxani, ukatsti sapxarakïtamwa: “Nanakan awkinakaxax, k'ari diosanaka, jan ch'amani, jan kunatak inamay diosanakak katuqapxäna.

Aymar Bibliia 1986

¹⁹ Tata, nayar ch'am churiri, nayar arjjatiri; jan walt'añ horasajjansa nayar imirïtawa; juman ucaruw marcanacajj jutapjjani, aca orake tucusitpacha, ucatsti sapjjaraquiniwa: “Nanacan awquinacajjasti, c'ari diosanaca, jan ch'amani, jan cunatac inamaya diosanacwa herenciata catokapjjänjja.

Qullan Arunaca

¹⁹ Tata, nayar ch'am churiri, nayar arjjatiri; jan walt'añ horasajjansa nayar imirïtawa; juman ucaruw marcanacajj jutapjjani, aca orake tucusitpacha, ucatsti sapjjaraquiniwa: “Nanacan awquinacajjasti, c'ari diosanaca, jan ch'amani, jan cunatac inamaya diosanacwa herenciata catokapjjänjja.

Jeremías 16:19 Jak'a apnaqawi uñst'ayäwi

1 Reyes 20:23

Ukchañkamasti, Siria markan jilïrinakapax reyiparux sapxänwa: —Israelitanakan diosanakapax qullunakankir diosanakawa, ukat jiwasarux atipjapxistu. Ukampis jiwasanakatix jupanakampi pampan nuwasiñäni ukaxa, atipjapuniñäniwa.

Salmos 18:3

3 (4) Tatay, jumaw jach'añchatäñatak askïtaxa: art'asinsma ukapachax uñisirinakaxat qhispiyista.

Salmos 19:14

14 (15) Tatay, arsutaxasa, chuymaxan lup'itapas jumar kusisiykirïpan, Tatay, nayan qhispiyirixa, imantasiñaxa.

Salmos 27:5

Jan walt'añ urunak purinkan ukapachaxa, Tatituw utapan imantitani; ch'iwipampiw imxäsitani. ¡Mä qarqa patxarjamaw sayt'ayitani!

Salmos 46:1

1 (2) Diosaw imantasiñasaxa, juparakiw ch'amañchirisasa, jupaw chijinakan arxatirisaxa.

Salmos 46:11

11 (12) ¡Taqi ch'aman Tatitux jiwasampïskiwa! ¡Arxatirisax Jacobun Diosapawa!

Salmos 46:7

7 (8) ¡Taqi ch'aman Tatitux jiwasampïskiwa! ¡Jacobun Diosapaw arxatirisaxa!

Salmos 62:2

2 (3) Jupakiw qhispiyitu, arxatarakitu. Janiw pächaskäti, jupaw imantasiñaxaxa.

Salmos 62:7

7 (8) Diosaw qhispiyirixaxa; jach'a kankañaxas jupat juti; jupaw arxatirixaxa, juparakiw imantasiñaxasa.

Salmos 65:3

3 (4) Jucha luratanakaxaw aynacht'ayapxitu, ukampis jumaw juchanakaxat pampachapxista.

Salmos 68:31

31 (32) Munañan jaqinakax Egiptot purinipxani, Etiopía markax Diosatakiw amparanakap luqtapxani.

Salmos 86:9

Tatay, jumaw taqpach markanak utjaytaxa, jupanakasti jumar yupaychiri, sutim jach'añchiriw jutapxani.

Proverbios 18:10

Tatitun sutipax jach'a pukarar uñtatawa, uka tuqiruw aski jaqinakax qhispiyasiñatak jalapxi.

Isaías 25:4

Jumax jan kunaninakaruw arxattaxa, khititix aynacht'atäki ukarus arxataraktawa, jan walt'añan jumaw arxattaxa lupinsa jumaw ch'iwiñcht'araktaxa. Qhuru jaqinakan samanapasti thaya pachan jach'a thayar uñtatawa,

Isaías 32:2

Uñisirinakapar arxatañatakiw sayt'asipxani, jan wali urunakat imañataki, ñanqha luräwinakat imañataki.

Isaías 44:10

Khititix yupaychañataki mä dios lurki chiqa diosäkaspas ukhama uka jaqixa, inamayaw urunaksa apt'asi.

Isaías 44:20

Chiqpachansa, qhillsa manq'apkaspa ukhamawa. Uka lurañax k'ari amuyunakampi sallqjayasiñawa. Uka jaqinakasti janiw qhispiyasipkaniti. Kunatix amparanakapan utjki ukax k'arikamakïtapsa janiw amuyapkaniti.

Isaías 45:14

Tatitusti Israelarux siwa: “Egiptonkir yapu lurir jaqinakasa, Etiopiankir alakipa lurir jaqinakasa, Jabá chiqankir jach'a jaqinakasa, jumatakiw alt'asipxani, juman t'aqhisiyat jaqinakamäniwa, juman qhipamarak cadenampi ñach'antat sarapxani, juma nayraqatar killt'asisinsti sapxaniwa: ‘Chiqpachapuniw Tatitux jumanak taypinkaski, janiw yaqha diosax utjkiti” sasa.

Isaías 49:6

“Nayax Israel markan ayllunakapar tantacht'iriw khitsma, markapar kuttayanxiriw khitsma. Ukampis uka luräwix juk'akïspawa. Ukatpï jumarux markanakan qhanapar tukuyämaxa, qhispiyasiñaxsa aka uraqi tukusin utjkis uka markanakar apañamataki.”

Isaías 62:2

Markanakax qhispiyasiñam uñjapxani, reyinakasti k'ajkir kankañam uñjapxani. Ukapachaw jumatakix mä machaq sutix utjani, pachpa Tatituw uka suti churätam.

Jeremías 10:3

Uka markanakan iyawsäwinakapax janiw kunatakis askïkiti. Ch'umi taypin mä quqa jaqunukupxi, uka quqatsti ídolo luririw sum lursuski,

Jeremías 10:5

Uka idolonakax melonanak yapuchat taypin, jamach'inakar sustjañatak jaqi t'ixitar uñtatäpxiwa; ukanakax janiw parlapkiti, janirakiw sarnaqapkisa, ukat ukanakarux q'ipnaqañax wakisi. Ukanakar jan axsarapxamti, janiw khitirus kuna ñanqhsa, asksa lurkiti.”

Jeremías 12:16

Jupanakaw markaxarux Baal diosatak juramento lurañsa yatichapxäna, ukampis jichhax markax taypin utjnuqapxaspawa, ukampis jupanakax nayan yatichäwinakaxaruw jaysapxañapa, ukatsti nayan sutixar juramento lurañ yatiqapxañaparaki: ‘Tatitux jakaskiwa’ sasa.

Jeremías 14:8

Israelan suyt'äwipa, jan walt'añanakan nanakar qhispiyiri, ¿kunatsa nanakatakix mä jaya jaqïkasmas ukham tukta, thakhi sarir jaqix mä jayp'uki ikt'awayi ukhama?

Jeremías 17:17

Janiy nayatakix axsarkañ tukumti, jan walt'añanakaxansti nayan arxatirixätawa.

Jeremías 2:11

Diosar jan uñt'ir mä markan diosanakap apanukutapa, uka diosanakapax jan chiqa diosäpkchi ukasa. Ukampis markaxax nayarux apanukuwayituwa, nayax chiqpach Diosäkta ukasa, jan kunatak inamay idolonak laykukiw apanukuwayapxitu.

Jeremías 2:8

Sacerdotenakax janiw thaqhapkituti, markaxar yatichañatak uskuta jaqinakasti, nayar jan uñt'iriw tukupxi, jilïrinakax nayatakiw sayt'asipxi, profetanakasti Baal diosan sutipxarukiw parlapxi, ukatsti uka k'ari diosanakan qhipap arkapxi.

Jeremías 3:23

Qullunak pataru sarapxataxax inamayawa, uka qullunak patan arnaqasitanakaxas inamayakiwa, juma Tatit Dios sapanak qhispiyasiñ jikxatapxä.

Jeremías 33:9

Jerusalén markasti nayatakix kusiskañäniwa, yaqha markanakatakis suman uñjata, jach'achat markäniwa. Kunapachatix Jerusalén markar askinak nayan churatax ist'apkani ukkhasti, uka markanakax axsarañat khathatipxani.”

Jeremías 4:2

Kunapachatix nayan sutixar juramento luräta ukkhasti, nayampisa, taqinimpisa chiqa chuymampi luram. Ukhamat jumar munatax layku, taqi markanakarux askinakax churarakï, uka markanakasti nayaruw yupaychapxarakitani” sasa.

Ezequiel 11:16

Jichhax Babilonian jakir israelitanakarux sarakim: ‘Naya, Tatitux jayaruw jupanak apanukta, yaqha jaya markanak taypiruw ananukta, ukampis ukax mä juk'a urunakatakikïniwa. Ukhamarus uka jaya markanakan nayarux yupaychapxarakitaspawa.’

Joel 3:16

16 (16) Uka urun Tatitux Sión qulluta, Jerusalenatpach art'atap ist'asiyani, ukkhasti, alaxpachas, akapachas khathatiniwa. Ukampis israelitanakarux Tatitun markapätapatxa, arxataniwa.

Amós 2:4

Tatitux akham siwa: “Judá markankir jaqinakax walja ñanqhanak lurapxi, ukat jupanakarux mutuyarakï; Tatitun yatichäwinakap janiw katuqapkiti, janirakiw kamachinakaparus phuqhapkiti, jan ukasti kawkïr yaqha diosanakarutix awkinakapax yupaychapkän ukanakaruw yupaychapxi.

Nahúm 1:7

Tatitux wali suma Diosawa, llakisiñanakan arxatasiriwa; jupar alkatirinakarux arxatarakiwa.

Habacuc 3:19

Tatitukiw ch'am churitu, kayunakaxarusti tarujan t'ijtañap churitu, alay chiqanakanjamarak irpitu, ukan qhispitäñaxataki.

Zacarías 2:11

11 (15) Kunapachatix ukhamäni ukkhaxa, walja markanakaw Tatituru jaqkattapxani. Jupasti sarakiniwa: “Aka markanakasti nayan markaxarakïniwa. Nayasti ukkhax jumanak taypin jakarakï” sasa. Ukhamat jumanakax amuyapxäta taqi ch'amani Tatitun nayar khithanitapa.

Malaquías 1:11

Taqi akapach uraqin nayarux jach'añchapxitu, taqi chiqanakan nayar jach'añchasax incienso q'aphiyapxi, ukatsti q'uma waxt'äwinakarak luqtapxitu.

Romanos 1:25

Diosan chiqa kankañap lantix k'arisiñ thaqtapxäna, ukatsti kuntix Diosax lurkatayna ukanakaruw jach'achapxäna, yupaychapxarakïna, janiw kipka lurir Diosar jach'añchapkänti, jupaw wiñayatak jach'achatäñapa. Ukhamäpan.

1 Pedro 1:18

Tatitusti, jumanakarux nayra awkinakamat katuqapkayäta uka ina ch'usa jakañatsa qhispiyapxtamwa. Jumanakax sum yatipxtaxa, uka qhispiyasiñax janiw tukusir qurimpis qullqimpis alatäkiti,

Apocalipsis 11:15

Paqallqür angelasti trompetap phust'äna, ukatsti alaxpachan jach'at art'asir arunakaw ist'asïna: “Akapach markanakax Tatit Cristosaruw jaqkattxapxi, jichhax jupaw wiñayan wiñayapatak marka apnaqani” sasa.