Jeremías 16:16 - Qullan Arunaca

¹⁶ Tatitusti saraquiwa: “Walja caturinacwa nayajj qhitanï, israelitanacaru caturapjjañapataqui. Walja jiwarayirinacwa qhitaniraquï israelitanacaru caturapjjañapataqui, take kollunac toketsa, uqhamaraqui karka p'iyanacatsa wayuraniñapataqui take israelitanacaru.

Aymar Bibliia 1986

¹⁶ Tatitusti saraquiwa: “Walja caturinacwa nayajj qhitanï, israelitanacaru caturapjjañapataqui. Walja jiwarayirinacwa qhitaniraquï israelitanacaru caturapjjañapataqui, take kollunac toketsa, uqhamaraqui karka p'iyanacatsa wayuraniñapataqui take israelitanacaru.

Qullan Arunaka DC

¹⁶ Tatitusti sarakiwa: “Nayax walja uñisirinak khithanï, jupanakaw israelitanakar katurapxani. Ukatsti israelitanakar katurapxañapatakix jiwarayirinak waljani khithanirakï, jupanakaw taqi israelitanakarux qullunak tuqita, qarqa p'iyanakat wayuranipxani.

Jeremías 16:16 Jak'a apnaqawi uñst'ayäwi

Génesis 10:9

Nimrodasti pampanquir animalanac jiwayirïnwa Tatitun munañapatjja. Ucatpï aca säwejj jutejja: “Tatitun munañapatjja, Nimrodjam pampanquir animalanac jiwayiri” sasa.

Isaías 2:21

Jakesti uca urojj karka p'iyanacaruw mantjjapjjani, jach'a karka p'iyanacaruraqui, Tatitun ajjsarcañ nayrakatapat imantasjjañataqui, jach'a cancañapan wal khanatapata, cunapachatejj jupajj sartani ucat aca orakerusti ajjsarañampi phokhantcani uca urojja.

Isaías 7:19

Take jupanacasti jach'a k'awa mankhanacan utjiriw jutapjjani, uqhamaraqui jach'a karka p'iyanacansa, take ch'aphi alinac taypinsa, uqhamaraqui uywa umaña chekanacansa.

Jeremías 25:9

Jichhajj amsta tokenquir take marcanacaruw jawsayä, uqhamaraqui Nabucodonosor sirvirejjarusa, jupasti Babilonia oraken reyipawa, jupanacajj jutasin aca marcaru nuwjapjjañapataqui, take jakenacaru uqhamaraqui take jac'anquir marcanacarusa. Ucanacarusti k'alpunwa t'unjäjja. Jupanacarusti wiñayataqui t'unjataruw tucuyä, sustjascaña, ajjsarcañwa tucuyaraquëjja.

Jeremías 4:29

Caballonacar lat'jjatat jutapqui, uqhamaraqui flechanacapa apt'ata jutapqui ucanacan arnakasitanacaparusti, take jakenacaw jalacamaqui chhucsuwayjjapjje; pastonac taypiruw imantasipjje, karkanacaruw jat'stapjjaraqui. Take marcanacasti k'ala apanucutawa; janiraquiw mä sapa jakes ucanacanjja jacjjapjjeti.

Jeremías 49:5

Jichhajj waliquiwa, nayaw jumanacjjarojj jan walt'añanac take toket apayanï. Naya take ch'amani Tatituw ucjja arsta. Jumanacatjja sapa mayniw jalacamaqui mistuwayjjapjjani, janiw jumanacaru qhiti tantachthapiris utjcaraquiniti.

Jeremías 6:9

Take ch'amani Tatitusti siwa: “Cawquïri israelitanacatejj kheparcani ucanacarusti k'ala thaksutäniwa, cunjämatejj mä uva alinjja layminacajj thaksutajj uqhama, uca alina jan mä sapa uva achus kheparañapataqui uqhama” sasa.

Lamentaciones 4:18

Take sartäwinacaswa uñch'uquipjje, janiraquiw ankarus mistuñjamäquiti, tucusïwisasti jac'ancjjewa, horasajj purinjjestuwa; ¡tucjatäñasajj purinjjewa!

Lamentaciones 4:19

Jiwasar arcnakerinacasti alajjpacha jach'a pacanacat sipansa juc'ampi jaltirïpjjewa; kollunacanwa arcnakestu, ¡wasaransti sipitanaca jiwasataquejj uchantaraqui!

Oseas 10:10

Cunapachatejj nayajj muncä ucqhaw aca marcarojj mutuyaraquëjja, marcanacasti jupa contraraquiw sayt'asipjjani cunapachatejj nayajj jupanacaru jan wali luratapat mutuycä ucqhajja.

Amós 4:2

Kollanätap laycuw Tatit Diosajja juramentompi arsuwayi. “Ganchonacamp catuntata apapcätam uca urojj jutasquiwa; wawanacamas ansuelompi catuntataraquïniwa.

Amós 5:19

Cunjämatejj mä jakejj leonan nayrakatapat jaltcasajj mä osompi jalthapejja, uqhamäniwa, jan ucajj, maynejj utaparu mantasina perkaru catt'asi, ucatsti juparojj mayac catarejj achji, uqhamäniwa.

Miqueas 7:2

Aca orakensti janiraquiw mayni jakes utjcjjeti cheka sarirejja ni Diosatacjamasa; takenis nuwasiñampi lurañ horasacwa suyt'asipqui; maynit maynicamaraquiw aynacht'ayasisipqui.

Sofonías 1:12

“Uca urunacanjja mä lamparampiw Jerusalén marcarojj uñaquiparaquï. Ucatsti mutuyaraquïwa cawquïri jakenacatï juchanacapan chhaktata inaqui kamasipqui, chuymanacapansti sapjjaraqui: ‘¡Janiw Diosajj walsa jan walsa lurcaniti!’ sasa.

1 Samuel 24:11

“Wali sum uñtanim, jach'a rey, cuna apt'atäctejj uca. Acasti capaman puntapawa, qhitirutejj nayajj chekpachansa jiwayquiriscäyäta ucana. Ucampisa jichhajj jumajj, jach'a rey, amuyasimaya, nayajj chekpachapuni jan cuna ñankha lurañsa, ni jamasat lurañsa, uqhamarac reyir jan ist'añsa nayan janipuni amtatajja. Ucampisa jach'a reyejj nayarojj jiwayañataquiw arcanakascaquitu.

1 Samuel 26:20

Janiw nayajj munquiristti wilajjajj Tatitun nayrakatapat jayan wartatäñapa, ucampisa jach'a munañani reyejj mä jisc'a c'utirjamaw thakheri mistunitojja, kollu tokenacansti mä p'isakar uñtataraquiw arcnaketojja —sasa.