Jeremías 16:16 - Qullan Arunaka DC

¹⁶ Tatitusti sarakiwa: “Nayax walja uñisirinak khithanï, jupanakaw israelitanakar katurapxani. Ukatsti israelitanakar katurapxañapatakix jiwarayirinak waljani khithanirakï, jupanakaw taqi israelitanakarux qullunak tuqita, qarqa p'iyanakat wayuranipxani.

Aymar Bibliia 1986

¹⁶ Tatitusti saraquiwa: “Walja caturinacwa nayajj qhitanï, israelitanacaru caturapjjañapataqui. Walja jiwarayirinacwa qhitaniraquï israelitanacaru caturapjjañapataqui, take kollunac toketsa, uqhamaraqui karka p'iyanacatsa wayuraniñapataqui take israelitanacaru.

Qullan Arunaca

¹⁶ Tatitusti saraquiwa: “Walja caturinacwa nayajj qhitanï, israelitanacaru caturapjjañapataqui. Walja jiwarayirinacwa qhitaniraquï israelitanacaru caturapjjañapataqui, take kollunac toketsa, uqhamaraqui karka p'iyanacatsa wayuraniñapataqui take israelitanacaru.

Jeremías 16:16 Jak'a apnaqawi uñst'ayäwi

Génesis 10:9

Tatitun munañapatxa, Nimrod chachax pampankir animalanak jiwayirïnwa. Ukatpï aka arsüwix jutixa: “Nimrod chachjam Tatitun munañapat pampankir animalanak jiwayiri” sasa.

Isaías 2:21

Tatitux sartkani, aka uraqir axsarañampi phuqhantkani uka uruxa, qarqa p'iyanakaru, jach'a qarqa manqhanakaruw imantasiñatak mantxapxani, Tatitun axsarkañ nayraqatapata, jach'a kankañapan wal qhanatapat imantasxapxani.

Isaías 7:19

Taqi jupanakasti jach'a q'awa manqhanakana, jach'a qarqa p'iyanakan utjantasipxani, Ch'umi ch'aphinak taypina, uywa umt'aña chiqanakan utjantasipxani.

Jeremías 25:9

jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Jeremías 4:29

Caballonakar lat'xatat jutapki, mich'inakap apt'at jutapki ukanakan arnaqasitaparusti, taqi jaqinakaw jalakamak chhuksuwayxapxi; ch'uminak taypiruw imantasipxi, qarqanakaruw jat'stapxaraki. Taqi markanakasti q'ala apanukutawa; janirakiw mä sapa jaqis ukanakan jakkxiti.

Jeremías 49:5

Jichhax walikiwa, nayaw jumxarux jan walt'añanak taqi tuqit apayanï. Naya, taqi ch'aman Tatituw uk arsta. Jumanakasti aka chiqat jaqunukutaw uñjasipxäta, janirakiw jaltxirinakar khiti tantacht'iris utjkxaniti.

Jeremías 6:9

Taqi ch'aman Tatitux siwa: “Kawkïr israelitanakatix qhiparkani ukanakarux q'ala thaqsutäniwa, kunjämatix uva alin layminakapax thaqsutäki jan mä sapa uva achus qhiparañapataki ukhama” sasa.

Lamentaciones 4:18

Jiwasan sartäwinakasas uñch'ukitawa; janiw anqarus mistuñjamäkiti. Tukusïwisax jak'ankxiwa, pachax purinxistuwa; ¡tukjatäñasax purinxiwa!

Lamentaciones 4:19

Jiwasar arknaqirinakasti alayan tuyur pakanakat sipan juk'amp jaltirïpxiwa; qullunak tuqinakan arknaqistu, ¡wasar tuqinakansti sipitanak jiwasatak uchantapxaraki!

Oseas 10:10

Kunapachatix nayax munkä ukkhaw aka markarux mutuyä, jan wali luratapat mutuykä ukkhaxa, yaqha markanakasti jupatakiw sayt'asipxani.

Amós 4:2

Tatitux qullan kankañapan juramentompiw arsu: “Chinuñanakampi chinuntat apapkätam uka urux jutaskiwa; wawanakamas chawlla katuñampi katuntat apatäpxaniwa.

Amós 5:19

Kunjämatix mä jaqix leonan nayraqatapat jaltkasax mä osompirak jalthapki ukhamäniwa, jan ukax, maynix utapar mantasin amparap pirqar aykatasa katarimpi mich'intayaski ukhamäniwa.

Miqueas 7:2

Aka uraqinxa janiw maynis Diosatakjam chiqap sarnaqirix utjkxiti; taqinis nuwasiñampi jiwarayasiñampik suyt'asipki; maynit maynikamarakiw aynacht'ayasisipki.

Sofonías 1:12

“Uka urunakanxa, Jerusalén markarux mä qhanampi qhant'ayasaw uñakipäxa. Kawkïr jaqinakatix jucha luratanakapat jan amthapisis qamasisipki ukanakarux mutuyäwa, chuymanakapansti sapxaraki: ‘¡Janiw Tatitux walsa jan walsa lurkaniti!’ sasa.

1 Samuel 24:11

11 (12) “¡Jach'a munañan rey, kunatix amparaxankki uk uñjam! Naya pachpaw isimat mä jisk'a khuchhuqta. Ukampix jumax munañan rey amuyxasmaw janiw nayax jiwayañ munksmati, janirakiw juma reyirux kuna jan walsa lurksmati. Ukampis jumax, jiwayañatakiw nayar arknaqista.

1 Samuel 26:20

Janiw nayan wilaxax Tatitun nayraqatapat jayan wartatäñap munkiristti, ukampis juma jach'a munañan reyix nayar jiwayañatakix mä jisk'a k'utirjama, qullunakankir mä p'isaqarjamaw arknaqista —sasa.