Éxodo 6:6 - Qullan Arunaca

⁶ Jichhasti saram, israelitanacarojj aqham sätawa: ‘Naya Tatituwa khespiyapjjäma t'akhesis sirviñata, uqhamarac egipcionacajj sinti ch'ama irnakañanaca churapctam ucatsa, jach'a ch'amajja uñacht'ayasa, uqhamarac cheka asqui cancañajjampi.

Aymar Bibliia 1986

⁶ Jichhasti saram, israelitanacarojj aqham sätawa: —Naya Tatituwa khespiyapjjäma t'akhesis sirviñata, uqhamarac egipcionacajj sinti ch'ama irnakañanaca churapctam ucatsa, jach'a ch'amajja uñacht'ayasa, uqhamarac cheka asqui cancañajjampi.

Qullan Arunaka DC

⁶ Ukhamasti saram, israelitanakar akham sarakim: “Naya Tatituw t'aqhisitanakamat qhispiyapxäma, sinti ch'ama lurañanak jumanakar egipcionakan lurayatapatsa qhispiyapxarakïma. Jach'a ch'amax uñacht'ayä, chiqa aski kankañaxampiw qhispiyapxäma.

Éxodo 6:6 Jak'a apnaqawi uñst'ayäwi

1 Reyes 8:42

aca templomana oración lurañataqui ucqhajja (jupanacajja ist'apjjaniwa juman jach'a sutimata parliri, uqhamarac ch'amamampi luratamatsa),

2 Reyes 17:36

Jan ucasti naya Tatit Diosamaruwa yupaychapjjetäta, qhititejj Egipto marcata apsunipctam wali jach'a ch'amampi. Naya saparuquiwa yupaychapjjetäta sacrificionaca loktasina.

1 Crónicas 17:21

Ucampis Israel marcamatjja, ¡janiw yakhajj utjquiti, aca orakenjja aca marcaquiw utjejja! Jumaraquiw, Dios, khespiytajja juman marcamäñapataqui, ucatsti jach'aruraquiw uñt'ayastajja, muspharcaña jach'a luräwinaca lurasina. Marcama nayrakatanjja jumawa apanuctajja yakha marcanacaru, Egiptot cutsuyascta uca marcamarojja,

Nehemías 1:10

“Nanacawa juman uywatanacamäpjjta, uqhamarac marcamasa, qhitinacarutejj jach'a ch'amamampi, jach'a luräwinacampi khespiyapjjestajja.

Salmos 77:16

Diosay, lamar kotajj jumar uñjasajj qhathatïnwa, mathapinacapasti ajjsarthapïnwa,

Salmos 81:11

“Marcajjasti janiw ist'añ munquitänti; Israel marcajj janiw jaysañ munquitänti.

Salmos 81:6

“Jathintir k'epim callachimat apakjjsma, ch'ama tucuñ lurañamat samart'aysma.

Salmos 81:7

Llaquisiñaman jawsista, nayasti khespiysmawa, khejjoker kenay taypitpach nayajj jaysansma, Meriba phuju jac'an yant'sma.

Éxodo 1:11

Ucatsti egipcionacajj lurayirinacwa israelitanac taypiru uchapjjäna wali ch'ama irnakañanaca lurayapjjañapataqui. Israelitanacarusti Pitón, uqhamarac Ramsés sat marcanacwa lurayapjjäna ucaru Egiptonquir Faraón reyejja juyranacapa imañapataqui.

Éxodo 12:41

Uca pusi pataca quimsa tuncani marajj phokhasqui uca uruwa Tatitun take ejercitopajj Egipto marcat mistsuwayjjapjjäna.

Éxodo 12:51

Uca urpachawa Tatitojj Egipto marcata israelitanacarojj apsunïna mä ejercitöcaspas uqhama.

Éxodo 13:14

Ucampisa khepärmanthitejj wawanacamajj jisct'apjjätam: ‘¿Cunatsa aqham lurapjjta?’ sasa, ucqhajja sapjjätawa: ‘Tatituw ch'amapampi Egipto marcana t'akhesis jacañatjja apsunipjjetu.

Éxodo 13:16

Ucampis aqhama lurañajja amparanacamaru, uqhamarac para patanacamaruw mä unancha apapjjäta, ucatsti aca fiesta lurapcäta ucqhajja amtayapjjätamwa Tatitojj ch'amapampi Egipto marcat jumanacaru apsunitapa.’ ”

Éxodo 13:3

Ucatsti Moisesajj israelitanacarojj sänwa: “Aca urutjja amtasipjjapunïtawa, aca uruwa Tatitojj ch'amapampi Egiptota apsunipjjtam, cawqhantejj t'akhesipcäyäta ucatjja. Uca laycusti janipuniwa levaduran t'ant'a mank'apjjätati.

Éxodo 15:13

Ucampis aca marcamar jumatac khespiyasasti, wiñay munasiñampiw irptajja. Ch'amamampiraquiw kollan utjäwimarojj irparactajja.

Éxodo 16:6

Ucatsti Moisesampi, Aaronampejj, israelitanacarojj sapjjänwa: —Jayp'uruw yatipjjäta Tatitojj jumanacaru Egiptota apsunitapa.

Éxodo 18:1

Moisesan Jetro sat awcch'ipajj Madián orakenjja sacerdotënwa, jupasti yatïnwa cuntejj Diosajj Moisesataqui, uqhamarac Israel marcataquis lurcän ucjja. Uqhamarac yatiraquïnwa Tatitojj Egiptota apsunitapa.

Éxodo 2:11

Moisesasti wali waynäjjänwa, ucatsti mä urojja marca masinacap uñjiriw saräna, ucampis cawqhantejj irnakapcäna ucar jicjjatasinjja uñjänwa, jupanacajj ch'ama irnakañanacana wali t'akhesiñampi lurasipcatapa. Uqhamarac uñjaraquïnwa mä egipciojja maynïr marca masiparu nuwjasquiri.

Éxodo 3:17

Ucatsti nayajj amttwa Egipto marcan t'akhesiñata khespiyasa, cananeonacana, hititanacana, amorreonacana, ferezeonacana, heveonacana, jebuseonacana, orakenacaparu apjjaña cawqhantejj lechesa, misq'isa umjama jalasqui uca orakeru’ sasa.

Éxodo 3:8

Ucatwa nayajj jutta egipcionacana amparapata marcajjar khespiyasa mä jach'a suma orakeru apjjañataqui, cawqhantejj lechesa, misq'isa umjam jalasqui ucaru. Uca orakenacansti cananeonaca, hititanaca, amorreonaca, ferezeonaca, heveonaca, jebuseonaca, ucanacaw jacapjje.

Éxodo 32:11

Ucat Moisesajj Tatitu Diosaparuw mayïna aqham sasa: —Tatitu, ¿cunatsa colerasïta jakenacamataquejja? Juma pachpajjay Egipto marcatjja irpsunstajja jach'a ch'amamampi, uqhamarac jach'a cancañamampejja.

Éxodo 6:2

Diosasti Moisesar parlasinjja sänwa: —Nayätwa TATITOJJA.

Éxodo 6:29

saraquïnwa: —Nayätwa Tatitu Diosajja. Jichhasti Egiptonquir faraón reyiru cuntejj nayajj siscäma ucanaca yatiyanim.

Éxodo 6:8

Uqhamaraquiw irpapjjäma cawqha oraktejj Abrahamaru, Isaacaru, Jacoboru churañatac arscäyäta ucaru. Ucatsti naya Tatituwa uca orakjja jumanacarojj dueño orakenacamataqui churapjjäma’ sasa.

Éxodo 7:4

Faraonasti jumanacarojj janiw ist'añ munapcätamti, ucampis nayawa Egiptjjarojj ch'amajj uñacht'ayäjja, ucatsti jach'a muspharcañ cheka luräwinaca uñacht'ayasaraqui, nayaw Israel ejército marcajjaru Egiptot apsuniraquëjja.

Éxodo 7:5

Cunapachatejj Egiptjjaru ch'amajj uñacht'ayasa Israel marcajjaru uca marcat apsuncäjja, ucqhawa egipcionacajj yatipjjani nayana cheka Tatitu Diosätajja —sasa.

Isaías 9:12

Inti jalsu toketjja, sirio jakenaca, inti jalanta toketsti filisteo jakenacaraqui. Mayac Israelarojj okontjjapjje, ucampisa Tatitun colerasiñapajj janiw apartquiti, jichhas jupajj ajjsarayascaquiwa.

Isaías 9:17

Ucatwa Tatitojj waynanacatjja jan qhuyapt'ayasquiti, uqhamaraqui wajchanacatsa, ijma warminacatsa janiw qhuyapt'ayasquiti. Take aca marcpachasti sinti jach'a juchanac luriri ñankhacamaquiwa, takenis jan wali ñankha arunacac parlasipqui. Ucampisa Tatitun colerasiñapajj janiw apartquiti, jichhas jupajj ajjsarayascaquiwa.

Isaías 9:21

Manasesajj Efrainaruw tucji, Efrainasti Manasesaruraqui, panpachanisti Judá marca contraraquiw jutantapjje. Ucampis Tatitun colerasiñapajj janiw t'acurquiti, jichhas jupajj ajjsarayascaquiwa.

Jeremías 21:5

Naya quipcaw jumanacat nuwasiraquï, wali jach'a ch'amampi, jach'a akquiri colerasiñajjampi, uqhamaraqui jach'a colerasiñampi.

Jeremías 27:5

Nayaw jach'a ch'amajjampi aca orakjja lurta, uqhamaraqui jakenacsa, take animalanacsa, ucatsti qhitirutejj nayajj muncta ucarus churaquiraquiristwa.

Jeremías 32:21

Israel marcamarusti jumaraquiw Egipto marcat jach'a ch'amamampi apsuntajja, milagronac lurasa, uqhamaraqui uñacht'äwinac uñacht'ayasa, takenirusa ajjsarañampi phokhantasaraqui.

Ezequiel 20:33

Naya Tatituw jacañajj laycu juramentompi arsta, jach'a ch'amajjampi, jach'a colerasiñajjampiw jumanacarojj jichhajj apnakapjjäma.

Hechos 13:17

Israel marcan Diosapajj jiwasan nayra awquinacasaruw ajllïna. Jupanacarusti mä jach'a marcaruraquiw tucuyi, cunapachatejj jupanacajj qhuri Egipto marcancapjjäna ucqhajja. Uca oraketjja ch'amapampiraquipï apsunejja.

Deuteronomio 11:2

Uñt'apjjam jichhüruna Diosaman yatichäwinacapjja, cawquïrtejj wawanacamajj jan uñt'apqui ni uñjapcaraquisa. Sum uñjapjjaraquim jach'a cancañapa uqhamaraqui ch'amapsa.

Deuteronomio 15:15

Janirac Egipto marcan esclavo sarnakatamjja armasimti, ucatsti Tatitu Diosamaw khespiyaniractam. Ucatwa jichhajj jumaru aca ewjjanaca chursma.

Deuteronomio 26:8

Ucatsti Diosajj jach'a ch'amapwa uñacht'ayäna uqhamaraqui jach'a unanchanacampi, ajjsarcañ luräwinacampiw Egipto marcatjja irpsunipjjetu,

Deuteronomio 4:23

Ucampis amuyasipjjam janirac armasipjjamti cuna suma arust'äwirutï Diosampi mantapcta ucanacjja. Janiraqui cuna casta ni cunar uñtat yakha diosanacsa lurasipjjamti, cawquïri lurañjjattï Tatitojj sapctam: ‘Janiw cunsa lurapjjätati’ sasa.

Deuteronomio 4:34

¿Utjaracpachati mä diosasa marcaparu ajlliri yakha marcanac taypita, wali yant'anacampi, unanchanacampi, milagronacampi, guerranacampi, ucatsti wali ch'aman amparampi catuntasaraqui, uqhamaraqui wali ajjsarcaña luräwinac lurasaraqui, cunjämatï Tatitu Diosajj jumanacataqui lurqui Egipto marcan uqhama?

Deuteronomio 5:15

Amtasiraquim Egipto marcan esclavot sarnakatama, ucatsti Tatitu Diosamaw apsuntam jach'a ch'amapampi, ucatwa Diosamajj amtaytam jumaru uca urun samarañamataqui.

Deuteronomio 6:12

Take ucanac pasjjani ucqhajj janipun jumanacajj Tatitu Diosat armasipjjamti, qhititï Egipto marcat irpsunipjjtam, cawqhantï esclavot sarnakascayäta ucata.

Deuteronomio 7:19

Amuyt'asjjapjjaraquim cawquïri jach'a yant'anactï jumanacpacha uñjapcta ucanacata, uqhamaraqui uca unanchanacata, jach'a milagronacata, ucatsti cunja jach'a ch'amampisa Tatitu Diosajj Egipto marcat irpsunipjjtam ucanacata. Uca quipcaraquiwa Tatitu Diosajj lurani cawquïri marcanacarutï jumanacajj ajjsarapcta ucanacarojja.

Deuteronomio 7:8

Tatitu Diosasti Egipto marcatwa irpsunipjjtam, cawqhantï esclavot sarnakasipcäyäta, ucatsti jach'a ch'amapampiw khespiyanipjjtam faraón reyin apnakäwipata, jumanacaru take chuymapampi munasaraqui, cuntï awquinacamaru arupampi arsuwaycän ucanac phokhasa.

Deuteronomio 9:29

Ucampis jupanacajj juman marcamawa, juman herenciamaraquiwa, jumaw Egipto marcat irpsunta jach'a ch'amamampi’ sasa.