Éxodo 6:5 - Qullan Arunaca

⁵ Ucampis israelitanacaru arnakasir ist'asina, uqhamarac egipcionacan sinti t'akhesiyasa irnakayatanacap uñjasinjja amtastwa mä suma amtäwiru mantatajja.

Aymar Bibliia 1986

⁵ Ucampis israelitanacaru arnakasir ist'asina, uqhamarac egipcionacan sinti t'akhesiyasa irnakayatanacap uñjasinjja amtastwa mä suma amtäwiru mantatajja.

Qullan Arunaka DC

⁵ Ukampis israelitanakar arnaqasir ist'asina, egipcionakan sinti t'aqhisiyat irnaqatanakap uñjasinxa, mä suma arust'äwir mantataxat amtasta.

Éxodo 6:5 Jak'a apnaqawi uñst'ayäwi

Génesis 8:1

Diosasti, Noë chachatsa uqhamarac jupampi chica arca mankhancapcän uca animalanacatsa amtasiraquïnwa. Orakerusti mä thayaw thayt'aniraquïna, umasti wañakawayjjaraquïnwa.

Génesis 9:15

Ucapachaw nayajj amtasï cuna amtäwtejj jumanacampi, uqhamarac take animalanacampi lurcta ucata, janiraquiw cuna uma juiciosa jupanacar tucjañataquejj utjcjjaniti.

Salmos 105:8

Warank mita jakenacas saraquipascpan, janipuniw arust'äwipajj armatäcaniti:

Éxodo 2:23

Jaya maranaca pasatatsti Egiptonquir reyejj jiwjjänwa. Ucampis israelitanacajja t'akhesisipcaquïnwa, ucatsti jupanacajja Diosansa ist'cayawa mayisipjjäna.

Éxodo 2:24

Ucampis Diosajja jupanacan mayisitanacapa ist'asinjja amtasïnwa Abrahamampi, Isaacampi, Jacobompi cuna amtäwinacarutejj mantcäna ucanacata.

Éxodo 3:7

Ucat Tatitojj saraquïnwa: —Nayajja sumwa uñjta, cunjämtejj marcajjajja, Egipton t'akhesipqui ucjja. Uqhamarac uca wali munañani jakenac causa arnakasipjjatanacapsa ist'aractwa, ucampis nayajj sum yatta jupanacan t'akhesitanacapjja.

Éxodo 5:4

Ucampis Egiptonquir reyejja sänwa: —Moisés, Aarón, ¿cunatsa jumanacajj, jakenacarojj irnakasipquipana suyt'ayapjjta? ¡Jichhasti cuttjjapjjam ucatsti irnakasipcaquim!

Isaías 63:9

Juparaquiw take llaquinacapatjja khespiyi. Janiw jupan mä qhitanitapati khespiyquejja; jan ucasti quipca Tatituw khespiyi. Qhuyapayasiñap laycu, munasiñap laycuraquiw jupajj khespiyi, jupaw wayti, amparat caturaqui. Uqhampunwa luri.

Lucas 1:54

Israel marcaparojj yanapiwa, qhuyapayasiñapatjja janiw jupanacarojj armquiti.

Lucas 1:72

Awquinacasata qhuyapayasisa, janiraquiw armt'ascänti kollan arsutanacapatjja.