Éxodo 6:6 - Qullan Arunaka DC

⁶ Ukhamasti saram, israelitanakar akham sarakim: “Naya Tatituw t'aqhisitanakamat qhispiyapxäma, sinti ch'ama lurañanak jumanakar egipcionakan lurayatapatsa qhispiyapxarakïma. Jach'a ch'amax uñacht'ayä, chiqa aski kankañaxampiw qhispiyapxäma.

Aymar Bibliia 1986

⁶ Jichhasti saram, israelitanacarojj aqham sätawa: —Naya Tatituwa khespiyapjjäma t'akhesis sirviñata, uqhamarac egipcionacajj sinti ch'ama irnakañanaca churapctam ucatsa, jach'a ch'amajja uñacht'ayasa, uqhamarac cheka asqui cancañajjampi.

Qullan Arunaca

⁶ Jichhasti saram, israelitanacarojj aqham sätawa: ‘Naya Tatituwa khespiyapjjäma t'akhesis sirviñata, uqhamarac egipcionacajj sinti ch'ama irnakañanaca churapctam ucatsa, jach'a ch'amajja uñacht'ayasa, uqhamarac cheka asqui cancañajjampi.

Éxodo 6:6 Jak'a apnaqawi uñst'ayäwi

1 Reyes 8:42

ukatsti aka utam tuqi uñtat mayisipxani ukkhasti,

2 Reyes 17:36

Naya, Tatit Diosamarukiw yupaychapxitäta, nayaw jumanakarux Egipto markat jach'a ch'amax uñacht'ayas irpsunipxsma. Naya saparukiw yupaychapxañama, wilañchanaksa luqtapxañama.

1 Crónicas 17:21

Israel markamjamasti, ¡janiw yaqha markax utjkiti, aka uraqinsti uka markakiwa! Jumax Tatay, markamäñapatakiw qhispiytaxa, ukatsti muspharkañanak lurasaw taqinimp uñt'ayastaxa. Egipto markat irpsunkta uka markaman nayraqatapat jumaw yaqha markanakar jaqunuktaxa, jumax markamarux Egipto markatsa kutsuyastawa, ukhamarak maynïr markanakatsa,

Nehemías 1:10

“Nanakax juman uywatanakamäpxtwa, juman markamäpxaraktwa, jach'a ch'amamampiw Egipto markat irpsusinipxistaxa.

Salmos 77:16

16 (17) Diosaxay, lamar qutax jumar uñjasax axsarthapïnwa, walja umanakapas khathatirakïnwa;

Salmos 81:11

11 (12) “Markaxasti janiw ist'añ munkitänti; ¡Israel markax janiw jaysañ munkitänti!

Salmos 81:6

6 (7) “Jatxattir q'ipim kallachimat apaqxsma, ch'ama tukuñ lurañamat samart'aysma.

Salmos 81:7

7 (8) T'aqhisiñaman jawsista, nayasti qhispiysmawa; q'ixuqir qinay taypitpach nayax jaysansma; Meribá uma jalsu jak'an yant'sma.

Éxodo 1:11

Ukat egipcionakax lurayir jaqinak uchapxäna israelitanakar wali ch'ama irnaqañanak lurayañataki. Jupanakarusti Pitón, Ramsés sat markanak lurayapxäna. Egiptonkir faraón reyix uka markanakaruw juyranakap imayäna.

Éxodo 12:41

ukatsti kunürutix pusi patak kimsa tunkan marax phuqhaskäna uka uruw Tatitun taqpach ejercitopax Egipto uraqit mistsuwayxäna.

Éxodo 12:51

Ukürpachaw Tatitux Egipto uraqit israelitanakarux mä ejercitor uñtat irpsunïna.

Éxodo 13:14

Ukatsti wawanakamatix qhipür jiskt'apxätam: ‘¿Kunatsa uka wilañchanak lurapxta?’ sasaxa, jumanakax sapxätawa: ‘Tatituw jach'a ch'amapamp Egipto uraqit irpsunipxitu, t'aqhisiyat jakañata.

Éxodo 13:16

Ukhamasti, akham lurañaxa amparanakamana, paranakaman mä chimpükaspas ukhamäñapawa, Tatitux jach'a ch'amapampi Egipto markat irpsunkistu uk amtasiñataki.’ ”

Éxodo 13:3

Ukat Moisesax israelitanakar säna: “Aka urut amtasipxapunïtawa, aka urun Tatitux jach'a ch'amapamp Egipto uraqit jumanakar irpsunipxtam, t'aqhisiyat jakapkäyät uka uraqita. Janiw levaduran t'ant'a manq'apxätati.

Éxodo 15:13

Munasiñamampiw juman qhispiyat markar irpasktaxa; ch'amamampiw qullan utjäwimar irpasktaxa.

Éxodo 16:6

Ukat Moisesampi, Aaronampix israelitanakar sapxäna: —Jayp'uruw yatipxäta Tatitun jumanakar Egiptot irpsunitapa,

Éxodo 18:1

Jetró chachax Moisesan awkch'ipänwa, Madián markan sacerdoteparakïnwa, jupasti taqi kuntix Diosax Moisesampitaki, Israel markapampitakis lurkatayna ukanak yatïna, kunjämtix Tatitux Egiptot jupanakar irpsunkatayna ukanak yatirakïna.

Éxodo 2:11

Mä urusti, Moisesax wali waynäxän ukkhaw marka masinakapar tumpt'ir saräna, jupanakan ch'ama lurañanakan irnaqasipkatap amuyasina. Ukatsti akatjamat uñjäna mä egipcio jaqin mayni hebreo masipar nuwjaskiri;

Éxodo 3:17

Ukat nayax Egipto markan t'aqhisiñat jumanakar qhispiyañ amtta, ukatsti cananeonakana, hititanakana, amorreonakana, ferezeonakana, heveonakana, jebuseonakan uraqipar irpxaña, lechesa, misk'isa umjam jalaski uka uraqiru’ ” sasa.

Éxodo 3:8

Ukat nayax jutta egipcionakan amparapat markaxar qhispiyiri; jupanakar uka markat apsunxäwa, ukatsti mä jach'a suma uraqiruw irpxä, kawkhantix lechesa, misk'isa umjam jalaski ukaru. Uka uraqisti cananeonaka, hititanaka, amorreonaka, ferezeonaka, heveonaka, jebuseonakax jakapki uka uraqiwa.

Éxodo 32:11

Moisesasti aka arunakampiw Tatit Diosapar sumachañ munäna: —Tatay, ¡janikiy aka markatak q'apisimti! Juma pachpaxay Egipto markat jupanakar jach'a ch'amamampi, jach'a kankañamamp irpsunstaxa.

Éxodo 6:2

Diosax Moisesar akham säna: —Nayätwa TATITUXA.

Éxodo 6:29

jupar sänwa: —Nayätwa Tatituxa. Jichhasti taqi kuntix nayax siskäma ukanak Egiptonkir faraón reyir yatiyanim —sasa.

Éxodo 6:8

Jumanakarusti kawkha uraqtix Abrahamaru, Isaacaru, Jacobur churañ arskäyät ukaruw irpapxäma, ukatsti Naya Tatituw jumanakar uka uraqi churxapxäma” sasa.

Éxodo 7:4

Faraonasti janiw jumanakarux ist'añ munapkätamti, ukampis nayaw ch'amaxa Egipto markar uñacht'ayä, ukatsti jach'a muspharkañ chiqa luräwinak uñacht'ayasaw israelita ejército markaxarux Egiptot irpsunï.

Éxodo 7:5

Egipto markar ch'amax uñacht'ayasa, israelitanakar uka markat apsunkä, ukkhaw egipcionakax yatipxani nayan Tatitütaxa —sasa.

Isaías 9:12

12 (11) Inti jalsu tuqitxa, sirio jaqinakaw nuwantapxi, inti jalanta tuqitsti filisteo jaqinakarakiw nuwantapxi. Israel markarux maypach uquntapxi. Ukampisa Tatitun phiñasiñapax janiw apaqtkiti, jichhas jupax mayamp ukham lurañ amtaskakiwa.

Isaías 9:17

17 (16) Ukat Tatitux waynanakat jan khuyapt'ayaskiti, wajchanakatsa, ijma warminakatsa janirakiw khuyapt'ayaskiti. Taqi markpachasti jach'a juchanak lurir ñanqhakamakiwa, taqinis ñanqha arunakak parlasipki. Ukampisa Tatitun phiñasiñapax janiw apaqtkiti, jichhas jupax mayamp ukham lurañ amtaskakiwa.

Isaías 9:21

21 (20) Manasesampi, Efrainampix, jupanakkamaw q'al tukjasipxi, panpachanisti Judá markaruw nuwantapxi. Ukampis Tatitun phiñasiñapax janiw apaqtkiti, jichhas jupax mayamp ukham lurañ amtaskakiwa.

Jeremías 21:5

Ukampis naya kipkaw jumanakar nuwantapxäma, wali jach'a ch'amampi, jach'a aqkir phiñasiñaxampi.

Jeremías 27:5

Nayaw jach'a ch'amaxampi aka uraqi lurta, jaqinaksa, taqi animalanaksa, ukatsti khitin apnaqañaptix munkirista ukaruw churarakirista.

Jeremías 32:21

Israel markamarusti jumarakiw jach'a ch'amamampi Egipto markat irpsuntaxa, muspharkañanak lurasa, taqinirus axsarañampi phuqhantasaraki.

Ezequiel 20:33

Naya, Tatituw jakañax layku juramentompi arsta, jach'a ch'amaxampi, jach'a phiñasiñaxampiw jichhax jumanakar apnaqapxäma.

Hechos 13:17

Israel markan Diosapax jiwasan nayra awkinakasaruw ajllïna. Jupanakarusti mä jach'a markarurakiw tukuyäna, jupanakax khuri Egipto markan jayankir jaqjam jakasipkän ukapacha. Ukatsti, jach'a ch'amapampiw uka uraqit jupanakar irpsunïna.

Deuteronomio 11:2

Tatit Diosaman chiqachäwinakap jichhürun uñt'apxam, wawanakamax uka chiqachäwinak janiw uñt'apkiti uñjapkarakisa. Jach'a kankañapampi, ch'amapamp uñt'apxam,

Deuteronomio 15:15

Janiw jumax Egipto markan t'aqhisiyat sarnaqatam armasïtati, Tatit Diosamaw qhispiyantam. Ukat nayax jumar aka iwxanak chursma.

Deuteronomio 26:8

Diosax jach'a ch'amap uñacht'ayäna, ukatsti muspharkañ luräwinakampi, jach'a axsarkañ luräwinakampiw Egipto markat irpsunxapxitu,

Deuteronomio 4:23

Ukampis amuyasipxam janipun kuna suma arust'äwtix Diosampi lurapkta ukanak armasipxamti. Janirak kuna idolonaksa, kunar uñtat yaqha diosanaksa lurasipxamti. Tatitun arunakap phuqhapxam, janipun kuna idolonakarus yupaychapxamti.

Deuteronomio 4:34

¿Utjarakpachati mä diosasa markaparu yaqha markanak taypit ajlliri, wali yant'anakampi, uñacht'äwinakampi, muspharkay luräwinakampi, nuwasiñanakampi, ukatsti wali ch'aman amparampi katuntasa, wali axsarkañ luräwinak luriri, kunjämatix Tatit Diosamax jumanakatak Egipto markan lurkäna ukhamsti?

Deuteronomio 5:15

Egipto markan t'aqhisiyat jaqïtam amtasim, Tatit Diosamaw jach'a ch'amapamp uka markat irpsuntam, ukat Tatit Diosamax iwxtam sábado urun samarañamataki.

Deuteronomio 6:12

Taqi ukanakax ukhamäxani ukapachaxa, janipun jumanakax Tatitut armasipxamti, jupaw Egipto markat irpsunipxtam, t'aqhisiyat sarnaqapkäyäta uka markata.

Deuteronomio 7:19

Amuyt'asipxarakim, nayranakamamp uñjapkta uka jach'a uñacht'äwinakata, uka jach'a muspharkañ luräwinakatsa, kunja jach'a ch'amampis Tatit Diosamax Egipto markat irpsunipxtam ukanakata. Uka pachparak Tatit Diosamax lurani, axsarapkta taqi uka markanakaruxa.

Deuteronomio 7:8

Tatituw Egipto markan t'aqhisiyat jakañat irpsunipxtam, ukatsti jach'a ch'amapampiw faraón reyin apnaqäwipat qhispiyanipxtam, jumanakar taqi chuymapampi munatapata, awkinakamar arupampi arsuwaykatayna uka arunak phuqhañ munasa.

Deuteronomio 9:29

Ukhampachas jupanakax juman markamawa, jumaw Egipto markat jach'a ch'amamampi irpsuntaxa’ ” sasa.