Éxodo 28:2 - Qullan Arunaca

² Aarón jilamataquejja suma isinaca lurayaraquim, uqhamata suma isthapita jiwaquïñapataqui.

Aymar Bibliia 1986

² Aarón jilamataquejja suma isinaca lurayaraquim, uqhamata suma isthapita jiwaquïñapataqui.

Qullan Arunaka DC

² Suma isinak Aarón jilamatakix lurayäta, uka isinakasti jupar jach'ar aptaypan jiwakirakïpan.

Éxodo 28:2 Jak'a apnaqawi uñst'ayäwi

Job 40:10

Uqhamajj jach'a cancañampi isthapisim, c'ajquir cancañampi khanampiraqui isthapisiraquim.

Salmos 132:16

Sacerdotenacaparojj khespiyasiñ isimpiw isthapiyä, arquirinacaparusti cusisiñampiw art'asiyä.

Salmos 132:9

Sacerdotenacamajj cusisiñ isimp isthapisipjjpan, jumar iyawsirinacajj cusisiñat art'asipjjpan.

Salmos 149:4

Tatitojj marcaparojj munasiwa, llamp'u chuyman jakenacarojj atipt'ayiwa.

Salmos 96:6

aytat cancañampi, lliphipquir khanampiw nayrakatapanqui, ch'amampi, muspharcay cancañampiw kollan utapanqui.

Éxodo 28:40

Uqhamarac Aaronan wawanacapataquisti luraraquïtawa túnica sat isinaca, cinturonanaca, uqhamarac turbante sata p'ekeru uchasipjjañapataqui, uqhamata jupanacajj suma c'ajquiri isinïpjjañapataqui.

Éxodo 29:28

Ucasti Aaronataqui, uqhamarac wawanacapataquïniwa. Ucampis aca luräwejja israelitanacataquejja wiñayataqui leyi churatäniwa, uqhamarac israelitanacatac loktat ofrendaraqui Tatitumpi sumancañataqui.

Éxodo 31:10

uca quipcaraqui Aaronataquisa suma sacerdote isinacaracwa lurapjjañaparaqui, uqhamarac Aaronan wawanacapataquisa isinacjja lurapjjañaparaquiwa jupanacana sacerdote luräwi lurapjjañapataqui.

Éxodo 40:13

Ucatsti Aaronarojj sacerdote isimpiw isintayäta, ucat aceitempiw warjjatäta uqhamata nayaru loktata sacerdotëjjañapataqui.

Isaías 4:2

Uca urunsti, cawquïri machak alitejj Tatitun cülltayatäcani ucaw chekpachansa mä suma uñstäwïnejja, uqhamarac mä jach'añchäwïnisa, qhitinacatejj Israelan kheparapcani ucanacataquejja, cuntejj orakes achcaraquini ucaw chekpachansa mä jach'a jach'añchäwïnejja.

Isaías 52:1

Sartasim, Sión, sartasim, ch'amañcht'asiraquim; Jerusalén, kollan marca, suma isinacamampi isthapisim, jan Diosar uñt'ir uca ñankha jakenacajja, janiw mayampsa juman ucarojj mantanjjapjjaniti.

Isaías 61:10

“¡Tatituncjjasinjja cunjsa cusistjja! Diosajjancatajjatsti cusisiñan phokt'atätwa nayar khespiyatap laycu, atipjañsa churatap laycuraqui. Cunjämatejj mä casarasir waynajj coronap uchasejj uqhamätwa, jan ucajj cunjämatejj mä casarasir tawakojj c'achacht'asejj uqhamätwa.

Isaías 61:3

Sión kolluna llact'atanacarojj khella lanti mä corona churañataqui, jachañ lantsti suma k'apquir cusisiñ kollanaca, chuyma cawcst'ata sarnakaña lantsti, yupaychañ k'ochunaca. ‘Atipt'iri roble kokanaca’ sasaw sutichapjjaraquïtam, pachpa Tatitun ayrutanaca c'ajquir cancañapa uñacht'ayañataqui.

Isaías 64:6

Take nanacasti mä k'añu lurir jaker uñtatäpjjtwa, take asqui luräwinacajjasti k'añu traponacar uñtataraquiwa. Takeniraquiw ancuntat laphinacar uñtata willirtapjjta, nanacan ñankha luratanacajjasti thayar uñtataw apapjjaraquitu.

Levítico 8:30

Ucat Moisesajj janc'aquiw cuna aceitetejj Tatitur catuyasiñataqui uscutäcänjja uca aceite caturaquïna, uqhamaraqui cuna wilatejj altar patjjanccäna ucampi, ucatsti ucampiw Aaronaru, uqhamarac wawanacaparusa ch'allt'araquïna, uqhamarac jupanacan sacerdotëña isinacapjjarusa. Uqhamwa Aaronaru, wawanacaparusa, uca quipcaraqui sacerdotëña isinacaparusa Tatitur catuyjjaraquïnjja.

Juan 1:14

Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

Romanos 13:14

Jan ucasti Jesucristomp isthapt'asipjjam, janiraqui lup'ipjjamti janchin munañapa lurañjja.

Romanos 3:22

Diosajj cunjämattejj jiwasanacarojj asqui jaket catokquistaspan ucajja Jesucristor iyawsatas laycuquiwa, janiraquiw yakha yakhäñajj utjquiti;

Gálatas 3:27

Take jumanacajj Cristompi mayachasiñataqui bautisasipjjta ucanacajja, jupampejj mä isimpi isthapitäpcasmas uqhamäpjjtawa.

Hebreos 2:9

Ucampis Jesusarojj uñjtanwa, juparusti Diosajj angelanacat sipansa menosaruw tucuyi mä juc'a tiempotaqui. Diosajj munasiñapatwa munäna taketac jiwañapa, jichhasti jach'a cancañapampi uqhamarac jach'añchäwimpi coront'atawa jiwañan t'akhesitap laycu.

Hebreos 7:26

Uqhamapï Jesusajj cuna jilïri sacerdottejj suycäyätan ucajja. Jupajj kollanawa, jan juchaniraquiwa, juchaninacats jithektata, alajjpachats juc'amp alayar aptataraqui.

2 Pedro 1:17

Jupaw Dios Awquit catokäna muspharcay aytatat cancaña, cunapachatejj Diosan arupajj parläna khapak cancañapana juparu akham säna: “Acawa munat Wawajjajja, jupaw nayarojj cusisiyitu” sasa.

1 Juan 3:2

Munat jilatanaca, jichhajj Diosan wawanacapäjjtanwa, ucampis janïraw khanañchquistuti cunäcañänitejj tucuy urunacan ucjja. Ucampis yattanwa cunapachatejj Tatit Jesucristojj uñstancani ucqhajja, jupjamaw tucuñäni, cunjämäquitejj jupajj uqhampacha uñcatatas laycu.

Apocalipsis 19:8

Juparuwa suma lino lliphipquir k'oma isinacampi isthapisim satajja. Uca suma lino isisti Diosar ajjsartasa sarnakapqui ucanacan cheka jacatanacaparuw uñtasi” sasa.

Apocalipsis 5:10

Reyinaca, sacerdotenacracwa tucuyapjjestajja Diosataquejja. Take aca orakpacharu apnakapjjañajjataqui” sasa.