Éxodo 28:1 - Qullan Arunaca

¹ “Israelitanac taypitsti, jumampi chicäñapawa Aarón jilama, uqhamarac Nadab, Abiú, Eleazar, Itamar uca wawanacapasa, jupanacajja nayan sacerdotenacajjäñapataqui.

Aymar Bibliia 1986

¹ “Israelitanac taypitsti, jumampi chicäñapawa Aarón jilama, uqhamarac Nadab, Abiú, Eleazar, Itamar uca wawanacapasa, jupanacajja nayan sacerdotenacajjäñapataqui.

Qullan Arunaka DC

¹ “Nayax israelitanak taypit, Aarón jilamampiru, Nadab, Abihú, Eleazar, Itamar yuqanakapampiruw nayan sacerdotenakaxäñapatak ajllista. Ukhamasti jupanakax jumamp chikäñapawa.

Éxodo 28:1 Jak'a apnaqawi uñst'ayäwi

1 Crónicas 23:13

Amram chachan wawanacapasti acanacäpjjänwa: Aarón, Moisés ucanaca. Aarón chachasti Diosan ajllitänwa kollana ofrendanaca loktañapataqui, ucatsti Tatitun nayrakatapana incienso naqhayañapataqui, sirviñataqui, bendición arunacsa wiñay arsuñapataqui; uca lurañanacsti Aaronampi, wawanacapampiw wiñayataqui lurapjjañapänjja.

1 Crónicas 6:10

Johanán chachaw Azarías ucan awquipäna, jupasti sacerdotënwa Salomonajj Jerusalenan templo luraycäna ucanjja.

1 Crónicas 6:34

jupasti Elcana chachan wawapänwa, jupasti Jeroham chachan wawapänwa, jupasti Eliel chachan wawapänwa, jupasti Toa chachan wawapänwa,

2 Crónicas 11:14

levita jakenacasti apanucuwayapjjänwa awatiñ orakenacapa, uqhamarac yakha orakenacapsa Jerusalenaru sarjjañataqui, uqhamarac Judá oraken yakha chekanacapar sarjjañataquiraqui, Jeroboam reyisa, uqhamarac jupa lanti reyïpcäna ucanacasa sacerdote cancañana Tatitur sirviña jarc'apjjatap laycu.

Salmos 115:10

Sacerdotenaca, Tatitur iyawsapjjam: Jupaw yanapistu, arjjataraquistu.

Salmos 99:6

Moisesamp Aaronampejj sacerdotenacap taypin aytatawa, Samuelojj sutip jach'añchirinac taypin aytatawa, jupanacajj Tatituruw art'asipjjäna, jupasti mayisitanacaparojj ist'änwa.

Éxodo 24:1

Tatitusti Moisesarojj sänwa: —Nayajj cawqhanctejj ucqharu maqhatanipjjam, juma, Aarón, Nadab, Abiú, uqhamarac israelitanac taypitjja pakallk tunca jilïrinacampi. Ucampis cawqhancctejj ucqharojj janiw jac'achasipjjätati, jan ucasti jaya chekar purisajja ucqharuw quillt'asipjjäta.

Éxodo 24:9

Moisesajj kolluruw maqhatäna Aaronampi, Nadab, Abiú, uqhamarac Israelanquir pakallk tunca jilïri jakenacampi.

Éxodo 28:41

“Uca isinacampiw isintayäta Aarón jilamaru, uqhamarac wawanacaparusa. Ucatjja aceitempiw p'eket warjjatäta uqhamat jilïr cancaña churasa, uqhamarac loktaraquïta nayan sacerdotejjäpjjañapataqui.

Éxodo 29:1

“Jupanacajj nayan sacerdotenacajjäpjjañapataqui loktañataquisti aqhama lurañamawa: Mä vaca kallu apäta, uqhamarac pä c'umara orko ovejanacampi.

Éxodo 29:44

Ucampis nayajja k'omachäwa Jiquisiñ Carparojja, uqhamarac altararusa; uqhamarac k'omacharaquïwa Aaronampiru, wawanacapampirusa, uqhamata nayan sacerdotenacajjäpjjañapataqui.

Éxodo 29:9

Aaronampiru, wawanacapampirusti cinturonampiw isinacap suma chinthapis catuyäta, uqhamarac turbante satsa sumarac ucharaquïta. Ucatsti churaraquïtawa jilïr cancaña, uqhamata jupanacajj wiñayatac sacerdotenacajjäpjjañapataqui.

Éxodo 30:30

“Uqhamaraquiw uca aceitempejj warjjataraquïta Aaronaru, uqhamarac wawanacaparusa loktañataqui uqhamata nayan sacerdotenacajjäpjjañapataqui.

Éxodo 31:10

uca quipcaraqui Aaronataquisa suma sacerdote isinacaracwa lurapjjañaparaqui, uqhamarac Aaronan wawanacapataquisa isinacjja lurapjjañaparaquiwa jupanacana sacerdote luräwi lurapjjañapataqui.

Éxodo 35:19

uca quipcarac lurapjjañapawa kollana chekan sacerdoten lurañanacapa lurañataquejj sacerdote isinaca, Aaronataqui suma kollana isinaca, uqhamarac wawanacapataquisa sacerdote isinacsa.”

Éxodo 6:23

Aaronasti, Aminadab sat chachan Elisabet phuchapampiw casarasïna. Aca Aaronan warmipan jilapasti Naasón sataraquïnwa. Aaronan wawanacapasti: Nadab, Abiú, Eleazar, Itamar satanacänwa.

Levítico 10:1

Nadab, uqhamarac Abiú ucanacasti Aaronan yokanacapänwa, jupanacasti mä nina wayuña catusinjja, ucaruw ninampi uscupjjaraquïna, uqhamarac inciensompi, ucat jupanacajj Tatitu nayrakatanwa cuna nintejj Tatitojj jan loktapjjamti siscäna uca nina loktapjjäna.

Levítico 10:12

Ucjjarusti Moisesajj Aaronampiru, Eleazarampiru, Itamarampiru, cawquïrinacatejj Aaronan pani jilt'iri yokanacapäcän ucanacaruw saraquïna: —Tatitur nact'ayata loktäwinacatjja cuna granonacat loktäwitejj jilt'qui ucanaca apsusinjjapjjam, ucatsti jan levadurani mank'apjjaraquim altar jac'ana, ucajj sinti kollanätap laycu.

Levítico 7:35

Cuna ofrendanacatejj Tatitutaqui nact'ayatäqui ucanacajja Aaronampiru wawanacapampiruw wact'i, cunürutejj Tatitojj jupanacarojj sacerdotëpjjañanacapataqui utt'ayasqui uca uruta.

Levítico 8:1

Tatitojj Moisesaruw parläna; aqham saraquïnwa:

Levítico 8:2

“Jichhajj Aaronampiru, wawanacapampiru irpjjarum, uqhamaraqui sacerdotenacan isinacapsa caturaquim, uca quipcaraqui catuyaña aceitsa, uca quipcaraqui cuna orko vacatejj jucha luratata Tatitur loktasqui ucanacsa, uqhamaraqui paypacha orko ovejanacsa, uca quipcaraqui cawquïri canastillotejj jan levaduran t'ant'anaca churañataqui uscutäqui ucanacsa,

Números 18:7

Ucampisa, jumampi wawanacamampiquiw sacerdoten luräwinacapjja, altarana velo khepäjjansa lurapjjäta. Aca lurañasti jumanacaruw wact'apjjtam, nayaraquiw uca sacerdote luräwinac churapjjäma. Ucampisa cawquïritejj sacerdotet sarnakani jan cunäcasa, ucasti juchañchasin jiwayatäniwa.”

Números 2:4

Jupanacasti censo aptatarjamajj pakallk tunca pusini waranka sojjta patacani jakenacänwa.

Números 26:61

Ucampisa Nadab chachampi, Abiú chachampejj jiwarapjjänwa Tatitun nayrakatapanjja yakha nina loktasina.

Lucas 1:8

Mä uruwa Zacarías casta sacerdotenacarojj incienso loktañajj wact'äna.

Deuteronomio 10:6

(Israelanquirinacasti Beerot-bene-jaacán sat chekat mistuwayasajj Mosera sat chekaruwa puripjjäna. Uca chekan Aarón chachajj jiwjjaraquïna, uca chekaru amayapajj imataraquïnwa, ucatsti Eleazar yokapaw sacerdotet jupa lanti utt'ayatäjjaraquïna.

Deuteronomio 18:5

Tatitu Diosamaraquiw jupanacaru ajllisi take tribunac taypita, awquinacapat wawanacapcama Tatitu Diosaruqui yupaychañan sarayapjjañapataqui.

1 Samuel 2:28

Israel marcan take tribunacap taypitsti nayan sacerdotenacajjäñapataqui, uqhamarac nayan altarajj-jjaru sacrificionac loktanipjjañapataqui, incienso naqhayapjjañapataqui, uqhamarac efod sat isimpi naya nayrakatan ist'atäpjjañapataqui. Uqhamarus nayrapacha awquinacamarojj take ofrendanactejj israelitanacajj Tatituru churqui ucanacwa churaractjja.