Éxodo 27:21 - Qullan Arunaca

²¹ Ucampis Aaronampi, wawanacapampiw uca lamparanacjja asquichapjjani uqhamata Tatitu nayrakatapanjja jayp'uta arumanthi khantatcama naqhañapataqui tantachasiñ chekanjja, ucasti suma arust'äwiru mantatäqui uca arca jac'ancqui uca velota ankäjjancañapawa. Aca leyisti wiñayataqui churatawa israelitanacaru, uqhamarac wawanacapan wawanacapataquisa.

Aymar Bibliia 1986

²¹ Ucampis Aaronampi, wawanacapampiw uca lamparanacjja asquichapjjani uqhamata Tatitu nayrakatapanjja jayp'uta arumanthi khantatcama naqhañapataqui tantachasiñ chekanjja, ucasti suma arust'äwiru mantatäqui uca arca jac'ancqui uca velota ankäjjancañapawa. Aca leyisti wiñayataqui churatawa israelitanacaru, uqhamarac wawanacapan wawanacapataquisa.

Qullan Arunaka DC

²¹ Aaronampi, wawanakapampiw Tatitump Jikisiñ Carpan arum paqar qhanañapatak uka lamparanak wakichani, arust'äwi lurat arca uñkatasinkki uka cortina qhipäxana. Aka kamachix israelitanakataki, wawanakapan wawanakapatakis wiñayatakïniwa.

Éxodo 27:21 Jak'a apnaqawi uñst'ayäwi

Génesis 1:5

Diosasti khanarojj sutichänwa uru sasa, ch'amacarusti aruma sasaraqui. Uqhamaw kallta urojj phokhasïna.

Génesis 1:8

Diosasti uca jaljtayatarojj alajjpacha sasaw sutichäna. Uqhamaw payïri urojj phokhasïna.

2 Crónicas 13:11

Jupanacasti alwata jayp'ucamaw Tatitur loktapjje take naqhat loktäwinaca, uqhamarac inciensonacsa, ucatsti uchapjjaraquiwa k'oma mesaru t'ant'anaca cunjämatï lurañapäpqui ucarjama, jayp'unacasa lamparanacwa nactayapjjaraqui, ucanacasti korit lurat candelabronacanwa naqhayi. Cuntï nanacan Tatit Diosajjajj sapquitäna ucwa nanacajj phokhapjjta uca laycu, ucampis jumanacajj apanucuwayapjjtawa.

Salmos 134:1

Tatitun uywatanacapa, jupar jach'añchapjjam, Tatitun utapan arum pakar suyirinaca, jupar jach'añchapjjam.

Éxodo 12:14

Jumanacasti aca urjja amtasipjjapunïtawa. Ucampis Tatitur jach'ar aptañampiw aca fiestjja lurapjjäta, acasti mä leyi churatawa uca laycusti wawanacaman, wawanacapaw wiñaya amtani.

Éxodo 16:34

Tatitun Moisesaru arsutaparjamasti Aaronajj phuqhu uchäna Tatitun altarap nayrakataru, ucaru maná t'ant'ajj imatäñapataqui.

Éxodo 25:16

Uca arcarojj ucharaquïtawa cawquïr amtäwinactejj lurctan uca leyinaca.

Éxodo 28:43

Uca calzoncillo ucht'ataw Aaronampi, wawanacapampejj Tatitumpi Jiquisiñ Carpan tantachasiñ chekarojj mantapjjañapa, uqhamarac kollana chekaru mantasinsa sacerdotjama lurañanacap phokheri, altar jac'anccani ucqhasa, uqhamat jan jucha lurasa jiwapjjañapataqui. Aca leyisti wiñayataqui churatawa juparu, uqhamarac wawanacapan wawanacaparusa.

Éxodo 29:28

Ucasti Aaronataqui, uqhamarac wawanacapataquïniwa. Ucampis aca luräwejja israelitanacataquejja wiñayataqui leyi churatäniwa, uqhamarac israelitanacatac loktat ofrendaraqui Tatitumpi sumancañataqui.

Éxodo 29:42

Aqhama ofrendanaca nayaru jach'añchasa naqhayañataquejja awquita, wawanacapan wawanacapataquejja wiñayäniwa nayan nayrakatajjana. Ucsti loktapjjaniwa Tatitumpi Jiquisiñ Carpäqui uca puncu nayrakataru. Ucawja chekanwa nayajj jumampi jiquisëjja, jumaru parlañataqui.

Éxodo 29:44

Ucampis nayajja k'omachäwa Jiquisiñ Carparojja, uqhamarac altararusa; uqhamarac k'omacharaquïwa Aaronampiru, wawanacapampirusa, uqhamata nayan sacerdotenacajjäpjjañapataqui.

Éxodo 30:21

Uqhamasti jan jiwañapataquejja jarisiñapawa amparanacsa, uqhamarac cayunacsa. Uqhama lurapjjañapataquisti wiñaya ley churatawa Aaronaru, uqhamarac wawanacapan wawanacaparusa.”

Éxodo 30:36

Mä chicatsti suma ñut'u q'iyjasinjja arca nayrakataruw uchäta Tatitumpi Jiquisiñ Carpa mankhana, cawqhantejj nayajj jumampi jiquiscañäni uca chekaru; aca inciensosti wali kollanäniwa jumanacataquejja.

Éxodo 30:8

Uqhamarac jayp'u horasarusti cunapachatejj mechanaca nactayir sarcani ucqhajja inciensjja nact'ayañaparaquiquiwa. Ucsti lurapjjañanacamawa Tatitun nayrakatapanjja wiñayan wiñayapa.

Éxodo 40:3

Uca mankherusti uchätawa arca, ucatsti velompiraquiw jist'akaraquïta.

Levítico 10:9

“Cunapachatejj jumasa, uqhamarac wawanacamasa Tatitumpi Jiquisiñ Carparu mantañataquïpjjäta ucapachasti janiw vino umapjjätati ni cuna casta p'osktata umañanacsa, ucataraqui jiwarasipcasma. Aca arsüwisti mä leyiwa, wawanacaman wawanacapataqui,

Levítico 16:34

“Aca leyisti jumanacataquejj wiñayataquïniwa, maran mä cutiw acanacjja lurapjjaraquïta, cuna juchanactejj israelita jakenacajj lurapcani ucanacatjja pampachatäña jicjjatapjjañamataqui.” Take ucanacasti, cunjämtejj Tatitojj Moisesarojj siscäna uqhamarjamapuniw phokhasïnjja.

Levítico 17:7

Janipuniw mayampsa uca ñankhanacarojj ofrendanacapjja loktascjjapjjaniti, cawquïrinacarutejj jupanacajj yupaychapjjäna, uqhamarac k'añuchasipjjänsa. Acasti jumanacataquejj wiñaya leyïniwa, awquinacamataqui, uqhamarac wawanacamataquisa.

Levítico 23:14

Jumanacan Tatitun ucaru ofrendanacama apañcamasti janiw t'ant'a mank'apjjätati, janiraquiw trigo jamp'itsa ni trigsa mank'apjjätati. Acasti jumanacataquejj wiñaya leyiwa awquinacamataqui, wawanacamataquiraqui; cawqhansa jacasipcam jumanacajja.

Levítico 23:21

“Uca urusti jumanacajj mä suma kollana tantachasïwi lurapjjäta, janiraquiw uca urojj ni cuna casta irnakañsa lurapjjätati. Aca leyisti jumanacataquejj wiñayataquiwa, awquinacamataqui, uqhamarac wawanacamataquisa; cawqhansaya jacasipcam jumanacajja.

Levítico 24:2

“Israelitanacarojj aqham saraquim: Jupanacajj olivo achut apsuta aceite apanipjjpan, ucasti lamparanacajj jan jiwt'ayasa naqhayañataquiraquïniwa.

Levítico 24:3

Aaronaraquiw uca lamparanac asquichañatjja uñjani, uqhamarac uca lamparanaca Tatitun nayrakatapana jan jiwt'ayasa naqhayañatsa, arum pakariraquiw uca lamparanacajj akapjjani, Tatitumpi Jiquisiñ Carpa mankhana, cawquïri velotejj cuna arust'äwi arcatejj utjqui uca jac'ancqui ucat ankäjjanwa akaraquini. Aca leyisti wiñayataquiwa, awquinacata wawanacapcama.

Levítico 24:9

Uca loktäwisti Aaronataquipunïniwa, uqhamarac Aaronan wawanacapa sacerdotenacataquiraquïniwa, jupanacasti uca t'ant'jja mä kollan chekanwa mank'apjjaraquini, uca ofrendajj sinti kollana ofrendätap laycu, cunatejj Tatitutaqui naqhayatäcaraqui uca laycu.”

Levítico 3:17

“Aca leyisti wiñayataquiwa, wawanacapan wawanacapataqui, cawqhantï jumanacajj jacapcäta ucqhanjja janipuni wilsa ni liq'sa mank'apjjamti.”

Levítico 3:8

ucatsti amparapjja uca uywan p'ekepjjaruw lokjjatani, ucatwa qharinucjjaraquini Tatitump Jiquisiñ Carpa nayrakatana. Ucatsti sacerdotenacajj uywan wilapjja altar patjjamppacha thiyanacamppacha ch'ajjch'upjjaraquini.

Levítico 6:15

Jupanacat mayniw uca loktat jac'utjja, uqhamaraqui aceitempitjja mä jach'i aptaraquini, take inciensotejj ofrendampi chica sarqui ucampi cuna, ucatsti altarjjan nact'ayjjaraquini, mä nact'ata ofrendata, ucasti amtasiñataqui, Tatitutaquisti mä suma k'apquiriraqui.

Levítico 7:36

Tatitusti saraquïnwa, israelita jakenacajj churapjjañapawa, cunürutejj jupajj sacerdotëpjjañanacapataqui utt'aycänjja uca uruta, ucasti mä wiñayataqui lurañanacäcaspas uqhama, awquinacat kalltasina wawanacapan wawanacapcama.

Malaquías 2:7

Sacerdotenacan lurañanacapasti jakenacaru nayar uñt'aña yatichañapawa. Ucatsti takeniraquiwa sacerdoten ucaru sarapjjañapa suma yatichäwinaca catokañataqui, jupanacajj take ch'amani Diosan suma arunacap khanañchiri qhitanita jakenacäpjjatap laycu.

Números 18:23

Levitanacaquiw Jiquisiñ Carpan luräwinacapampejj phokhapjjani, jupanacaraquiw juchañchatäni cuna jan walinacatejj lurascani ucanacatsa. Ucasti wiñayatac uchat leyiraquïniwa, jumanacataqui uqhamarac wawanacamataqui. Levitanacasti janiw orakenïpcaniti Israelanjja.

Números 18:5

Jumanacaruquiw utt'ayatäpjjta kollan chekan altarana luräwinaca phokhañataquejja. Uqhamatwa israelitanacampejj jan mayampis colerascjjäti.

Números 19:21

Aca leyisti wiñayataquiraquiwa, cawquïritejj mayniru k'omachasir umampi ch'allaquipcani, ucajj isipjja t'ajjsurasiraquiniwa. Cawquïritejj k'omachasir uma llamct'qui ucasti k'añuchataw jayp'ucam uñjasini.

Números 35:29

“Aca ewjjanacasti jumanacataquejj mä leyïniwa, awquinacamataqui, uqhamarac wawanacamataquisa, cawqhantejj jumanacajj jacapcäta ucqhanjja.

Números 8:9

Jumaraquiw take levitanacaru Jiquisiñ Carparu jac'achayäta, uqhamarac take israelitanacarus tantachthapïta.

Mateo 4:16

Take ch'amacanquir jakenacajj mä jach'a khanwa uñjapjje, uqhamarac take qhitinacatejj jacapcäna wali ajjsarcañ jiwañ ch'amacanacan ucanacarus mä suma khanaw khant'i” sasa.

Lucas 12:35

“Waquicht'asit suyt'apjjam isthapita, lamparanacams khantayasisa.

Juan 5:35

Juanajj mä lamparjamaw jumanacataquejj khanäna, jumanacasti mä juc'a urunacasa cusisiñwa munapjjäyätajj uca khanapanjja.

2 Corintios 4:6

Diosajj khanapjja ch'amacan khantaycäna, uca pachpa Diosaraquiw khanapjja chuymanacasan khanayi. Uca khanampisti Diosan c'ajquir cancañapajj Jesucriston ajanupan khanquis uc uñt'apjjañasataquiwa.

2 Pedro 1:19

Uqhamat profetanacan arupajj juc'amp thurt'at uñjasi. Jumanacasti uca profetanacan arunacapar ist'asinjja walicwa lurasipctajja, uca arunacasti mä lamparjamaw ch'amacanacanjja khani, urojj khanjtaniñapcama, willjta warawarasti mistuniñapcama jakenacan chuymanacapar khant'añataqui.

Apocalipsis 2:1

“Éfeso iglesiancquis uca angelar kellkasin apayam: ‘Aqham siw qhititejj cupi amparaparu pakallko warawaranïqui, uqhamarac pakallko kori candelabronac taypin sarnakquis ucajja:

1 Samuel 3:3

Samuelosti Tatitun templopan iquiscaraquïna, Diosan arcapa jac'ana. Uca templon lamparasti akascaraquïnwa.

1 Samuel 30:25

(Ucürut jichhürcamasti israelitanacajj uqhampunwa jaljasipjje.)