Éxodo 27:21 - Qullan Arunaka DC

²¹ Aaronampi, wawanakapampiw Tatitump Jikisiñ Carpan arum paqar qhanañapatak uka lamparanak wakichani, arust'äwi lurat arca uñkatasinkki uka cortina qhipäxana. Aka kamachix israelitanakataki, wawanakapan wawanakapatakis wiñayatakïniwa.

Aymar Bibliia 1986

²¹ Ucampis Aaronampi, wawanacapampiw uca lamparanacjja asquichapjjani uqhamata Tatitu nayrakatapanjja jayp'uta arumanthi khantatcama naqhañapataqui tantachasiñ chekanjja, ucasti suma arust'äwiru mantatäqui uca arca jac'ancqui uca velota ankäjjancañapawa. Aca leyisti wiñayataqui churatawa israelitanacaru, uqhamarac wawanacapan wawanacapataquisa.

Qullan Arunaca

²¹ Ucampis Aaronampi, wawanacapampiw uca lamparanacjja asquichapjjani uqhamata Tatitu nayrakatapanjja jayp'uta arumanthi khantatcama naqhañapataqui tantachasiñ chekanjja, ucasti suma arust'äwiru mantatäqui uca arca jac'ancqui uca velota ankäjjancañapawa. Aca leyisti wiñayataqui churatawa israelitanacaru, uqhamarac wawanacapan wawanacapataquisa.

Éxodo 27:21 Jak'a apnaqawi uñst'ayäwi

Génesis 1:5

ukatsti qhanarux “uru” sutimpiw uchäna, ch'amakarusti “aruma” sutimpiw ucharakïna. Ukhamaw mayïr urux phuqhasïna.

Génesis 1:8

Diosasti uka jaljtayatarux “alaxpacha” sutimpiw uchäna. Ukhamaw payïr urux phuqhasïna.

2 Crónicas 13:11

Jupanakax willjtat jayp'ukamaw Tatiturux nakt'at wilañchanaka, inciensonak luqtapxi, ukatsti q'umachat mesa patar t'ant'anak uchapxi, sapa jayp'uw qurit lurat candeleron qhanki uka lamparanak naktayapxi. Nanakax kuntix Tatit Diosaxax sapkitu ukhamarjamaw phuqhapxta, ukampis jumanakax jupar apanukupxtawa.

Salmos 134:1

¡Tatitun uywatanakapa! ¡Jupar jach'añchapxam, Tatitun utapan arum paqar suyirinaka, jupar jach'añchapxam!

Éxodo 12:14

Aka urux jumanakatak amtasiñ urüniwa, Tatitur jach'añchasaw uruyapxäta. Wiñay kamachïkaspas ukham wawanakamana, wawanakapaw amtasipxäta.

Éxodo 16:34

Aaronasti kunjämtix Tatitux Moisesar siskatayna ukhamarjamaw maná t'ant'a uchat phukhu, arust'äwi arca nayraqatar imäna.

Éxodo 25:16

Uka arcarusti nayax churkäma uka kamachinak uchäta.

Éxodo 28:43

Uka calzoncillo ucht'ataw Aaronampi, wawanakapampix Tatitump Jikisiñ Carpar mantapxani, jan ukax qullan chiqawjan sacerdote lurañanakap phuqhir altarar jak'achasipkani ukapachasa, ukhamat kuna juchsa jan lurapkaniti, janirakiw jiwapkanisa. Aka kamachix wiñayatak utt'ayatawa, Aaronampitaki, wawanakapan wawanakapampitaki.

Éxodo 29:28

Ukasti Aaronampitaki, wawanakapampitakïniwa. Aka luräwisti israelitanakatak wiñayatak arsut kamachïniwa, uka waxt'ax israelitanakan Tatitump sumankañatak luqtat wilañchäniwa.

Éxodo 29:42

Taqpach israelitanaka, wawanakapan wawanakapaw wiñayapun akham waxt'anak Jikisiñ Carpar mantañäki uka chiqan nayar luqtañapa, uka chiqan nayax jumamp parlañatak ukankä.

Éxodo 29:44

Jikisiñ Carpampi, altaramp nayatakiw yaqhachä, Aaronampiru, wawanakapampirus nayan luqtirixatakiw yaqhachä.

Éxodo 30:21

Jupanakan jan jiwapxañapatakisti, amparanakapsa, kayunakapasa jariqasipxañapawa. Akasti Aaronampitaki, wawanakapan wawanakapampitakix wiñayatak arsut kamachïniwa.”

Éxodo 30:36

Mä chikatxa suma ñut'u k'iyjasin arca nayraqataruw uchäta Tatitump Jikisiñ Carpa manqharu, kawkhantix nayax jumamp jikiskä uka chiqaru. Uka inciensox jumanakatak wali qullanapunïniwa.

Éxodo 30:8

jayp'thapinakasti lamparanak qhantaykani ukapacharakiw incienso nakt'ayani. Uksti Tatitun nayraqatapan wiñayan wiñayapapuniw lurasini.

Éxodo 40:3

Uka manqhirusti arust'äwi lurat arca uchäta, ukatsti cortinampiw jist'aqarakïta.

Levítico 10:9

“Kunapachatix jumasa, yuqanakamasa Tatitump Jikisiñ Carpar mantañatakïpxäta ukapachax, janiw vinsa, kuna p'usqtat umañanaksa umapxätati, jan jiwapxañamataki. Aka arsüwisti, wawanakaman wawanakapatak mä kamachiwa,

Levítico 16:34

“Aka kamachisti jumanakatakix wiñayatakïniwa: maran mä kutiw akanak lurapxäta, kuna juchanaktix israelitanakax lurapkani ukanakat pampachatäñ jikxatapxañamataki.” Taqi ukanakasti, kunjämtix Tatitux Moisesar siskäna ukhamarjamapuniw phuqhasïni.

Levítico 17:7

Janipuniw mayampsa uka ñanqha ajayunakarux waxt'anakap luqtaskxapxaniti, kawkïrinakarutix jupanakax yupaychas q'añuchasipxäna ukanakaru. Aka kamachisti jumanakatakix wiñayatakïniwa, awkinakamataki, ukhamarak wawanakamatakisa.

Levítico 23:14

Tatitun ukaru waxt'anakam apaniñkamasti, janiw t'ant'sa, trigo jamp'sa, jan ukax chhuyu trigsa manq'apxätati. Kawkhansay jakasipkam, aka kamachisti jumanakatakixa, wawanakamatakis wiñayatakipunïniwa.

Levítico 23:21

“Uka urusti jumanakax mä suma qullan tantachasïwi nayatakix lurapxäta, janirakiw uka urux kunanaksa irnaqapxätati. Kawkhansay jakasipkam, aka kamachisti jumanakatakisa, wawanakamatakis wiñayatakipunïniwa.

Levítico 24:2

“Israelitanakarux olivo achut apsuta aceite apanipxpan sama, ukasti lamparanakax jan jiwt'ayas aqayañatakïniwa.

Levítico 24:3

Aaronaw uka lamparanak askicht'askani, ukhamat Tatitun nayraqatapan Tatitump Jikisiñ Carpa manqhan arum paqari aqañapataki, uka lamparanakasti velo anqäxan aqani. Aka kamachisti wiñayatakiwa, awkinakata wawanakapkama.

Levítico 24:9

Uka t'ant'anakasti Aaronampitaki, yuqanakapampitakïniwa, jupanakasti uka t'ant'a qullan chiqan manq'apxani, uka waxt'an aski qullan waxt'ätapa, Tatitutak nakt'ayat waxt'ätap layku.”

Levítico 3:17

“Aka kamachisti wiñayatakiwa, wawanakapan wawanakapatakiwa, kawkhantix jumanakax jakapkäta ukkhanxa, janipun wilsa, lik'sa manq'apxamti.”

Levítico 3:8

uka uywan p'iqipxaruw amparap luqxatani, ukat Tatitump Jikisiñ Carpa nayraqatan kharinukxani. Ukatsti sacerdotenakax uywan wilapampiw altaran thiyanakap ch'axch'suni.

Levítico 6:15

15 (8) Jupanakat mayniw uka luqtat jak'umpita, aceitempit mä jach'i aptani, waxt'ampi chik sarki uka taqpach inciensomp kuna, ukatsti amtasiñatak altarxan mä nakt'at waxt'a nakt'ayani, Tatitutakisa mä suma q'apkiriraki.

Levítico 7:36

Tatitusti israelita jaqinakaruw ukham churapxañapatak mayïna, wiñayatak mä luräwïkaspas ukhama, awkinakat qalltasina wawanakapan wawanakapkama.

Malaquías 2:7

Sacerdotenakan lurañanakapasti, jaqinakaru nayar uñt'aña yatichapxañapawa, ukatsti taqinirakiw jupanakan ukaru sarapxañapa suma yatichäwinak katuqiri, jupanakax taqi ch'aman Tatitun suma arunakap qhanañchiri khithanita jaqinakäpxatap layku.

Números 18:23

Levitanakakiw Tatitump Jikisiñ Carpan luräwinakap phuqhapxani, jupanakarakiw kuna pantjasitanakatsa juchañchat uñjasipxani. Ukasti, jumanakatakisa, wawanakamatakis wiñayatak arsut kamachïniwa. Leví chachat saraqirinakax janiw Israelan uraqinïpkaniti.

Números 18:5

jumanakaw qullan utjäwimpina, altarampin luräwinak phuqhañatak utt'ayatäpxtaxa. Ukhamat israelitanakatakix wasitat jan phiñaskxäti.

Números 19:21

Uka kamachisti wiñayatakïniwa. Q'umachasir umampi yaqha jaqir ch'allakipirixa, isip t'axsusiñapawa. Q'umachasir uma llamkt'iristi, jayp'ukamaw q'añuchat uñjasini.

Números 35:29

“Aka arunakasti jumanakatakix mä kamachïniwa, ukanakasti wawanakaman wawanakapatakïniwa, kawki chiqantix jakapkäta ukana.

Números 8:9

Jumarakiw levitanakar Tatitump Jikisiñ Carpar jak'achayäta, ukatsti taqpach israelitanakar tantachthapirakïta.

Mateo 4:16

Ch'amakankir jaqinakax mä jach'a qhan uñjapxi; mä suma qhanaw qhanti jiwañ ch'amakan jakapki ukanakataki” sasa.

Lucas 12:35

“Kunjämatix uywatanakax uywiripar jaqichasïwit kutt'aniñap jank'ak punku liqt'anipan jist'arañatak suyt'apki ukhamay jumanakax suyt'apxam.

Juan 5:35

Bautisir Juanan yatichäwipax mä qhanjamaw qhanäna, jumanakasti uka qhanapan mä juk'a pachakiw kusisiñ munapxäyätaxa.

2 Corintios 4:6

Diosax qhanap ch'amakan qhantaykän uka pachpa Diosarakiw chuymanakasan qhantayi. Uka qhanampisti Diosan k'ajkir kankañapax Jesucriston ajanupan qhankis uk uñt'apxañasatakiwa.

2 Pedro 1:19

Ukhamat profetanakan yatiyäwipax juk'amp thurt'at uñjasi. Ukhamax uka arunakar ist'apxam, uka arunakaw Criston kuttaniñapkamax kunjämsa sarnaqapxäta ukanak yatichapxätam, jakañanakamsa sumaruw tukuyarakini.

Apocalipsis 2:1

“Éfeso iglesiankir angelar qillqasin apayam: ‘Kupi amparapar paqallqu warawar apt'atäki, paqallqu quri candeleronak taypin sarnaqki ukax akham siwa:

1 Samuel 3:3

Samuelusti Tatitun utapan ikiskarakïna, kawkhantix Diosan arcapax uchatäki ukkhana, lamparasti qhanaskakïnwa.

1 Samuel 30:25

Ukürut jichhürkamasti, israelitanakax ukhampun lurapxi.