Éxodo 28:2 - Qullan Arunaka DC

² Suma isinak Aarón jilamatakix lurayäta, uka isinakasti jupar jach'ar aptaypan jiwakirakïpan.

Aymar Bibliia 1986

² Aarón jilamataquejja suma isinaca lurayaraquim, uqhamata suma isthapita jiwaquïñapataqui.

Qullan Arunaca

² Aarón jilamataquejja suma isinaca lurayaraquim, uqhamata suma isthapita jiwaquïñapataqui.

Éxodo 28:2 Jak'a apnaqawi uñst'ayäwi

Job 40:10

Ukhamächi ukasti, jach'a kankañam uñacht'ayam, ¡ch'aman kankañam uñacht'ayarakim.

Salmos 132:16

Sacerdotenakaparux qhispiyasiñ isimpiw isthapiyä, chiqa arkirinakaparusti kusisiñampiw art'asiyä.

Salmos 132:9

Sacerdotenakamax chiqa kankañ isimp isthapisipxpan, jumar iyawsirinakax kusisiñat art'asipxpan.

Salmos 149:4

Tatitux markapampix kusisiwa; llamp'u chuyman jaqinakarux atipt'ayiwa.

Salmos 96:6

¡Aytat kankañampi, lliphipkir qhanampiw nayraqatapanki! ¡Ch'amampi, muspharkay kankañampiw qullan utapanki!

Éxodo 28:40

Aaronan wawanakapatakix túnica isinaka, wak'anaka, p'iqi ch'uqasiñ isinak lurarapïta, uka isinakax jupanakar suma k'achachat jach'ar aptañatakïniwa.

Éxodo 29:28

Ukasti Aaronampitaki, wawanakapampitakïniwa. Aka luräwisti israelitanakatak wiñayatak arsut kamachïniwa, uka waxt'ax israelitanakan Tatitump sumankañatak luqtat wilañchäniwa.

Éxodo 31:10

p'itat isinaka, Aarón sacerdoten suma isinakapa, wawanakapan sacerdote kankañ luräwi phuqhapxañapatak isinakapa,

Éxodo 40:13

Aaronasti sacerdote isimpi uchaspan. Ukatsti aceitempiw jupar warxatäta, ukhamat nayan luqtirixatak yaqhachäta.

Isaías 4:2

Uka urux purinkani ukapachasti, jupanakax taqi kunan phuqt'ataw suman jakasxapxani. Markaxasti wali jach'ar tukt'asaw jakxani, kuna achunaktix uraqipax churkani taqi ukanakata. Khitinakatix Jerusalén markan qhiparapkani ukanakarusti, janiw taqinir mutuykäti, pachpa markan jakapxañapatakiw wakichä, ukatsti “Tatitun ajllit markapa” sas sutichatäpxaniwa.

Isaías 52:1

¡Jerusalén marka, sartasim! ¡Wali ch'amampi sayt'asim! Jerusalén, qullan marka, suma isinakamampi isthapisim, Diosar jan uñt'ir ñanqha jaqinakaxa, janiw mayampsa jumar tukjirix jutkxapxaniti.

Isaías 61:10

¡Tatitunkxasinxa wali kusisitätwa! Diosaxankataxatsti kusisiñan phuqt'atätwa, jupaw nayarux qhispiyitu, atipjañsa churarakitu. Kunjämatix mä jaqichasir waynax pillup uchaski ukhamätwa, kunjämatix mä jaqichasir tawaqux k'achacht'aski ukhamarakïtwa.

Isaías 61:3

Sión qulluna llakt'atanakarux atipjatäñ lantxa, atipt'añ churiri, jachañ lantsti suma q'apkir kusisiñ qullanak churiri, chuyma kawkst'ata sarnaqaña lantsti, yupaychañ q'uchunak chuririraki. “Atipt'iri roble quqanaka” sasaw sutichapxarakïtam, pachpa Tatitun ayruntatanaka k'ajkir kankañap uñacht'ayañataki.

Isaías 64:6

6 (5) Taqi nanakasti mä q'añu lurir jaqir uñtatäpxtwa, taqi aski luräwinakaxasti q'añu isinakar uñtatarakiwa. Taqiniw ankuntat laphinakar uñtat willirtapxta, nanakan jucha luratanakaxasti thayar uñtataw apapxarakitu.

Levítico 8:30

Ukatsti Moisesax jank'akiw kuna aceitetix Tatitur luqtasiñatak uskutäkän uk aptäna, kuna wilatix altar patxankkäna ukampi, ukatsti ukanakampiw Aaronaru, ukhamarak yuqanakaparux ch'allt'äna, uka kipkaraki jupanakan sacerdote isinakapxarusa. Aaronaru, wawanakaparu, uka kipkarak sacerdote isinakaparus ukham Tatitur luqtxäna.

Juan 1:14

Arusti jaqiruw tuküna, ukatsti jiwasanak taypin jakarakïna. Jiwasanakasti jach'a qhapaq kankañap uñjapxtan, uka jach'a qhapaq kankañsti, Awkin mä sapa Yuqapätap laykuw katuqäna, munasiñampi askimpi phuqhantata.

Romanos 13:14

Ukatsipana, jumanakax Jesucristo Tatitump isthapisipxam, janirak janchin munañanakapar jaysapxamti.

Romanos 3:22

Jesucristor iyawsañ tuqiw Diosax iyawsirinakar aski jaqir tukuyi. Janiw yaqha yaqhäñax utjkiti:

Gálatas 3:27

Bautismo katuqasinxa, Cristompi mayachatarakiw uñjasipxtaxa, Cristompix mä isimpi isthapitäpkasmas ukhamäpxtawa.

Hebreos 2:9

Ukampis Jesusarux uñjtanwa, juparusti Diosax angelanakat sipansa mä juk'a pachatak jisk'aruw uskt'i, jiwañampi t'aqhisitap laykusti qhapaq kankañampi, jach'a kankañampi pilluntatawa. Diosax munasiñapan taqinin askipatakiw jiwañap munäna.

Hebreos 7:26

Ukhamasti Jesusax suykäyätan uka Jilïr sacerdotewa. Jupax qullanawa, jan kuna juchani, jan akch'a q'añuni, juchaninakat jithiqtata, alaxpachatsa juk'ampi alayar aptataraki.

2 Pedro 1:17

Jesusaw Dios Awkit muspharkay aytat kankañ katuqäna, kunapachatix Diosan arupax jupar parlkäna qhapaq kankañapana, akham sasa: “Akaw munat Wawaxaxa, jupaw nayarux kusisiyitu” sasa.

1 Juan 3:2

Munat jilatanaka, jichhax Diosan wawanakapäxtanwa. Ukampis tukuy urunakan kunäkañänitix ukax janïraw qhanstkiti, kunapachatix Jesucristox uñstankan ukapachax jupjam tukkañän uk yattanwa, kunjämäkitix jupax ukhampach uñkatatas layku.

Apocalipsis 19:8

Juparuw suma lino lliphipkir q'uma isinakampi isthapisim sataxa, uka suma lino isisti, Diosar axsartasa sarnaqapki ukanakan chiqa jakataparuw uñtasi” sasa.

Apocalipsis 5:10

Jupanakat mä marka tukuytaxa, reyinaka, sacerdotenak Diosatak tukuytaxa, taqi aka uraqpachar apnaqapxañapataki” sasa.