Éxodo 28:3 - Qullan Arunaca

³ Jumasti parlam yatiñani ch'iqhi, uqhamarac suma isinac lurir take jakenacampi, jupanacarusti nayawa churta yatiña, ch'iqhi cancaña suma isinaca Aaronatac lurapjjañapataqui, uqhamatwa Aaronajj nayaru suma loktasit sacerdotëjjanejja.

Aymar Bibliia 1986

³ Jumasti parlam yatiñani ch'iqhi, uqhamarac suma isinac lurir take jakenacampi, jupanacarusti nayawa churta yatiña, ch'iqhi cancaña suma isinaca Aaronatac lurapjjañapataqui, uqhamatwa Aaronajj nayaru suma loktasit sacerdotëjjanejja.

Qullan Arunaka DC

³ Yatiñan ch'ikhi jaqinakamp parlam, khitinakarutix nayax sumanak lurañatak ch'ikhi kankañ churkta uka jaqinakampi, Aaronan suma isinakap jupanakaruw lurayäta, uka isix wali sumäñapapuniwa, nayatak yaqhachat sacerdotenakatakjama.

Éxodo 28:3 Jak'a apnaqawi uñst'ayäwi

1 Reyes 7:14

jupasti Neftalí tributa mä ijma warmin yokapänwa, Tiro chekan utjasiriraqui jupasti bronceta suma luraña yatiri chachan yokaparaquïnwa. Hiram chachasti wali yatiñani ch'iqhïnwa, jupajj sum uñt'äna bronceta cuna lurañanacsa, ucatjja jupajj Salomón reyin nayrakataparu uñstasinjja, take lurañanacapwa luräna.

Éxodo 35:10

“Take qhitinacatejj suma amuyt'ampi suma yänac lurirïpqui ucanacaw jutapjjañapa Tatitojj cuntejj sisqui take uca yänac lurañataqui:

Éxodo 35:25

Uca quipcarac take suma amuyt'an warminacasti amparanacapampejj kapupjjaraquïnwa azul, wila morado, wila ch'anqhanaca, uqhamarac lino sat suma hilonacsa.

Éxodo 35:30

Moisesasti israelitanacarojj sänwa: “Uñjapjjam, Tatitusti Judá tributa Bezaleel sat chacharuw ajlli, jupasti Uri sat chachan yokapawa, uqhamarac Hur sat chachan allchhiparaqui.

Éxodo 35:31

Diosajj Ajayupampiw phokt'i yatiñanïñapataqui, suma amuyt'anïñapataqui take cunanac yatirïñapataqui, uqhamarac take cunanac lurirïñapataqui.

Éxodo 35:35

Ucat jupanacarusti take cunanac lurañ amuyumpiw phokt'i planonac lurañanacampi azul telaru, wila morado telaru, wila telaru, lino sat suma fino hilompi bordañanaca, uqhamarac yakha suma yänacampi lurañanaca.

Éxodo 36:1

Uqhamasti Bezaleel, Aholiab sat chachanacaru, uqhamarac take suma amuyt'an chachanacaruw Tatitojj take casta luraña yatiñanaca, amuyunaca churi, uqhamata Tatitumpi Jiquisiñ Kollana sat chekataqui cunanacatejj munasqui ucanaca lurapjjañapataqui, cunjämtejj Tatitojj siscäna uqhamarjama.”

Éxodo 36:2

Moisesasti jawsänwa Bezaleel, Aholiab, uqhamarac take suma amuyumpi cunanacsa lurir chachanacaru; Tatitusti jupanacaruw churäna yatiña, jupanacajj chuymapatjamwa jutapjjäna uca lurañanacaru yanapirejja.

Proverbios 2:6

Tatituwa yatiña churirejja; lacapataracwa yatiña, uñt'aña arunacapajj misturaqui.

Isaías 11:2

Tatitun ajayupasti jupjjancapuniniwa, ucatsti yatiñampi, ch'iqhi cancañampi, suma amuyt'a chuymampi, ch'amampi, Tatitur uñt'añampi jupar ajjsarañampwa churani.

Efesios 1:17

Tatit Jesucristosan jach'a Dios Awquiparuw mayta ajayun yatiñ cancañ jumanacaru churañapataqui Diosan uñacht'äwip sum amuyapjjañamataqui, uqhamarac sum uñt'apjjañamataqui.

Deuteronomio 34:9

Ucatsti Josué sat Nun chachan yokapajj, yatiñ cancaña Moisesat catokäna, Moisesajj amparanacap jupjjaru lokjjatatap laycu, uqhamaw israelitanacajj jaysapjjäna, lurapjjaraquïna cunjämtejj Tatitu Diosajj Moisesar ewjjawaycän uqhamarjama.

Santiago 1:17

Take cunatejj asquïqui uqhamarac chekäqui ucajj alajjpachatwa juti, qhititejj alajjpach khananac lurqui uca Diosawa churistu. Diosajj pachpaquipunïsquiwa, janiraquiw jupanjja sarir ch'iwir uñtatas utjquiti.