Efesios 2:17 - Qullan Arunaca

¹⁷ Cristojj jutasinjja takeniruw sumancaña suma yatiyäwinacjja yatiyi, jumanacaru jayanquirirusa, uqhamarac judionacas jac'ancapqui ucanacarusa.

Aymar Bibliia 1986

¹⁷ Cristojj jutasinjja takeniruw sumancaña suma yatiyäwinacjja yatiyi, jumanacaru jayanquirirusa, uqhamarac judionacas jac'ancapqui ucanacarusa.

Qullan Arunaka DC

¹⁷ Cristox jutasin taqiniruw sumankañ suma yatiyäwinak yatiyi, Diosat jayankapkäyät uka jan judionakaru, ukhamarak jupa jak'ankapkän uka judionakarusa.

Efesios 2:17 Jak'a apnaqawi uñst'ayäwi

Salmos 148:14

¡Jupaw marcaparojj ch'amañchi! ¡Jupaw iyawsirinacapar jach'ar aptayirejja, ajllit Israel marcapar jach'añchirejja! ¡Tatitojj jach'añchatäpan!

Salmos 75:1

Diosay, jach'añchapjjsmawa, yuspagar churapjjsma, sutim aytasipjjta, muspharcañ luräwinacam k'ochupjjta.

Salmos 85:10

Qhuyapayasiñamp asqui cancañampiw jiquisipjjani, sumancañamp chekapar uñjañampiw mayacht'asipjjani,

Isaías 27:5

Nayan jupar arjjatañajj munchejja, nayampejj sumancthappanaya, jïsa, sumancthappan nayampejja.”

Isaías 52:7

¡Cunja cusiscañas kollu patanacanjam jutasquir uñjañajja, qhititejj mä suma yatiyäwi apanqui ucan tact'atanacapajja, jupajj sumancañ yatiyäwinaca apani, suma cusiscañ yatiyäwinac apani, khespiyasiñ yatiyäwinac apani, Sión marcarusti siwa: “Diosamajj reyiwa”! sasa.

Zacarías 9:10

Jupaw t'unjani Efrainan carronacapjja, Jerusalenanquir caballonacsa, guerrasiñ arconacsa, sumañcañwa marcanacaru yatiyanejja, apnakaraquiniwa kotat kotaru, Eufrates jawirata orak tucuycama.

Mateo 10:13

Utanitejj asquïnejja, uca suma aruntajj asquïniwa; jan asquïcchi ucasti janiw asquïcaraquiniti.

Lucas 15:8

“¿Jan ucajj, qhiti warmich tunca sencill kollkenïsajj may chhakayasinjj jan lampar khantayasisajj wali amuyumpi utap pichsusquejj jicjjatañcamajja?

Lucas 2:14

“¡Diosajj jach'añchatäpan alajjpachanacanjja. Aca orakensti sumancañaraqui utjpan qhuyapayasiñapat cusisipqui uca jakenac taypina!”

Hechos 10:36

Diosajj Israelan wawanacaparuw parläna Jesucristo toke sumancañ utjañapata. Jesucristosti take jakenacan Tatitupawa.

Hechos 2:39

Diosan aca arsüwipasti jumanacataquiwa, uqhamarac wawanacamampitaqui, jayanquirinacampitaqui, kawkhanirutejj Dios Tatitusajj jawscaraquini ucanacampitaqui —sasa.

Romanos 10:14

Ucampisa, ¿cunjämrac juparusti art'asipjjanisti jan jupar iyawsapcchi ucasti? ¿Cunjämrac juparusti iyawsapjjanisti jan jupat parlquir ist'qui ucasti? ¿Cunjämaraqui ist'apjjanisti jan qhitis jupat yatiyiri utjcchi ucasti?

Romanos 5:1

Iyawsäwi laycu Dios nayrakatan asquit uñt'atäjjatasatwa Diosampi sumancañajj utjistu Jesucristo Tatitusana.

2 Corintios 5:20

Uqhamajj Diosan qhitanacapjamawa jumanacar jutapjjsma, Dios quicpas jumanacar achict'apquiristam nanac toke uqhama. Tatitun sutipjjaruw achict'apjjsma: sumancthapjjapjjamay Diosampejja.

Efesios 4:21

jumanacatejj chekpachan juparu ist'apjjsta uqhamarac jupamp yatichatäpjjsta Jesusan asqui luräwinacaparjama ucajja.

Deuteronomio 4:7

Jichhasti, ¿cawquïri jach'a marcarac utji, diosanacapampi jupanac jac'ana, cunjämatï jiwasan Tatitu Diosasajj jac'asancqui, sapa cuti cunapachatï jupar mayistan uqhama?