Efesios 2:17 - Qullan Arunaka DC

¹⁷ Cristox jutasin taqiniruw sumankañ suma yatiyäwinak yatiyi, Diosat jayankapkäyät uka jan judionakaru, ukhamarak jupa jak'ankapkän uka judionakarusa.

Aymar Bibliia 1986

¹⁷ Cristojj jutasinjja takeniruw sumancaña suma yatiyäwinacjja yatiyi, jumanacaru jayanquirirusa, uqhamarac judionacas jac'ancapqui ucanacarusa.

Qullan Arunaca

¹⁷ Cristojj jutasinjja takeniruw sumancaña suma yatiyäwinacjja yatiyi, jumanacaru jayanquirirusa, uqhamarac judionacas jac'ancapqui ucanacarusa.

Efesios 2:17 Jak'a apnaqawi uñst'ayäwi

Salmos 148:14

¡Jupaw markaparux ch'amañchi! ¡Jupar iyawsirinakapax yupaychañäni, jupan ajllit Israel markapätanwa! ¡Tatitur yupaychapxañäni!

Salmos 75:1

1 (2) Diosay, yuspagarapxsmawa, sutim aytasipxta, muspharkañ luräwinakam q'uchupxta.

Salmos 85:10

10 (11) Khuyapayasiñampi, aski kankañampix jikisipxaniwa, sumankañampi, chiqapar uñjañampiw mayacht'asipxani,

Isaías 27:5

Israel markatix nayan jupar imañax munchixa, nayampix sumar mantañapawa; jïsa, nayampix sumankthapiñapawa.”

Isaías 52:7

¡Kunja kusiskañas qullu patanakanjam jutaskir uñjañaxa, khititix mä suma yatiyäwi apanki ukaru, khititix sumankañ yatiyäwinak apanki ukaru, khititix qhispiyasiñ yatiyäwinaksa apanki ukaru, Jerusalén markarux sarakiwa: “Diosamax reyiwa”! sasa.

Zacarías 9:10

Jupaw Israelan nuwasiñ carronakap t'unjani, Jerusalenan caballonakapsa tukjani, nuwasïwin mich'inak antutt'añanaksa p'akirani. Markanak taypin sumañkañ yatiyani, maysa qutata, maysa qutakamaw apnaqani, Éufrates jawirat qalltasina uraq tukuykamaw marka sarayani.

Mateo 10:13

Utankirinakatix askïnixa, uka suma aruntax askïniwa; janitix askïpkanixa, uka aruntax jumanak pachparuw kuttanxani.

Lucas 15:8

“Jan ukax, ¿khiti warmisa tunka qullqinïsax may chhaqhayasispa ukaxa, janit micha qhantayasisax utap sum pichskaspa uka qullqi jikxatañkam thaqkarakispaxa?

Lucas 2:14

“¡Diosax alaxpachan jach'añchatäpan! Aka uraqinsti sumankañax utjpan Diosan khuyapayat jaqinak taypina!”

Hechos 10:36

Diosax Israelan wawanakaparuw parläna, sumankañ arunak Jesucristo tuqi yatiyasa, jupax taqi jaqinakan Tatitupawa.

Hechos 2:39

Aka arsutax jumanakatakiwa, wawanakamatakiwa, jayankirinakampitakiwa; qawqhanirutix Dios Tatitusax jawskani jupanakampitakirakiwa.

Romanos 10:14

Ukampisa, ¿kamisarak jupar jan iyawskasin jupar art'asipxanisti? ¿Kamisarak jan ist'kasin jupar iyawsapxanisti? ¿Kunjämatarak yatipxanisti, jupat jan khitis yatiyir utjkipansti?

Romanos 5:1

Ukhamasti, Diosax iyawsäwi laykuw aski jaqit katuqxistu, Diosampi sumankañax Jesucristo Tatitus tuqiw utjistu.

2 Corintios 5:20

Ukhamasti nanakax Criston khithanit arsuripäpxtwa, ukasti Dios kipkas jumanakar nanak tuqi achikt'apkiristam ukhamawa. Ukhamasti, Criston sutipxaruw achikt'apxsma, Diosampi sumankxapxañamataki.

Efesios 4:21

chiqpachansa jumanakax jupat yatiyäwi ist'apxtaxa, ukat jumanakax kunjämtix jupax munki ukham jakañ yatiqapxtaxa, Jesusankki uka chiqa kankañaparjama.

Deuteronomio 4:7

¿Kawkïr jach'a markan diosaparak jupanak jak'anki, kamisatix Tatit Diosasax jupar art'asipktan ukapacha jiwasanak jak'ankki ukhamsti?