Efesios 2:18 - Qullan Arunaca

¹⁸ Takeniw Cristo toke, judionacasa jan judionacasa, mä sapa Ajayu tokequi Awquirojj jac'achastan.

Aymar Bibliia 1986

¹⁸ Takeniw Cristo toke, judionacasa jan judionacasa, mä sapa Ajayu tokequi Awquirojj jac'achastan.

Qullan Arunaka DC

¹⁸ Taqiniw Cristo tuqi, judionakasa jan judionakasa, mä sapa Ajayu tuqiki Awkirux jak'achastan.

Efesios 2:18 Jak'a apnaqawi uñst'ayäwi

Zacarías 12:10

“Qhuyapayasiñampi oración lurañampi ajayumpiw phokt'äjja Davidat jutiri familiampiru Jerusalenan jaquirinacampirojja. Ucqhawa uñcatapjjanejja qhitirutï chhojjriñchapqui ucarojja, ucatsti llaquisipjjaniw, jachapjjaraquiniwa mä sapa wawatjama, jan ucajj jilïri wawatjama.

Mateo 28:19

Take acapachanquir jakenacar yatiyir sarapjjam, nayar arquir tucuyapjjam; bautisapjjam Dios Awquina, Dios Yokana, Dios Kollan Ajayun sutiparu.

Juan 10:7

Ucatsti Jesusajj wasitampiw saraquïna: —Khanacwa sapjjsma, nayätwa puncojja cawqui chektejj ovejanacajj mantqui ucajja.

Juan 10:9

Nayätwa puncojja; qhititejj naya chek mantcani ucajja, khespiyatäniwa. Cunjämatejj mä ovejajj uyuru manti, misturaqui, ucatsti pastonac jicjjataraqui, uqhamäniwa.

Juan 14:6

Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.

Romanos 5:2

Cristo tokeraquiw jiwasanacajj Diosarojj jac'achastanjja, iyawsäwi laycu jupat bendiciona catokañataqui. Uca bendicionansti takeniw ch'amani sayt'atätanjja, Diosan marcaparu mantañataqui suyt'äwinsti cusisitätanwa.

Romanos 8:15

Janiw esclavo tucuyir ajayu catokapctati ajjsaratac sarnakascañataqui, jan ucasti catokapjjtawa Diosan wawapa tucuyquistu uca Ajayu, ucat jupajj arsuyistu: “Nayan Awquejja” sasa.

1 Corintios 12:13

Take jiwasanacasti, judiosa, griegosa, esclavosa, libresa, Kollan Ajayun bautisasjjasinjja mä sapa cuerpoquiw tucjjtan; takenisa uca pachpa Ajayutaracwa catoktanjja.

1 Corintios 8:6

Ucampis jiwasataquejj mä sapa Dios Awquiquiw utji. Uca Dios Awquiwa take cunsa lurejja ucataracwa jiwasas utjasctanjja, jupataquiraqui jacasctanjja. Mä sapa Tatituquiraquiw utjejja, ucasti Jesucristowa. Jupïpanracwa take cunas utjejja, uqhamarac jiwasasa.

Gálatas 4:6

Uqhamajj jupan wawapätasa uñacht'ayañataquejja, Diosajj Yokapan Ajayupwa chuymanacasar qhitaniraqui, uca Ajayusti arsuwa: “¡Awquejja!” sasa.

Efesios 3:12

Cristo tokewa Diosar jan ajjsarasina jac'achasiñasajj utji, jupar iyawsctansa uca iyawsañampi.

Efesios 3:14

Ucatpï quillt'astjja [Tatit Jesucriston] nayrakataparojja.

Efesios 4:4

Mä sapa cuerpoquiw utji, mä sapa Ajayuquiraqui, cunjämtejj Diosajj mä sapa suyt'añaruc jawsapctamjja uqhama.

Efesios 6:18

Acanacsti oracionampipuni lurapjjam, Diosar mayisina Kollan Ajayu toke. Uc lurañataquisti janc'aquïpjjam, jan pächasisa, uqhamarac take qhitinacatejj Diosancapqui ucanacataquis Diosatjj mayipjjaraquim.

Colosenses 1:12

uqhamata Dios Awquiru yuspagarapjjañamataqui. Juparaquiw jiwasarojj waquichistu ucjja khanan catokañasataqui, cuntï Diosajj jupanquirinacar churcän ucjja.

Hebreos 7:19

Moisesan leyipasti janiw cuns chekachcänti. Uca lantisti suma suyt'äwiw utjistu, uquïr tokeraquiw Diosarojj jac'achastanjja.

Santiago 3:9

Uca pachpa lajjrampiw Dios awquisarojj yupaychtan, uca pachpa lajjrampiraquiw Diosar uñtasita uscut jake masisarojj ñankhacharactan.

1 Pedro 1:17

Jumanacajj Diosarojj “Awqui” sapjjtawa. Diosasti take jakenacarojj sapa maynirusa chekapwa uñjani, ucatpï jumanacajj Diosar ajjsarapjjañamajja aca oraken jaccasinjja.

1 Pedro 1:21

Jumanacasti Cristo tokeraquiw Diosarojj iyawsapjjtajja. Uca Diosaraquiw Cristorojj jiwatanacat jactayi, jach'aru tucuyaraqui; uqhamasti jumanacajj Diosaruw iyawsapjjtajja, suyt'apjjaractasa.

1 Pedro 3:18

Cristo quipcaraquiw juchanacas laycojj jiwäwipanjja t'akhesiwayejja jan mayampitaqui. Jupajj asqui jakënwa, ucampis jiwasan jan walïtas laycuw t'akhesiwayi, jiwasar Diosar irpañataqui. Janchinaqui jiwatänjja ucampis ajayupanjja jactanjjewa.

Judas 1:20

Jumanacasti munat jilatanaca, uca kollana iyawsäwinacamanjja ch'aman sayt'asipjjam, Kollan Ajayun ch'amapampirac Tatitut mayisipjjam.