Efesios 2:16 - Qullan Arunaca

¹⁶ Uqhamatwa Cristojj crusan jiwasina paypach marcan ch'ajjwanacap tucuyawayi, Diosampis sumancayaraqui, jupanacat mä sapa cuerporu tucuyasina.

Aymar Bibliia 1986

¹⁶ Uqhamatwa Cristojj crusan jiwasina paypach marcan ch'ajjwanacap tucuyawayi, Diosampis sumancayaraqui, jupanacat mä sapa cuerporu tucuyasina.

Qullan Arunaka DC

¹⁶ Cristox cruzan jiwasin paypach markan ch'axwanakap t'unjawayi, Diosampis sumankayaraki, jupanakat mä sapa markar tukuyasa.

Efesios 2:16 Jak'a apnaqawi uñst'ayäwi

Romanos 5:10

Diosan uñisiripäcasinsa Dios quipcaw sumancthapiyistu jupan Wawapan jiwatap toke, ucataracwa jichhajj uca Wawapan jacäwip toke khespiyatäñäni, jupampi sumancthapitas laycu.

Romanos 6:6

Yattanwa, nayra jacañasajj jupampi chica ch'accatatäjjewa uqhamat jiwasan cuna jan walitejj utjqui ucajj t'unjatäñapataqui, uqhamat jan juc'ampi juchar sirvjjañasataqui.

Romanos 8:3

Diosajj phokhawayjjewa cuntejj Moisesan leyipajj jan lurcäna jan ch'amanïtapata, jiwasanacan wali juchararätas laycu. Diosasti jupan mä sapa Wawaparuw qhitani jiwasjam janchi cuerponi, uca quipca jucharus purirjamaraqui. Jupasti jucha laycu jiwañataquiw juti, ucatsti jupajj jucharojj juchañchawayiwa, janchincasinracwa atipjawayi.

Romanos 8:7

Janchin jacañat llaquisirinacajja Diosan uñisiripäpjjewa, ucatsti janiw Diosarojj munapquiti ni camachi arunacaparusa jaysapcaraquiti.

1 Corintios 10:17

Waljanïctan ucqhasa mä sapa pachpa t'ant'acwa mank'tanjja, ucataracwa mä sapa janchi tucuractanjja.

Gálatas 2:20

Nayajj jiwjjtwa Cristompi chic ch'accatata, ucampis janiw nayajj jacjjtti, jan ucasti Cristow nayan jacjje. Aca janchin jactsa ucajja, Diosan Yokaparu iyawsatajj laycuquiw jacasctjja, nayar munasinwa jacañapa naya laycu apt'asiwayi.

Efesios 2:15

Cristojj pachpa janchipanwa leyejj cuntejj siscäna ucjja tucuyawayi. Paypach marcsti mä sapa machak marcaruquiw tucuyaraqui, juparu mayachataraqui. Uqhamwa sumancañjja utjayawayi.

Efesios 3:6

Uca jan amuyt'caña imantatajja acawa: Tatitun khespiyasiñ arunacap tokew jan judiöpquis ucanacajj judionacamp chica pachpa herencia catokapjjani, uqhamarac mä cuerporu tucutaquïpjjewa, Cristo Jesusar Diosajj arsuwaycäna ucsa catokapjjaraquiniwa.

Efesios 4:4

Mä sapa cuerpoquiw utji, mä sapa Ajayuquiraqui, cunjämtejj Diosajj mä sapa suyt'añaruc jawsapctamjja uqhama.

Colosenses 2:14

Diosaw take jucha manusjja phokhawayjje. Uca juchasti jiwasarojj leyirjamajj juchañchistänwa. Crusar ch'accatasaw uca manusjja phokhawayjje.

Colosenses 3:15

Diosan sumancañapay chuymanacamanjja jumanacarojj apnakpan, Diosasti uca amtäwimpiraquiw jawsapjjtam mä cuerpo tucupjjañamataqui. Ucatsti yuspagarapjjaraquim.