Apocalipsis 18:7 - Qullan Arunaca

⁷ Cunjämtï jupajj cusisitäcänjja uqhamarac jichhajj t'akhesiyapjjam; jupasti chuymapanjja sascaraquiwa: ‘Acan nayajj mä reinar uñtata kont'atäsctwa, janiw ijmäcti, janiraquiw t'akhescäsa’ sasa.

Aymar Bibliia 1986

⁷ Cunjämtï jupajj cusisitäcänjja uqhamarac jichhajj t'akhesiyapjjam; jupasti chuymapanjja sascaraquiwa: “Acan nayajj mä reinar uñtata kont'atäsctwa, janiw ijmäcti, janiraquiw t'akhescäsa” sasa.

Qullan Arunaka DC

⁷ Kunjämtix jupax jach'a jach'a tukurïkänxa ukhamarak jichhax t'aqhisiyapxam, ayquyapxam; jupax chuymapan amuyiwa: ‘Nayax akan reinar uñtat qunt'atäsktwa, janiw ijmäkti, janirakiw t'aqhiskäsa’ sasa.

Apocalipsis 18:7 Jak'a apnaqawi uñst'ayäwi

Ester (hebreo) 6:10

Ucatsti reyejj, Amán chacharojj sänwa: —Uqhamasti mäqui sarasinjja aptanim isi, caballo cunjämtejj siscta uqhamarjama, ucatsti luram palacio puncun kont'atäqui uca Mardoqueo sat judiompi. Janipuniw q'ichekätati cuntejj arscta ucatjja —sasa.

Salmos 10:6

Janis qhitis tincuycaspajj uqham amuyasi, janis cunapachas jan walt'añanacar purcaspajj uqham amuyasiraqui.

Salmos 45:9

Reyinacan phuchanacapaw jumar catokerejj mistunipjje, reinajj cupëjjaman sayt'atäsquiwa, korit lurat c'achachañanacamp uchantata.

Jeremías 13:18

“Reyirusa, reina taycarusa saraquim: ‘Uca reyin konuñapat sarakanipjjam, orakeru kont'asipjjaraquim, p'ekepatsti cawquïri coronatejj suma c'achachcäna ucajj jalaktjjewa.’

Lamentaciones 1:1

¡Walja jakenacani marcajj cunja sapaquis uñjasjje! Marcanacan jilïripa marcajja mä ijma warmir uñtataquëjjewa. Ch'ama irnacañanacampi t'akhesiyataw jichhajj uñjasi, uñtcañ suma marcajja.

Ezequiel 23:34

Takpachwa umsuraquïta, jisc'a jisc'a tucjaraquïta, ñuñunacamsa jat'inokasiraquïtawa. Naya Tatituw ucjja arsta, arunacajjsa churaractjja.

Abdías 1:3

Jach'a jach'a tucutamaw sallkjtamjja. Karka p'iyanacanwa jactajja, alto kollunacanwa utjaractajja, ucatwa amuyasiractajja: ‘Janiw qhitis liwekquitaspati’ sasa.

Sofonías 2:15

Uqhamawa cawquïri marcatï wali jach'a jach'a tucusa jaccäna ucajja, uqhamaraqui jakenacapasa sapjjäna: ‘Janiw aca marcjamajj utjquiti aca orakenjja’ sasa. ¡Cunjäma uca marcajj t'unjatasa, jan cunani, monte animalanacan putuparu tucuyataraqui! Qhitinacatejj uca cheka pasapcani ucanacasti qhuyusipjjaniwa, jisc'achapjjaraquiniwa.”

1 Timoteo 5:11

Ucampis jan uscumti juc'a maranacani ijma warminacarojja, cunapachatejj pachpa amtäwinacapajj Cristotjja jayarst'ayi ucajja, wasitampiw casarasiñ munapjje,

Apocalipsis 18:3

Take marcanacasti uca Babilonian wachoka jucha luratanacapampejj vinompjamaw macharapjje. Acapach reyinacasti uca Babiloniampiraquiw wachoka juchan jacapjjänjja, alaquipa luriri jakenacasti jupan jan wali sarnakatapampejj waliraqui kamiriptapjjänjja” sasa.

Apocalipsis 18:9

Acapachanquir reyinacasti, qhitinacatejj jupampi jucha lurasa jacapcän ucanacasti, jupar naqhantata uñjasajj wali jachapjjani, jaqhusipjjaraquini.