Apocalipsis 18:8 - Qullan Arunaca

⁸ Ucataracpï jupataquejj t'akhesiñajj mä urunac purininejja. Ucanacasti acanacawa: jiwaña, t'akhesiña, mank'at awtjayasiña, ucatsti ninampi naqhantayataraquïniwa; jupar juchañchir Tatitu Diosasti wali munañaniraquiwa”

Aymar Bibliia 1986

⁸ Ucataracpï jupataquejj t'akhesiñajj mä urunac purininejja. Ucanacasti acanacawa: jiwaña, t'akhesiña, mank'at awtjayasiña, ucatsti ninampi naqhantayataraquïniwa; jupar juchañchir Tatitu Diosasti wali munañaniraquiwa”

Qullan Arunaka DC

⁸ Uka arsutap laykuw jupatak t'aqhisiñax mä urunak purinini: jiwañampi, t'aqhisiñampi, manq'at awtjayasiñampi, ninar nakhantayataw uñjasirakini; taqi ch'aman Tatitu Diosaw jupar mutuyañ amti” sasa.

Apocalipsis 18:8 Jak'a apnaqawi uñst'ayäwi

Job 9:19

¿Nayajj ch'amampiti sayt'asiristjja? Jupajj jila ch'amaniwa. ¿Juparusti juezat uñjañapataquiti jawsiristjja? ¿Qhitis juparojj uñstayanispa?

Salmos 62:11

Diosan arsutap ist'ta, jupan arsut arup yatta: “Diosajj ch'amaniwa, ch'amasa, munasiñas jupanquiwa, jupaw sapa maynirojj lurataparjam wajjt'i” sasa.

Isaías 27:1

Uca urunjja Tatitojj mutuyaniwa, ajjsarcaña, jach'a ch'amani espadapampi, Leviatanaru jaltiri catariru, Leviatanaru, k'ewinaktir catariru, jach'a kotanquir dragonarus jiwayaraquiniwa.

Isaías 9:14

Ucatwa Tatitojj Israel marcarojj jach'a arumpi saraqui; camisatejj mä uywarojj p'ekepa, wich'inqhapa apake, uqhama, cunjämatejj maynejj palmeranaca, sokosanaca mayaqui qhuchhurejja uqhama. ¡Take ucanacsti mä urunacwa lurjani!

Jeremías 50:31

Take ch'amani Tatitu Diosajj saraquiwa: “Ñankha lurir marca, nayajj jumataquiw sayt'tjja; juman urumajj purinjjewa, jumaru mutuyañ horasas purinjjaraquiwa.

Jeremías 50:34

Ucampisa khespiyiripajj ch'amaniwa, sutipasti ‘Take Ch'amani Tatitu’ sataraquiwa. Jupaw take cunsa chekaparu uñjaraquini; marcarusti sumancañwa apanini, ucampisa Babilonianquiri jakenacataquejj jach'a ajjsarcañanacwa apaniraquini” sasa.

Jeremías 51:58

Babilonian uca thuru perkanacapasti k'ala liwinucutaraquïniwa, uca jach'a puncunacapas ninampi naqhantayataraquïniwa. Marcanacasa inamayaquiw sayt'ayapjjaraquejja, ch'ama tucutanacapasa ninanwa tucusiraquini.” Take ch'amani Tatituw ucjja arsu.

Jeremías 51:6

“¡Babilonia marcat jaltjjapjjam! ¡Qhitis khespiyaschini ucajj khesppan! ¡Jan jupan juchap laycu jiwapjjamti! Acaw nayan phoksusiña horasajjajja, cunjämarutejj waquisqui uqhamaruw churaraquëjja.

Joel 2:11

Tatitusti, ejercitop nayrakatanjja jach'a arupwa ist'asiyaraqui. Ejercitopasti waljaniwa, jan jact'cayaraquiwa jupan arsutap phokherinacajja. ¡Cunja jach'asa, ajjsarcañaraquis Tatitun urupajja! Janiw qhitis jupa nayrakatanjja sayt'ascaspati.

1 Corintios 10:22

¿Jan ucajj Tatituruch colerayañänejja? ¿Jiwasajj Tatitut sipansa juc'ampi ch'amanïtancha?

Apocalipsis 11:17

aqham sasa: “Yuspagarapjjsmawa, Tata, jumajj jach'a ch'amani Diosätawa, utjascapunïyätawa, utjascactawa, jichhas utjascaquipunïtawa. Jichhajj jach'a ch'amamwa uñacht'aytajja, aca orake apnakañsti kalltaractawa.

Apocalipsis 17:16

Uca tunca wajjranaca uñjctas ucanacasti uca k'añu warmirojj uñisipjjaniwa, k'alalpacharaqui irpanucupjjani, janchipsti mank'apjjaraquiniwa, ninampiraquiw naqhantayapjjani.

Apocalipsis 17:18

Cuna warmtï uñjcta ucasti cawquïri marcatï aca orakena take reyinacaru apnakquis uca marcawa” sasa.

Apocalipsis 18:17

¡Janc'aquiraquis take uca kamir cancañajj tucusjjejjä!” sasa. Take barco apnakeri capitananacasa, marineronacasa, pasajeronacasa, qhitinacatï jach'a kotan irnakapqui ucanacasa, ajjsarañatsa jayjatacwa sayt'anipjjäna.

Apocalipsis 18:19

Ucatsti lak'anacampiw p'ekenacapatjja willjjatasipjjäna, jachapjjaraquïnwa, wararipjjaraquïnwa: “¡Ay! ¡Jan cunani jach'a marca! Take barqueronacasa aca marcampiraquiw kamiriptapjjänjja, ¡jichhasti janc'aquiraquis uca kamir cancañapajja tucusiwayjjejjä!

Apocalipsis 19:3

Ucatsti wasitat art'apjjaraquïna: “¡Aleluya! Aca marcan jek'epajj wiñayan wiñayapataquiw maqhatani” sasa.